今年21歲, 玩S___T既依4年時間內遇過3段刻骨銘心既愛情, 見證住自己由一個165cm 四眼瘦毒撚變成一個我身邊所有人一致認為既playboy, 但毫無疑問係依個app令我變得有自信同生活變得充實, 搵得到自己charm既地方。
現任女朋友亦係個app到識返黎, 但問題在於幾年時間既渾渾噩噩摧殘左我既愛情觀, 我對拍拖生活失去左以前既期待, 每分每秒都變得好hea, 我亦覺得依幾年亂搞男女關係既自己好......污穢, 對女朋友無時無刻都覺得內疚, 當時係我係App入面flirt佢, flirt完之後反而唔理佢, 繼續沉迷去食返工附近既女仔, 去拍散拖, 完全忽略左佢已經對我上晒心, 最後係佢打動到我, 令我冇再沉淪我有先有今日。 只不過我仍然保持住果種hea既態度, 佢亦明白我過往既經歷所以對我好大包容, 一直默默咁付出去陪我一齊重新建立返一個健康既感情觀, 好感謝佢對我既愛, 我會好努力咁去維繋依一段曾經痛苦而現在又幸福既感情。
各位仍然苦苦思索緊點攻略女仔同急住出pool既巴打, 容我比一個最實在既建議, 就係「唔好咁心急」.... 放低果種為左識女朋友所以先say hi既觀念, 改為好簡單咁當識個網友吹下水解下悶依種態度, 咁你先會從容同輕鬆咁同到人有第一步溝通, 有左第一步溝通以後落黎就會變得簡單...
但總括而言之後尾點再同佢進一步溝通, 就好睇你個人內涵同修為到唔到家, 你個人係有料既, 同人對答從善如流, 唔會墨跡, 令人感覺你實在同有質素, 自然願意同你繼續傾落去....到時同人講野並唔係再茍泥如乜野對唔對topic 啱唔啱channel, 而係大家享唔享受果個互相交流既感覺。
難得咁有心機寫嘅分享
祝巴打繼續幸福
巴打你嗰四年係咪瘋狂玩 app(s)？時間分配係咪佔一日七成？
多謝
係瘋狂但唔係每分每秒都玩...我一時會應得多，一時應得好慢，講野都係閒話，所以唔洗chur自己同chur人， 除非我同時有兩三個對象不停同我講野 ，如果唔係唔會玩得多，平均一個女仔 二十四小時內一個鐘多d
即係二十四小時只有1小時會回復？
差唔多... 因為真係我自己覆得唔密
果然巴打嘅行動證實咗無慾則剛嘅道理
多謝負皮 
