多年後，我地又可以重溫一下艾希曼呢個例子

1961年4月11日，阿道夫・艾希曼於耶路撒冷受審，被以反人道罪名等十五條罪名起訴。面對犯罪的指控，艾希曼都以「一切都是奉命行事」回答。同年12月11日艾希曼被判處有罪，12月15日被判死刑。艾希曼提出上訴，以色列最高法院維持原判，1962年5月31日，艾希曼被處以絞刑。

哲學家漢娜·鄂蘭認為艾希曼只是一個遵從命令的官僚，他所體現的不是「極端的邪惡」，而是「平庸的惡」（The banality of evil），意指當任何人甘於放棄對善惡是非的判斷力去服從權威，那麼再平凡的人也可能導致最極致的邪惡。

「艾希曼明明是大屠殺的策劃人，但卻是一個沉悶、普通、平庸得可怕的官僚，他平凡到令人感受不到一點變態和殘酷的氣息。而根據其證詞，他對猶太人沒有一絲恨意，只是企圖在納粹官僚體制中飛黃騰達。最終那種不帶個人思想的官僚心態，令他把自己的所作所為，從現實脈絡中抽離，在沒有惡念的情況下，做出歷史上最邪惡的事。」

對惡嘅源頭，我們應當憤怒，但面對「平庸之惡」，我地除左感到可悲，更應該深刻體認到，我地每一個人都可以成為其中一份子，或者我地而家就係...

「平庸的惡」會唔會美化左?
呢班人係明知為而為之wo
如果真係有大審判 呢班人晨早移民啦

其實咁反而代表佢地真係好平庸

「我都係打份工」「上頭有order, 有得唔做咩」「我都唔想架」就正好證明佢地同艾希曼一樣，個人利益凌駕於道德良心之上，所以唔需要考慮善惡，而係考慮「對我有冇好處」就得

當然，艾希曼所做嘅事從結果睇黎顯然係「惡」，但我有時都不禁會諗，如果我係佢，面對權力，我係咪可以保存孟子講嘅「本心」？我自問真係未必得，所以都慶幸我冇呢種權力，否則我都會成為一個惡人

所以呢個唔係脫罪既理由 咩叫「我都係打份工」「上頭有order, 有得唔做咩」「我都唔想架」
你可以唔做份工 或者轉過份工 ( 咁講可能極端左) 針無兩頭利 你想高薪厚職但份工係要你加害緊人又做?出左事就扮無辜?
人係有智慧既動物 亦可以作出選擇
係利益/權力面前堅持做正確既事
不是不能也而是不為也
良知兩字唔知幾時開始俾呢個社會抛諸腦後了

其實「喺利益/危險面前做正確嘅事」已經係高要求，所以唯有降低一啲「唔做錯誤嘅事」就已經非常好。好似布拉格之春嗰陣，所有商鋪都被要求貼上支持執政黨嘅標語，有間士多鋪嘅老闆專登貼喺啲隱蔽嘅地方。其實咁就已經足夠，因為我地自己都做唔到，亦冇資格要求他人

其實講咁多都無謂，我話知你係咪奉命行事，你明知自己做緊嘅嘢係行惡，咁俾人捉到個陣就唔好扮無辜，自己爽快認咗佢

就算你係被人用槍指住個頭逼你做，只要你知自己做緊嘅嘢係惡，你就要承擔責任

明白有良知有後果無良知唔洗負責任個下

屌鳩班放任態度嘅老嘢先