北九州十日九夜自駕遊行程問題

大家好，第一次去福岡自駕遊，上網睇左好多資料，揼左個大概行程出黎，但咁樣個行程嘅時間唔知會唔會太緊，同埋咁樣行順唔順，有冇其他好啲嘅路線或者有啲景點係唔去都冇所謂嘅，想搵咁多位幫下眼俾下意見

Day 1
12:00到達機場、13:00取車 → 九重夢大吊橋→日乃新→B speak本店→湯布院花卉村→由布まぶし心(金鱗湖本店）→住:由布院

Day 2
早上金鱗湖、天祖神社→回酒店休息1-2小時→湯布院昭和館→龜正壽司→別府地獄→九州自然動物園→AMU PLAZA 大分→住:黑川溫泉

Day 3
白川水源→高千穗神社→元祖流水麵→天岩戶神社、天安河原→高千穗划船→住:高千穗→晚上去看高千穗神樂舞

Day 4
國見之丘展望台→高千穗小火車→高千穗牛燒肉 和 →上色見熊野座神社→草千里→居酒屋 無我夢中→住:高千穗

Day 5
早上11點出發→IMAKIN食堂→阿蘇山→住:熊本

Day 6
熊本上、下通商店街→勝烈亭(新市街本店)→城彩苑、熊本城→熊本港坐船到島原港→住:長崎→晚上到稻佐山山頂展望台

Day 7
文明堂總本店→長崎原爆資料館→爆心地公園→原子彈落下中心地碑→吉宗 本店→大浦天主堂、哥拉巴園→祐德稻荷神社→佐世保四之町商店街→佐世保漢堡BigMan上京町總店

Day 8
九十九島展望台(展海峰)→九十九島遊覽船→檸檬牛排→九十九島水族館→浮羽稻荷神社→鳥栖outlet→住:小倉

Day 9
小倉城、小倉城庭園→Bear Fruits本店→門司港→太宰府→肉いち燒肉→福岡塔→博多 友都八喜→住:福岡

Day 10
宮地獄神社→櫛田神社、東長寺→鳥貴族→博多運河城→福岡海購城outlet→大國藥妝(天神大樓店)→傍晚機 福岡機場離開

唔該咁多位幫幫手睇下咁樣得唔得，有冇位要執

你打算唔落車？

落呀每個景點大概留半個鐘至一個鐘度，食嘢同買嘢睇嘢嘅鋪頭就留短啲

啱啱北九州自駕完返 時間同路程都係預鬆啲唔好咁趕好

渣車既建議樓主預多D時間
HIGHWAY無乜野，一落市區好易塞車/行錯路
酒店舖頭景點未必有停車場
全部要搵定

即係我每日嘅景點編少啲？

我會搵定廢事到時周圍搵地方泊車但咁嘅話我每日嘅行程係咪要少啲景點預返鬆個時間

Day 1
1點拎完車去九重夢大橋 唔計你lunch 果餐,去到應該3點左右
之後果2個景點應該去唔切/望2眼就要走,
同埋冬天入黑早
我上次5點左右由九重夢去湯布院 成條路開晒車燈都仲係好黑
加上山路又多彎

我見你Day 2 都係湯布院附近, 你可以係呢日補番

Day 1
九重夢大吊橋4:30閂門你應該好chur/趕唔切
Day 2
你住得溫泉酒店就4-5點就到
下午又動物園又別府地獄去唔到啦
Day 9
你門司港又番去太宰府又係趕唔切
同埋去鳥栖要行好多個鐘架
你不如柳川加鳥栖就夠晒一日

同埋唔知係咪我個導航問題 有啲highway出口一miss咗就要揸多好大段路

所以車程預鬆15-30分鐘好啲

九十九島可以skip左佢

熊本可以睇下岩唔岩時間去熊本辦公室， 去睇下熊本熊跳舞， 唔洗錢

B speak晏晝去到基本上都賣晒，唔洗諗
另外Day 4 去咗草千里, Day 5又走返上阿蘇山？
唔洗咁大貪想去晒咁多個景點，揀啲最吸引既去啦

我個大方向一日兩個附近主要景點

再預一兩個小景點攝時間差唔多

到實際旅行你會發覺都唔會有太多時間淨

笑撚左 踏慢少少都甩行程

因為我第二日預左下午去九州動物園同別府溫泉，如果第二日先行湯布院會唔會唔夠時間去動物園同別府

其實鳥栖可以唔去如果唔去鳥栖係咪夠時間玩其他
同埋day2 如果去唔到我係咪要順延去day3好啲

我見你第1日揀左去九重夢先,

我建議就一係就
1.北九州城做起點,順時針方向揸 :
宮地獄神社->小倉城->湯布院->高千穗->阿蘇山->熊本->長崎->福岡
2.長崎做起點,逆時針方向揸 :
福岡/長崎->熊本->阿蘇山->高千穗->湯布院->小倉城->宮地獄神社->福岡

10日我覺得唔夠去晒上面咁多景點,建議揀1-3個景點係無咁想去做backup,如果當日有時間多咪去埋

上次我8日7夜 (福岡->熊本->阿蘇山->高千穗->湯布院->別府) 景點少你一半左右都去唔切全部

動物園好似4點收 下晝去應該太趕

我係朝早去動物園 下晝去睇幾個地獄就差唔多一日

你導航無問題,佢馬路設計係咁

上次我miSS左個出口,要去下一個最少30分鐘,入到城入面又要揸番20分鐘去番正確出口果條路

Ok咁我睇睇cut d景點，唔該師兄

九十九島我上網睇啲人話值得一睇skip左佢即係其實冇嘢睇？

我個人感覺 別府地獄 伏伏地/唔係好岩我可以忽略/做backup

九州動物園 我無去過,但我聽朋友/旅遊台日本POST 反應幾正面

B speak因為我上網睇話有得預定然後第二日拎，所以諗住早一日下午去預定第二日拎
草千里同阿蘇山就真係兩樣都想玩哂，如果一日玩唔哂我住個晚住阿蘇第二日上返去會唔會好啲

建議樓主搵好曬啲景點，再跟返個地區，睇下順時定逆時玩會比較好