警世
貓貓一歲幾 因為晚上突然呼吸困難所以就帶咗佢睇粉嶺W診所 早上預約嘅時候姑娘問咗幾句就安排咗下午嘅時間 去診所之前貓貓仲可以正常進食、玩 結果6:00去到鄭醫生就話貓貓已經有生命危險 佢話先幫佢照xray 10分鐘之後出嚟話幫貓貓打咗兩支針 會觀察多佢一個鐘頭 叫我哋先離開 半個鐘之後收到電話已經知大事不妙 結果貓貓喺不夠一個小時之內 經歷探診、打針到最後急救死亡 最後問醫生到底貓貓嘅死亡原因係咩 醫生只係敷衍了事 十分不耐煩 起初甚至連診斷結果都唔願意俾我 只係話貓貓自己捱唔過
在此強烈譴責C醫生態度敷衍、冇耐性、對動物缺乏愛心 由貓貓危殆到離世中途冇向我哋解釋過任何嘢 所用嘅藥物、治療方式都係先斬後奏 貓貓離世之後只係安排助手遞上一本火化服務手冊
喺貓貓危殆嘅時候 C醫生只係安排一位男助手喺隔離望住佢 話休克先同佢講 之後就去咗睇其他動物行為極不負責任 消極治療
作為主人真係十分痛心 如果C醫生當下係冇能力或時間醫治貓貓 我哋可以帶佢去第二間 但因為C醫生所下嘅決定令到貓貓錯過最佳治療時間而離世 實在不能接受