首先多謝沙肥牛和盛世拳王兩位，因為係由兩位帶起討論，去到呢家超過 30 ，可以講係好多人支持而得來啲。
近年來，多左好多人嚟發問，加上新措施啲推出，所以呢家會慢慢整理一下資料，希望更多人可以享受使用儲值卡所帶來啲平和方便，如果資料有問題啲記得要提出，等大家可以知道最新啲情況：
1. 點解要用儲值卡？
主要係幾個因素：
- 價格平，比起上台可以以低廉啲價格換取更多啲數據
- 測試網絡，不同地區啲接收都有分別，儲值卡可以讓大家試邊一間網絡好啲先上台
- 純養號、純通話最好選擇，因為現時可以上台啲純通話計劃唔多，反而儲值卡就給予大家唔同啲選擇
- 外遊唔想變震撼賬單，用儲值卡就最穩陣，因為可以有心理準備要洗幾多錢
2. 如果講到儲值卡咁好，點解仲會有咁多人上台？
主要係幾個因素：
- 價格穩定，比起隨時會加價啲儲值卡，上台可以確保以穩定啲價格嚟換取一定啲數據用量
- 以較低啲手機價格出機，網絡供應商長期以呢種方式銷售計劃，如果揾到適合自己，當然可以選擇
- 家庭上網計劃，一個價格就包晒全家上網啲需要，所以都有唔少人選擇
- 公司負責俾錢或提供商用計劃俾員工使用
- 攞到地址證明，呢嗰先係重點，申請不同啲服務都需要地址證明，似乎呢嗰係最容易攞到地址證明啲
- 北上打到 IDD 或使用「傾 King」 app (註：儲值卡已冇提供此服務)，因為各種不同啲因素，儲值卡逐漸不能使用呢兩種服務，所以唯有上台解決
3. 我想保留地址證明，又想享受平價上網服務，有無兩全其美啲方法？
好在我哋身處在香港，好多手機都支援插兩張儲值卡，所以有唔少人會上一個平啲計劃，再插一張儲值卡嚟上網，就可以做到
................................
免責聲明：
以上只代表原作者認知，一切以電訊商及ofta公布為準，不代表續post者意見
.................................
abc好似已經係CSL旗下嘅直屬公司，都可以咁差？Abc係幾廢， 試過係同樣租csl既hkmobile收到， abc就收唔到小弟以前用開鴨聊佳年卡 120GB 好似$180abc mobile行csl.網絡..
尋日去鴨記睇 見到abc mobile 年卡 140GB $100有交易
敢問各位大佬 abc mobile同鴨聊佳比 會唔會好唔穩定？
網速會唔會有明顯分別？
而加主卡上網plan用緊中x動 地鐵大圍、觀塘個啲位永遠收唔到⋯⋯
根據各大討論區嘅帖文，
csl.喺港鐵(尤其係觀塘線)係話LOAD空氣的。
不過，我自己用緊HEMAT，都係行csl.，
又真係未試過喺觀塘線load空氣，
所以，信不信就由你喇！
abc連實名都唔同公司，你話係未曱甴仔csl親生?
