今日Elva於IG分享靚相，相中嘅佢着上白色背心長外套，上身係一件polo領長袖衫，而下身僅着一條猶如男裝泳褲嘅三角小短褲，終極「下半身失蹤」，盡騷出一雙白滑長腿。Elva留言：「每次穿miu miu的衣服都是一種挑戰，例如我這次看秀的Pantless Look🩲Miu Miu總是顛覆傳統，時尚中帶著一絲反叛，一次又一次讓人跳出舒適圈......代表的是一種風格和態度，大膽嘗試，挑戰自我 💚」
唔少網民都大讚，又指得佢先carry到呢個look，留言：「Pantless look也carry得很好。」、「很大膽，但有大長腿，加分。」、「寫得好好，勇於挑戰也是對自己的再發現，走在前頭需要更大的膽識及遠見。」不過都有唔少網民表示唔識得欣賞，留言:「呢條褲仔真係唔識欣賞，如果下身着其他嘢，成個造型會好睇好多。」、「呢條咪係維港渡海泳嗰啲阿伯嘅泳褲。」、「很像泳褲。」
