[珍惜生命] 成功阻止一單企圖跳樓自殺案

琴日下午3:30左右Whatspp gp有個gp友突然Send訊息出黎話自殺。

事主透露為救自己公司借2線財仔，債主話會Call Loan迫令5點前要還到錢，否則債款加倍兼起釘，而事主指自己盡力搵生意加兼職都還唔到錢，已經走頭無路，之後Send左張天台相出黎，從Voice Msg聽得出情緒不穩，其他Gp友都叫事主冷靜同勸佢唔好做傻事，有Gp友好快就Google到天台相位置，當時我覺得情況都算好壞就Confirm位置地址就即時報警，警察駁埋線同消防一齊講，我提供左事件背景，事主位置，同所需資料後，消防話立即派同事到現場，唔洗半個鐘警察打電話黎，話已經搵到事主，確認佢已經安全，總算救返一命，心情都放鬆返。

面對而家嘅香港，而家嘅經濟環境，好多人生活確實好艱難，可能突然迫到自己透唔到氣諗歪左，但辨法總比困難多，生命好寶貴，有問題就要同身邊人傾，唔好諗埋一邊。

致一直努力既朋友 - 加油 !

樓主同你班朋友公德無量。
btw, 無論咩情況，都唔應該借財仔。

老破咪得，使咩死

咁多事嘅？點解要阻止佢

2線唔會理

你以為做咗好事 其實係令佢繼續喺地獄受苦

救得呢次下次都係去另一度跳

係真係幫嘅就直接送錢俾佢啦
一係你就幫佢搞掂個債主