[濕疹] 患過濕疹既巴打，有冇試過驗血搵過敏原因？

你有冇去旅行。去旅行果陣有冇事。。？

松焦油ok呀。止到痕呀

想知邊間～
搵咗好耐都唔知邊間好⋯

唔一定驗到 都唔一定關事 但係驗過敏起碼有科學根據 一次三五千甚至上萬
樓下中醫話本古書同你講熱氣 你就熱氣 然後比錢買d唔知咩叫過期既中藥 隨緣咁煲黎飲幾年唔知咩事 冇好過 一次一百蚊去足幾年

我就覺得前者抵玩啲

間間都差唔多，一驗就驗好多樣野

有，驗完先知我對好多野都敏感：麥，黃豆……
反而海鮮同牛冇嘢

去試吓啦，真係work

唔係因為濕疹但驗過無乜野過敏

我的小朋友出世就有，做過測試，結果係有啲用，其實時間耐左，你自己都知有咩情況會引發。

我個人覺得，未做過可以做一次，有個知字。但不要抱大期望。
但隨著時間，過敏源會變，例如，以前明明唔食得嘅，而家食得，相反，以前食得嘅，而家唔食得，經常轉來轉去。

忠告：
搵個好中醫調理，你係後天，醫好嘅機會好大。

每次都定期發

但又唔係嚴重

依家都廢9事理佢

驗血係必需，會驗到D你唔為意嘅野

以前做過過敏測試，呢期就話對雞肉敏感
隔幾個月再做又會話雞肉無敏感，輪到豬肉敏感

除非係過敏到會死人個隻，呢啲檢驗結果拎黎參考下算

都係最好做保濕 + 唔好R

去過外國生活一年半載，係外國完全無事，返香港之後爆又試過
生活/工作壓力，甚至一排唔夠瞓導致爆濕疹又有
塵蟎就勤吸+洗+換床單枕頭被袋，有太陽不妨拎去晒下

日常留意下自己有無邊樣生活習慣，會令濕疹惡化都有幫助

真係唔明點解去外國會自己好返 究竟係空氣定食水問題

移咗十年都冇用

第二個牌子係咩牌子？ 藥名係咩？

其實睇中醫係可以好返，試過睇左2年斷左4-5年冇發過
不過個中醫伯伯已經走咗

驗血我都有做，冇咩用
因為接觸到啲致敏源係會令到你情況更差，但係就算唔接觸你都係有濕疹。

食啲抗敏藥囉

白馬嘯西風

香港啲水係咪有問題?

有驗過，無乜用
個營養師一黎就戴頭盔
1. 出面食野你永遠唔會知佢d汁入面有咩
2. 致敏原會變，今日驗完無事唔代表聽日都無事

見上面有巴打講移民就無事順便講埋
我本身有嚴重濕疹同鼻敏感
移左民去英國d三線山區城市就快三年，濕疹無改變，鼻敏感完全無左

係唔係要打成世？

垃圾基因

想問下巴打係食邊隻益生菌

有冇試過辭職嘅療效？