幾時先認清自己係無料之人

人愈大愈睇得清楚自己需要乜野，同埋開始判斷到自己係咩level

眼見同期既同事都轉工升職加人工，癲到兩年升3次職

自己出左來做野都4年，都接近30歲，開始感受到自己應該都係一件廢柴

講勤力唔夠人勤力、講叻唔夠人叻、講運氣唔夠人有運

就係到諗不如算啦躺平好過，舒舒服服唔洗咁大壓力，唔洗追求名成利就而搞到一身病痛

人工30k，無車無樓，香港單身叫生存到

叫我再升上去做AM / M Grade毫無動力，唔想咁辛苦

做低層準時收工，放工唔洗接電話，無壓力，零OT

淨係想返工遲到早退，收工返屋企煮飯，再做gym

慢慢所有野都比呢個社會磨滅左，連上進心都無埋

其實學生時代自己都好有heart，自己讀b3學校，一日溫10個鐘書，最後成功考到入8大

入到U，自己都算work hard play hard，可以玩得好癲，但考試又真係會好認真溫書

可惜出到來社會發現太大壓力，充滿理想同失落

出左來做野第2年，自己已經患上焦慮症同驚恐症

用左差唔多2年時間睇精神科，先勉強穩定到情緒

好彩當時入到一間大公司，節奏比較慢同hea，好舒服

而且又撞正疫情，有得wfh，我覺得係疫情救左我一命

點知離開左呢間公司，出返來做其他公司，先發覺自己真係好廢，適應唔到離開舒服圈

又出現返焦慮症既症狀，所以5個月內換左4份工

係種種經歷下，開始意識到自己係廢柴，無能力飛黃騰達

愈想得到既野，愈焦慮愈不安，愈急愈燥

所以自己只能安份守已，去穩定自己心理健康

唔再追求事業同成就，按步就班，慢慢一步一步來

十分同意 做人最緊要認命

可能係好事

由我出世嗰日已經知啦喎