2024台灣綠島旅遊＆水肺潛水疑難解答

巴打如果搵你一對一係加幾錢？
想來綠島淨係影macro, 但係驚拼團其他人冇興趣影

可以Tg 問我

想問下通常你會唔會幫手group埋啲新手一齊學 / 玩
有諗過7月去試下玩但好似身邊無人中意呢啲
又覺一個人無一班人咁好玩
有無人想7月中8月想一齊玩？

如果你預約果啲時間有其他人就會盡量夾埋一齊落水

電單車p牌都唔得

想問下可唔可以分享多啲貼士 關於中性浮力
自覺自己做得好差，成日上上落落，所以唔敢去d好靚既地方

首先你要確認下自己要幾多weight
我建議你帶重小小
慢慢放氣潛落去，記得唔好放哂
落緊去既時候將bcd慢慢inflate / 放小小氣做調整
直到正常呼吸係唔會太大上落就成功
其實重要既係唔好咁多無謂既郁動同kicking
你可以搵部相機 / 鏡睇下自己trim做成點
之後再分配下weight要幾多同放係咩位置最適合你

我懷疑太重？ 點樣可以double check ?
但如果我唔一次放晒，咁我咪落得好慢？我見嗰個都係一次過放晒，然後好快就可以到底開始

我自己教學生既方法：
配重>bcd>呼吸
要配適當配重，點為止適合呢？
首先係水面排曬所有氣，會係慢慢沉落水而唔係好似石頭咁沉得好快
然後就係用到得返50bar 既時候排曬所有氣仍然可以輕鬆係4-5米做完safety stop 唔會因為太淺而自然浮出水面
如果會浮出水就代表配太輕

咁點解唔好配太重呢，第一沉得太快你就會好難做反壓。其次係當配得太重你就必須要充好多下氣落bcd 度，但你每次充既氣，大力啲細力啲長啲短啲都會影響你既浮力，而呢啲影響你無辦法好輕易估計到（新手既話）
合理既話應該係10米左右可以充一到兩下就做到中性浮力
（中性浮力簡單黎講就係你唔踢蛙鞋果陣應該係水中間而唔會沉得好快）
充排氣閥記得唔好亂用 唔好隨便充隨便排
有時候未必係浮力帶你上落，可能係你踢水姿勢令你上同落，所以要多啲感受自己既身體姿勢。

最後就係長吸長吐，唔好大口吸大口吐，咁會令你浮力改變比較大而唔係慢慢斜上斜落。

綠島係咪有美葉海兔？咩月份易見到同埋係咪稀有品種？

有透明散葉 百香果同黑美葉 綿羊都有比較少見
月份我唔太記得 都係旺季6-8月先會落果兩個潛點