信仰係一個有雞先定有蛋先嘅問題心神則靈or因靈而信？
今次事件係2020年 2ch一個叫「不如收集下一啲不安到死嘅恐怖故好冇？360」嘅綜合PO入面66樓網友分享嘅一個故事
以下綠色字係原PO 123樓嘅發言
※有勞各位回覆時勿quote正文
#66
件事 係我小學4年級嗰陣 而家計起15年前左右
當時 我成日同一個叫山中嘅細路一齊玩
嗰陣細路仔玩嘅嘢已經都多數係打機之不過 山中佢就因為屋企唔准打機所以冇遊戲機
取而代之就出去周圍玩識玩好多特別嘢
例如執啲木棍好似打棒球咁打石仔 睇下10次入面有幾多次打到去河對岸咁樣
我同山中係升4年級嗰陣同班嘅新相識嚟
我就一路都係打機 對佢呢啲遊戲都覺得幾得意
同埋 山中知有咩地方好玩 例如喺河口度嘅排水出口度
有3m高以上嘅石屎水管 喺冇排水嘅時候去探險咁樣
重有 喺個山仔邊嘅一座配電鐵塔等等 而家諗返起
呢啲全部都係俾學校知嘅話重俾人鬧嘅地方嚟
但就對呢啲零舍熟悉所以喺放學後 我哋兩個會踩單車喺呢個小鎮度周圍去
一諗返起就覺得好懷念 山中佢以前係一個好好嘅人嚟
佢又唔會講啲令人討厭嘅嘢 雖然大家都係細路仔 但就好識睇住我
呢啲到咗而家我先明
不過佢就成日冇零用錢 請佢食雪糕飲嘢呢啲就變咗係我嘅工作
啊啊 都係入返正題先就係喺暑假期間
我哋去咗離我哋學校嘅校區有啲距離嘅一間神社度
係好細嘅地方嚟 我諗都冇神主喺度 社殿嘅門都閂埋 神主即係神道教神職人員
至於點解要去嗰度 係因為山中話喺社殿下面嘅沙地度有蟻地獄
即係蟻獅幼蟲嘅巢 唔識飛嘅蟲行過就會跌落去俾佢jep咗嗰啲神社嘅建築咪高架嘅 就係咁捐入下面
下面係啲好細嘅啡色沙 同埋有好多個凹凹地嘅位
伸隻手入去沙嘅中央度一抓起 手掌度就會捉到隻蟻獅
嗱唔好會錯意
唔係捉上去整死佢 只係觀察下 死嘅都只係蟻
同埋都唔係我哋殺死嘅 我哋只係將啲生勾勾嘅蟻放落蟻地獄個窿度啫
只係啲蟻諗住逃走嗰陣啲沙就一路散開 愈爬就愈跌落去
於是跌到落中間 就會有隻鉗伸出嚟捉佢
就係咁一路睇 不過睇咗1個鐘頭都覺得有啲厭
我哋就行去神社嘅後面
嗰度係一個最深嘅雜林嚟
同俾強烈日照射住嘅神社範圍唔同 有種又陰又濕嘅感覺
然後就唔知點解講講下話諗住不如試下立起神社社殿嘅柱
將幾十塊唔同大細嘅板疊埋一齊咁
唔唔 可能係神社用嚟起啲唔知咩嗰陣剩低落嚟嘅廢料嚟呱
其實在我看來就唔多好玩 只係山中佢拎住一塊板同我講
「喂 不如起返間神社丫
」呢啲而家諗返起好似係叫攝社咪喺啲大神社沿住條參道會有啲細細座咁嘅
就係嗰啲喇我都喺呢個時候開始覺得咁又好似幾好玩咁
所以我哋兩個將啲板疊埋又棟起 當時我哋冇釘
連膠紙都冇 只係好簡單地喺板嘅下面用啲泥土埋起佢
再喺上面放用嚟做屋頂嘅板
山中就想整起三角嘅神社屋頂 但係就唔多順利
最後我哋都起咗一個比我哋高一個頭嘅社殿
之後話輪到起鳥居 我諗邊有咁易丫 但又唔估到又真係幾易
其實唔難？喺叢林度盡可能搵啲直嘅樹枝返嚟棟起兩碌
打橫嘅橫木就用啲冷藤綁好 就係咁起埋個鳥居後
有晒真神社咁嘅氣氛 我哋都好滿意
