唉, 最近成日俾另一半suggest 小弟去轉行做巴士路線規劃/營收分析的工作, 因為香港已經變左做金融遺址, 佢個人認為小弟唔適合再做finance-related 的工(競爭大),
她又指小弟finance knowledge 唔勁唔叻, 本身係輕度A仔, 講野又唔夠presentable....工作能力又唔係可以做到力壓群雄, 醒和叻過哂全部人, 反應又慢, 唔夠"交帶" (至少老細工作上覺得係咁, 佢本身性格好急).
小弟另一半又認為小弟係巴膠, 做巴士公司, 係入邊做野競爭和work pace 比起做finance 會慢D, 公司文化/工作氣氛無finance 公司咁chur, 相對容易上位/生存, 但對巴士的行業知識/術語, 即使無人教/老細唔點俾guidelines, 好多野都可以自己睇得明/feel 到..... 大家點睇?
而家份工又chur 又underpay, 老細麻麻, 好想quit 左先搵工, 唉, 上年有份finance 工新offer, 公司文化好正, 老細感覺唔錯, 但個HeadCount 無左, (經濟差), 做的野又更適合自己興趣.... 唉, 勁灰.....
有無巴絲打可以講下巴士路線規劃呢行的人工天花板大約幾多?
小弟要求唔高, 如果呢行做到頂有40K-50K 左右都已經滿足......但現職前景麻麻 (accounting-oriented), 加上本身討厭做accounting的野, 好糾結係應該同行轉work function 還是轉行!(弱點係理解複雜野比常人慢, 唔夠"一點就明", 有時又會誤解人地同我講的野, 要再三clarify 先至明, 俾人感覺唔夠醒)