寵物Cancer治療討論

推🇫🇷🐮🐶

唔識，建議睇多兩間 ！

聽吓唔同嘅意見呀嘛

我隻貓就又係三年前 生肥大細胞腫 low grade
我隻貓當年7歲

做過二次手術
第一次係傳統個隻，做完 唔洗3日又係另一個位生

第二次做電脈沖化療 （ECT)
呢個唔洗全身麻醉 傷口極細

但做完唔洗二個星期另一個位再生

最後食標靶藥Palladia 食左二年
最後好返曬 無再生 藥都停埋

標靶藥比起化療個副作用細好多
獸醫個陣話 有機會嘔 無食慾 白血球低
我隻貓就只有白血球低 鬼打咁精神

你獸醫有冇同你講標靶藥呢個option ?

我個陣係睇城大腫瘤專科
我有問過免疫治療有冇用
專科話 對肥大細胞腫 作用唔大
對其他癌症有用啲

個陣佢叫我試左標靶藥先
標靶藥 一樽30粒 50mg 個陣買2千3到
我隻貓重5kg 就一個星期食三次
唔算貴 唔知你隻狗幾重 因為跟重量食

食緊中藥控制住
你都係比佢走好過啦

養狗養到你咁鳩屎都有
又要扮聖人咩唔想佢辛苦
不如話你唔想洗錢響佢身上
攬住d錢過世啦，養錢做寵物啦含家產

我嗰度獸醫冇講呢個option
只係話佢狀態ok，可以就咁食藥同保健品
想問你嗰陣係喺邊間睇醫生？
想帶佢去睇
唔該晒

sor冇嘢了
睇漏咗你#7嗰度
咁我轉去城大睇下
多謝巴打
同埋想問吓除咗食藥
會唔會改變下貓貓啲飲食
等佢健康啲？

城大個個專科 排好耐 要等成個月先睇到
我個陣係家庭醫生睇左先 邊醫邊排
如果你想快啲有得睇 去豐盈
因為香港得城大同豐盈 有腫瘤科專科獸醫
其他個啲 都係獸醫 加讀左個腫瘤文憑咁
佢哋無考到專科個個執業試

但呢二間收費都唔平 好貴
我見你一年前有開過post 問寵物保險
唔知你有冇買到… 如果有 係claim 到情況下
可以去睇專科

其實狗狗十歲 都唔算老 即係人嘅中年到
鏢靶藥個副作用真係好細
無化療咁大 我覺得可以試左鏢靶藥先
唔洗一來就中醫
因為中醫只係令佢舒服啲 其實都好唔到


我個陣有比雲芝 同 藻留康
但食完 粒腫仲大左
最後問返獸醫 佢話唔係隻隻腫瘤啱食
細大細胞腫唔啱 所以我停左比我隻貓食

另外飲食 我都轉左做生肉糧
因為少啲化學野

另外我想問多次次你狗狗情況
你係咪無切到粒野去化驗 所以唔知係low grade 定high grade?
如果係low grade 食鏢靶藥好返嘅機會好大

另外你獸醫有冇幫狗狗照超聲波去睇內臟個啲有冇生肥大細胞？
因為肥大細胞腫起 生左係皮膚之後 有機會轉移去內臟

如果內臟有 獸醫通常都叫安寧治療多 因為好返機會細 同埋內臟有 好快就走

而家香港人咁多傻錢無定使

咁睇下你當你隻寵物係咩 我當係屋企人
如果用落屋企人到 係傻 咁咪係
洗得值就唔傻 價值觀問題

抽針都會驗到係low 定high
可能個醫生無check 埋
我隻貓皮膚有 都係low grade
你book 專科睇好啲
你現加睇緊個醫生連超聲波都無照
好有問題
因為如果內臟都有 好大機會係high grade
會影響用藥

希望幫到你 同埋狗狗早日康復

免疫治療得好少資料
但聽講冇乜副作用，應該打咗冇壞
係唔知有冇效

我之前隻狗T型淋巴癌
開刀+化療冇效，腫瘤專科醫生叫我哋放棄
之後想試免疫，但CAU李醫生一嚟就同我哋講免疫治療對T型癌症冇效

狗狗加油

我睇Facebook啲寵物癌症群組
話城大叫佢安寧治癌因為化療唔會有效, 叫佢哋俾動物開開心心過埋最後嘅日子
但豐盈就叫佢做化療
我唔知原Po主人最後點揀

但我自己經驗係豐盈會不斷叫你醫
做化療做化療開刀開刀
佢哋冇乜其他option俾到你

我隻係淋巴皮膚癌，本身睇第一間已經話確診左，話淋巴皮膚癌差唔多冇得醫，快就3個，慢就1年內會走。

咁我就轉第二間睇多次，就話似皮膚敏感。
食左藥打左針又有好轉，點之知後就發現心同腎有問題，又一路食藥同驗。都諗住都係長期食藥就冇事，又到皮膚出現返問題。

最後都係確診皮膚癌，食化療藥為主。

由懷疑到>可能係皮膚病(有好轉)>心臟腎臟有問題>再到最後真係確診皮膚癌，醫左大約1年，最後佢郁都唔想郁又唔食野先決定打針唔想佢辛苦。

巴打可以分享第一同第二間分別係邊間嗎