然後山中又話「淨係咁唔得 冇御本尊唔成事
」唔唔 而家諗返起其實佢用錯字 應該係叫御神體先啱嘅 御本尊係日本佛教用語
跟住我哋就搵下有冇啲咩適合做御神體嘅嘢
其實邊有可能會喺林度執到呢啲咁嘅嘢丫
我哋喺林度行下行下行到出林外近田地嘅地方 搵到一個細細個嘅地藏 補充 喺經歷過日本歷史上嘅神佛結合同分離後 日本嘅地藏好多時都已經同佛教冇咩關係 甚至同神道教都冇咩關係 有時定位甚至似我哋嘅土地 而日本嘅佛教當然都有地藏 就係本身嗰個地藏菩薩 神道教由於係泛靈論 所以都會容埋地藏係冇衝突
地藏嘅頭巾同披巾都已經俾日曬雨淋到爛晒 長年累月咁連個樣都濛濛地
山中見到就話「就呢個啦」我都好快贊成
當時我哋唔覺得搬走個地藏會唔會唔係咁好咁 只係跟住就好辛苦
因為話就話細細座 但點都係石造嘅地藏嚟 都好重下
我同山中一人抬頭一人抬腳 氣來氣喘咁搬到去我哋起嘅神社度
將佢放喺中間 即刻成個feel出晒嚟
我諗住即刻請請下拜下先 山中就話「都未有供品拜咩啫
」我應佢「咁呀 我去買啲麵包返嚟
」山中話「唔得 呢啲佢唔高興嘅
供品都自製啦」佢行返入神社嗰邊 喺手水場度𢳂咗殼水
然後潛入社殿下面 用沙同水搓泥沙湯丸
我見到都跟住做 但啲沙好快散整得好樣衰
我哋兩個整咗5,6粒泥沙湯丸 山中就話「最後工序
」將掘起嘅蟻獅放入去然後走返去我哋嘅神社嗰邊
將啲嘢放喺鳥居同地藏嘅中間擺好 再拍拍下手咁拜下
唔？許咗啲咩願就唔記得喇 我諗都係想考試高分啲嗰類呱
跟住完咗後 我同山中都有種完工嘅充實感
山中話「重有呢 如果有埋鈴鐺就好喇
」我就話「細細隻嘅話我屋企有嘅
」決定咗第2日再返嚟 而呢日就再玩咗2個鐘其他嘢後就同山中分開
到第2日 又同山中去嗰間神社
見到前一日疊好嘅泥沙湯丸散開 每粒湯丸度都有好似有用手指篤開嘅窿咁
「一定係地藏撩開佢食咗入面啲餡
」山中咁樣講 我就覺得只係入面嘅蟻獅憑自己力量逃走咗出嚟啫
然後我哋用簡單嘅繩掛起埋個鈴鐺 愈嚟愈有神社款
喺彈條繩鈴鐺發出鈴鈴聲嗰陣
我聽到「未・夠」咁嘅聲
我「咦？」咁周圍望望 山中就問我「你頭先講乜話？」
「冇喎 冇講嘢呀」「我聽到有聲講未夠咁」
「我都係」
唔唔 如果你問我係點嘅聲......我諗係把男聲嚟呱
同埋唔似係上年紀之類咁嘅聲 應該話似細路仔聲多啲
「咁即係地藏講㗎啦
」山中佢咁講 我有啲驚訝石造嘅地藏又點會識講嘢
但係山中佢好似唔覺得有咩奇怪咁「不如捉啲青蛙放入啲湯丸度？
」我就真係唔制喇「都係用啲糖果啦
」之後我哋兩個出神社 踩單車去士多買咗袋平平地嘅糖嚟做供品 都係用我嘅錢
山中就一個覺得冇癮嘅樣咁
嗰日我哋有帶到捕蟲網同籠 所以一路都係林入面玩捉蟲
然後喺同山中分開後我返到屋企嗰陣
剛好喺屋企前面撞到落完田返嚟嘅阿嫲 佢見到我就個樣一變
「你呀 喺邊度玩啲咩衰嘢嚟 膊頭發晒黑咁
」我答佢「冇呀 冇玩咩 捉蟲之嘛
」睇緊睇緊
就完 待續
佢有力過細蚊仔嘅我好多
」然後就畀咗啲零用錢我
我即刻「嗚哇
之後佢用腳翻開隻死貓
」佢咁講 然後又要我喺佛壇跪坐2個鐘
