夾新貓真係好大壓力

最近屋企嚟咗隻新貓 因為朋友養養下唔想再養 所以我接咗手

本身屋企有2隻貓 於是就出現咗舊貓夾新貓嘅問題

本身已經做好準備 會係一場持久戰 所以已經分咗屋企一個廁所俾新貓 係廁所門口裝個欄 等新貓有自己嘅空間 同時可以俾舊貓聞下佢 接觸下 又買咗啲新玩具 又拎咗佢啲舊玩具 連重口味呢嘅都準備埋


新貓係一隻長毛貓 因為舊主人嘅棄養問題 佢啲毛打曬結 一摸佢就因為痛而叫 但因為事出突然 人在外國 book cat grooming 要提早成個月先book 到 所以最後決定自己幫佢剪啲結

雖然順利剪咗大部份 佢都好乖咁被我剪咗好長嘅一段時間 可能始終因為太長 最後佢發脾氣 嬲咗我好耐先彩翻我

住咗2日 佢自在咗好多 我都好開心 有時候仲會嗲我 但問題係 我舊果2隻貓 完全係驚 驚到連廳都唔肯出（因為如果要出廳 就要經過個廁所）

我真係好擔心佢地相處唔到 覺得好大壓力 一方面覺得新貓係廁所好慘 另一方面自己又好似好對唔住舊貓 覺得佢地因為咁連廳都唔敢出 好似剝削咗佢地嘅自由

除咗呢啲仲有好多小問題 例如佢嘅食飯時間 食飯問題 搞到個人諗好多 人都癲

好啦 呻完啦 我繼續去玩貓 多謝大家睇到呢度

你要比隻新貓分清莊閒
比原本隻貓知自己係大佬
如果比啲貓覺你寵隻新
就會壓力大消化不良甩毛情緒病
兩星期都唔夾就無得救

我見舊貓唔肯出嚟 都入咗房同佢地玩咗好耐 然後啱啱終於有一隻肯叫做出嚟接近下

歌詞嚟？成篇用space分隔，冇標點符號嘅？

貪人哋隻長毛係名種唔理自己本身嗰兩隻接唔接受都接返嚟養，收皮啦你

一定唔可以比新貓活動地方大過舊貓
地盤意識黎

耐左就慢慢會夾到，洗乜大壓力

新貓太霸氣

lm

知道我會努力改善下地盤意識 令舊貓知道其實廳都係佢地可以用嘅地方 多謝你沓建議

好擔心佢地夾唔到

有諗過係咪有少少大隻 所以舊貓驚驚地 但點都好 都會安撫咗舊貓情緒先

用左幾個月時間慢慢適應
舊貓有一排壓力大 試過半夜係我頭上面柯屎
依家佢哋可以同床訓 有一齊玩
加油 係場持久戰

郭富城既弱啊

希望將來佢地都可以開開心心一齊玩

想問下果幾個月 新貓係咪都一直係個籠度？

貓呢

如果新貓體型大隻過舊貓咁一定驚啦
分分鐘地盆不保

既然都驚到唔敢出廳，咁直接放新貓係廳咪得

請問有無貓癣藥膏推薦?

我加貓半年 近一個月先相處到
大細貓都係女 細貓入屋時 大貓歲半 細貓一歲
大貓極度驚青貓 近小小都打人 摸唔到
細貓極度細膽 親人
應該都算難夾既組合

細貓入屋 完全隔離 大貓係廳 細貓係房 閂門
大貓頭一星期完全唔肯自行進食 只食我放係佢嘴邊既野 完全匿埋 一日只肯去一次廁所
隔左一星期應該餓到頂唔順先食番野
隔左一個月先回覆正常廁所
但繼續完全匿埋
呢個時候我繼續完全隔離

再完全隔離多一個月左右 （入屋兩個月）
大貓先冇再匿埋
我嘗試開門比佢地相處
頭兩星期 大貓冇入過房 細貓冇出過廳（入屋兩個半月）
之後大貓開始有入房 兇下細貓 細貓冇出過廳
呢個時候到細貓唔敢食野同去廁所 （但我每日都會有一段時間閂門比佢食野同去廁所）

過左半個月 （已入屋三個月） 我再完全隔離
隔離又半個月 又開番門
只有大貓入房搵細貓
重新認識後細貓敢食野 但唔敢去廁所
大貓開始想同佢玩 但細唔想

兩個星期後我又重新隔離（入屋四個月）
半個月後又開番門
呢個時候再打開半 細貓就敢去廁所
佢地兩個開始有小小互動 肯玩
但細貓冇出過廳 只有大貓入房

見呢個情況穩定左半個月 （入屋五個月）
我抱左細貓出廳 閂左房門
第一日有d驚 但已經會食野去廁所
第二日已經正常生活
第三日開始已經同大貓開心相處

所以樓主加油 加貓係要好有耐性

多謝你鼓勵
我加咗貓2個星期 個心情都好咗好多 冇之前頭幾日咁緊張

好彩嘅係我屋企果2隻舊貓依家都好自在 加咗1個星期果陣 佢地已經開始出翻廳周圍走 新貓就一直係客廁隔離 2隻嘢都有8下

依家第二個星期 我間唔中 會隔住個欄 等佢地接觸下 然後又再閂 翻廁所門 佢地會開始互聞 舊貓就一直 哈 新貓 但又唔會好抵觸同驚 就都會8掛下新貓 所以我都覺得係一個大進步

佢地敢出廳啦 自在咗好多

樓主有無update

隻貓唔靚

咁個progress都好好呀！唔好灰心
比起佢地十幾廿年既貓生 幾個星期好短
貓之間既問題都係要佢地之間解決