香港由幾時開始，等錶位唔洗排隊？

頭先喺東沙島街泊車
一條大直路，幾個師兄喺後邊等位
我等咗半個鐘，排緊第一個

突然有部Tesla揸入嚟，拍正喺錶位嘅車隔離。
冇排喺隊尾

然後前面兩個位轉頭就有車走
部Tesla 就隊埋去泊

我走上去同佢講：唔該，後面有人排緊隊

佢話：錶位唔係排隊嫁！係擺車隔離等嫁！

同佢講多兩句就急急腳走

後面隊既人都同我一樣好無奈：
「唉，香港人質素係咁。」

想問吓大家，香港而家等錶位既文化，到底需唔需要排隊？

錶位不嬲先到先得
通常等位都係預你隔離兩三個錶位

咁下次係咪應該搶閘隊部車埋去？

錶位不嬲都係咁 俾你一架車排哂成條街？只怪你唔好彩 停嗰個位架車冇走先

明白晒，係咪即係條街見到有車龍排緊錶位，都只需要側邊等位，或者一見空位就隊埋去？

不嬲係咁

側邊等係啱，但隊埋黎就開佢拖

笑左 樓主應該新手

如果根據大家咁講，部Tesla又真係冇錯

只係我呢個排緊隊嘅人相當老襯，循規蹈矩跟隊排，等咗45分鐘，然後俾人插隊

各處有例
佢咁撚串咪收花囉
冇野架

不嬲係等附近幾個位
不過有人行黎話等左好耐都會讓俾佢既

無人會理你等左幾耐
只係會睇有無位

係 事實上人地都唔係排緊隊 只係各自等緊自己停嗰個位嘅前後兩三個位

當然如果2架車等緊 中間有車走 大家識做咪俾早黎嗰個泊先 衰嘅鬥快隊入去都冇得講

點排，唔通一陣後你5，6個車位走
你倒車去拍？
咁排你後面果啲點？

有啲位條街迫，喺側邊等位我都明
而東沙島街近學校嗰度，佢係有空間比車排隊
我見其他人都係排隊等埋錶，所以跟隊尾排，

等咗兩部車先有頭位，跟手就俾人截糊

由於唔熟悉香港等錶位嘅文化，所以上嚟問吓

你見有人好似走 或者個錶就夠鐘 隔離又冇人等 就自己醒水揸定過去等

人地只係番去拎野 或者remote再入錶 然後你本身等個位俾人等左 佢又走先 你都冇得怨

樓主foodcourt食野等位係咪都係排隊

樓主無錯 但正常呢個情況只係岩用可以迴旋返轉頭既路，不過下次見到呢d 情況有車行前唔排隊
就醒d 駛佢後面，頂住佢無得向後泊

通常只係等自己架車頂住果兩三個位，俾人遲黎早入試過好多次，只怪自己唔好彩
街錶位/ 錶位場都係咁玩法，想排隊嘅就泊入停車場

嗰條街好闊，所以有位排隊

係一條三行車線，一條錶位既位置

其實點解要排隊？
有位就泊嫁啦
上次我入旺角花園街，一轉彎見到架車走緊就一野隊入去
前面部mini仲懵盛盛諗住倒車入

師兄呢個做法幾值得參考

其實當時我個位，離準備走嗰部車都好近

卡住佢個位嘅話，佢實入唔到

樓主唔洗理連燈仔無牌無車架，討論唔到

真呀 夠厚面皮差佬都驚左你

應該有共識你泊嗰頭，嗰頭附近嘅車位就係你。

咁冇理由你泊街尾，成條街嘅車位都係你嘅。