（獨遊）Hea遊東京5日

我都好想睇櫻花

上年去左輕井澤睇左紅葉已經J到我出血

lm

[quote]驚唔驚床bug 巴打原來係傳說中嘅透明人間[quote]

比你發現咗我二月尾去嗰陣未有新聞

心動不如行動 我都係二月尾去

衣加買機票去都唔遲

有事去唔到

淺草果幾間壽喜燒會唔會食？
黎緊5月都係毒遊 見唔係好多人單機食
但係真係好想試吓

如果天氣好就perfect 池

4日太短，想問機票買左幾錢？

求酒店名

琴日落雨落到仆街喎，由朝落到晚
點解你影出黎好似無落過雨咁

我三月先自己去完四日 勁chur但好充實

第一日四點落機 checkin 秋葉原晚餐加夾公仔
第二日輕井澤一日遊 夜晚team lab
第三日富士急玩一日
第四日東京一番街 下午機

已經想再去了

淺草里士滿酒店 覺得幾方便

我二月尾三月頭去

冇食呀 嗰幾間應該要book
去試啦 之前去京都 大阪食過真係一試難忘

勁難食食番其他雪糕好過

Day3

因為地震琴晚訓得唔好
同埋本身諗住今日hea啲所以晏出門口
11:00出門口

今日嗰天好靚 嚟之前話日日落雨嚟到變日日冇雨

11:15食鰻魚飯


原本想食m記算 但地震嚇一嚇完都係食返啲好野補數
自己以前一直唔鍾意食鰻魚覺得好多骨
上次嚟日本食過一次之後就改觀咗
都有少少骨但軟身到可以無視嘅程度
叫咗個正常份量 另外有個大份
不過我廢食咗一半已經飽飽地
個汁唔係話好濃味 但食落會覺得啱啱好
保留到魚嘅味 不過可惜唔係炭燒
啲飯就比較偏向軟身

食完野去食返個甜品

熱辣辣 唔太甜 好多餡

跟住就進入血拼環節
到夜晚先再去渋谷

18:00 第一站去咗渋谷嘅 Pokémon center


有個唔知係新嘅定係限定嘅 Pokémon design lab就係自己設計圖案 print衫
每人最多整15分鐘
跟住等返1個鍾先有得拎
有個小插曲係本身我要同一款要兩件
但拎嘅時候得一件佢就叫我等多15分鐘整埋比我

等嗰一個鍾就去食埋晚餐
見到有間鹽味拉麵就去咗試



第一次試感覺幾特別 唔係好鹹 比較清
唔係特別好食 但會想揾下啲好食嘅鹽味拉麵試

食完仲有啲時間 見到有公仔夾

100円搞掂

之後拎埋件衫 去咗瑞士蓮 買朱古力同等夠鐘上Shibuya Sky
瑞士蓮二樓賣朱古力 三樓有位坐
不過條樓梯有啲難行


問職員先知原來薄荷朱古力係夏天限定

19:40 上去Shibuya Sky


出到去真係用震撼嚟形容 佢係全露天
因為安全問題 所以cap帽 大炮嗰啲都唔帶得出去


有啲位係要排隊影 通常都係叫後面嗰個幫手揸機
題外話 韓國人影相係靚啲

自己一個就買幅相紀念下
我都比得錢可唔可以唔要水印

嗰天清應該幾靚嘅
影下相hea下都搞到21:00先走

話說排緊啲打卡位嗰陣前面有對講普通話嘅情侶（聽唔出台灣定大陸人）不斷影 又要拍片又盛 搞咗好耐
前面幾個韓國男人就話 唉又係啲中國人 真係煩 影咁耐 搞到條隊咁長 我地陣間嗱嗱聲影完比下個
（大約意思 唔係聽得好明）
明大家想影靚相 但有時真係寧願排多次好過霸住個位咁耐會唔好意思

22:00 返到淺草

呢個時間終於小人啲 打返個卡

23:00 食埋個宵夜 瞓

驚西咩 咪照去排隊 唔洗咁在意他人目光喎

竟然真係會有絲打出遊記
係咪第一人

點知係真絲定棍絲

東京最近有地震過？

好似千葉縣有5級定4級

食咩都冇咩所謂
但係嗰間壽喜燒係有個店員喺門口，按照你入場人數敲鼓

之前有絲打出過歐遊

咁搞笑
但睇清楚有冇得叫一人份