有冇人覺得80年代俾人浪漫化得好緊要？

次次見親連登講起80年代，通常都有讚冇彈，話個個安居樂業、一個月搵幾十k、生活無憂咁滯。做咗啲research + 問咗一啲老一輩，發現根本唔係咁，以前社會大把問題
1、治安差，省港旗兵拎ak 47打劫金舖，又有咩屯門色魔、黑社會，屋邨街童之類，而家少咗好多，有cam啲人都唔敢亂嚟，荷里活斬人已經係大新聞，以前斬人多到新聞報唔曬
2、住屋差，80年代幾十萬人住木屋寮屋，仲有堆住徙置區，一家N口逼200呎，同隔離屋share廁所，有公屋已經唔錯，而家衰極都有正常公屋，過半住私樓。當然而家買樓係難，但以前都唔易，利息十幾廿厘，冇想像中平
3、交通差，住沙田出中環超過一個鐘，大西北出城成兩個鐘，又要兜大圈/車駁車，而家就算遠到上水天水圍，要過海都係一程車，30-45分鐘內。
4、去旅行好奢侈，自由行難度高，跟團去日本八千至一萬，係打工仔兩個月人工，而家綜援戶都去得起日本，屋邨小學已經有交流團俾你出國
5、讀書壓力大，有小學學能測驗、中三淘汰試、中五會考、中七AL四關等緊你，當年仲要出生率高，競爭激烈。而家99%人直升中六，dse 係easy mode，得五六萬人考，1/3人直入U，入唔到仲可以靠asso hd
仲未計冇冷氣冇八達通，要袋勁多coins出街等等麻煩嘢，都唔知點解咁多人吹奏80s，而家生活根本屌打當年

係，你講得啱

80-90年代，香港真係好正！

隔籬飯香

80s日本呢

肯捱係人都上到樓 點睇

係 北韓最球安全 連偷竊強姦都少
全世界都被浪漫化得太緊要
萬國皆下品 唯有北韓高

你講得啱!

唔係完美，但當時係睇住個社會不斷進步
由難民社會開始發展出公民社會

80年代日本音番d佈景勁揼本泡沫未爆之前大癲

https://youtu.be/G9V2gN_a3P8
唔覺
1:13 開始睇就知典解日本係亞洲巨龍

你話係就係啦

80尾至90中嘅日本係最靚的
東京個市容就同CLAMP筆下小櫻遇雪兔舊東京鐵塔一模一樣

90年代又點

生活簡單好多 仲係以常識主導
政府以人為本

正解

果陣係有好多問題
好多香港人仲係民智未開

但係會感覺到社會每日進步緊
係有希望
同文明世界接軌緊

生活冇而家咁多元化
但簡單有簡單好
起碼嗰個時代比到人種有希望嘅感覺
即係努力做野幾年就有一間屋你住
人人安居樂業, 階層有流動

物質一定現在豐富好多
但人著眼點係今日同明日嘅比較
已擁有的會化為基點

同埋雖然而家有好多社交平台比你識人
但都會出現比較心理
見到人地成日旅行/ 食好野會好易有比較嘅心
80年代比較著程人與人之間溝通
冇而家咁冷

你唔講下歌舞昇平 購物天堂 購物之都 不夜城
人人見客都係戴住隻撈去大富豪 新花都 杜老誌攬女傾生意
衰衰地門口個泊車仔都一人一刁邦火機？
攬完女再去食宵夜九龍塘開房

一般市民食完飯仲可以同爸爸媽媽去睇午夜場子夜場
環境好嘅家庭仲可以喺門口買燴魷魚入場睇住殭屍先生捉鬼 睇睇下仲有貓貓喺你腳邊經過

要數仲有大把可以數

呢個的確係

啲人成日用上帝視角去睇

咪覺得好機會多

現實係個時年代啲社會問題更嚴重

依家資訊科技發達，有心上網大把智識可以吸收

而個個年代，窮人要吸收智識更難，更易隔代貧窮。

而且個個年代黑社會問題更嚴重，電影直頭吹捧依樣野。

背後啲黑暗野只係時間耐左比人淡化左。

8/90年代香港係易搵錢，但係絕對唔係一個普通人會無啦啦有人教會變發達。

香港從來有腦都係易搵錢，同今日一樣都係一將功成萬骨枯。