除咗姨媽姑姐啲長輩之外 連見到啲差唔多年紀嘅表兄弟姊妹都好尷
明明細個成日一齊玩
但我真係唔明我堂細佬
佢次次親戚聚會都好似好enjoy咁
有次我地全部去一間有得唱k嘅酒樓食飯
我阿媽同其他姑媽阿伯都唔係幾識去點歌
佢全程都勁照顧班老野 幫佢地又點咩徐小鳳陳百強張國榮個啲
然後仲同班老野唱埋一份 氹到佢地勁開心
完全唔明點解佢身為一個廿幾歲大學生會識呢啲
跟住佢又同我個三十幾歲嘅表姐表哥唱twins cookies個啲
又同呀大表哥個十歲嘅仔一齊唱啲英文歌韓文歌
我就成晚食飯連聲都冇出過聲咁滯
平時成班親戚約出嚟 佢除咗撩我地班表兄弟姊妹傾下計之外 又會撩班老野吹水
仲懶係有禮貌咁成日幫人斟茶
最近得知原來佢仲有同我呀媽有whatsapp開
天氣凍個陣佢會send message叫佢著多啲衫
我呀媽又會share啲行山打卡相比佢睇
相反我同佢呀媽呀爸完全冇咩講
雖然人地對我都好好 每年仲封最大封利是比我
其實想知係我唔正常定點
見到我堂細佬會同啲長輩social
但我平時見親佢地就覺得尷
究竟係我太毒定係佢太裙腳
不過條友好似又有住hall又有busking開
唔明佢咩心態
