換鬚刨要唔敏感既

一般一個刀頭用幾耐？
我以為係人哋嗰啲要打泡嘅剃鬚刀
咁唔洗買剃鬚膏？

一個刀頭你每日用預一個月換一次，因為就算唔係因為刀片鈍都好，佢果啲潤滑條都會用晒，冇咗潤滑條剃鬚好易傷。
剃鬚膏我用過一次咁大把，我唔中意用，一黎會睇唔清楚剃既位，同埋真係feel唔到佢有乜野作用，雖然的確係滑咗啲，但冇可能一刀就完全剃乾淨，唔通你每剃一刀都落剃鬚膏咩。其實就咁落水去剃就已經好夠，不過你第一次用剃刀既話有可能剃完會敏感發紅，呢個係正常現象，慢慢就會冇，如果你真係唔中意紅一達，可以去買鬚後水

又要安全又唔帶套

百靈9系pro+ 行同水 價錢都差成一半

就係 水個價真係好吸引 但又怕壞

換刀片都唔肉赤，用利刀剃又乾淨又舒服
又唔會cartridge或者電刨咁overshave搞到敏感

見個個巴打都讚百靈9系，但唔知係我多鬚定點，就算用9系我都覺得剃得唔夠乾淨會見到鬚根，用咗6年9系成日大力剃搞到皮膚都粗哂

一字刨有冇其他牌子有推介？我見p記都好似有出一字？

id:digibalonline

其實電鬚刨你長時間剃，因為會不斷磨擦，個金屬網面係會發熱，所以會燙傷你皮膚。
你手摸落去唔會覺得熱，因為手指皮厚啲，但你嘴邊同面嘅皮膚係敏感啲，會較容易燙傷。
解決方法，用剃鬚膏，而且要補，你通常捽到起泡，剃走完未乾淨要再剃就要補。
第二個方法就係剃完一部分就要開水喉沖下佢降溫，要分幾多次沖水就睇你自己有幾多鬚。
用safety Razor, 係乾淨，但要啲時間練下，同埋剃前一要暖敷塊面，或者沖涼時剃，又要用剃鬚膏，仲要定期換刀片。

我都係咁 後尾check完發現係金屬敏感

極光個款係咪鬚根都剃到
你唔落膏剃咁堅

剃到，極光真係我用過最好既剃鬚刀，但真心貴
剃刀本身有潤滑條，唔落都可以剃到，反而我之前有落果陣仲易剃傷，因為俾啲剃鬚膏遮住睇唔清楚，好易hi到一兩下，所以之後我都唔用，唔用仲好，快咗好多，又慳水慳力，我依家每朝剃鬚，10-20秒就剃好，摸落去仲要係滑捋捋果隻

唔知你睇落仲多唔多黑點青點

如果呢隻刀同safety razer派聲稱最乾淨既刀比較 個效果大家差唔多既話 都唔算好貴

safety再貴少少
超市極光好似200咁上下

極光係個頭貴，圍返50蚊一個刀頭，一個月用一個
我冇用過safety razer，不過如果你講乾淨程度黎講，最後大家一定都係一樣(唔包括電動)。個原理就好似普通牙刷同電動牙刷既分別，最終個效果都係一樣咁乾淨，但中間既門檻就各有不同
你可以兩隻都買黎試下，我之前都係又用電動又用手動，直到佢出咗呢把極光刀我先放棄電動。
至於你話剃完有冇黑點青點，你唔特別去凸出或者繃緊下巴同有鬚根果啲位，係睇唔出有黑點或青點，剃完果下真係有種冇晒鬚，好滑果種感覺，真係抵比佢賺我50蚊一個刀頭

俾你講一講好想試下
以前都係用刀 但成日敏感加毛內生 好易好/生一粒粒
用左鬚刨無依個情況發生但就算岩岩剃完都摸到d鬚

鬚刨點都唔夠剃刀乾淨，呢點係冇辦法
我一開始都有同你同樣既問題，用剃刀剃完之後會痕，又紅色一達達咁，有時仲會紅腫生粒粒。你可以試下用鬚後水，我一開始都有用，會幫你舒緩到。之後用剃刀耐咗就會冇呢個問題。
同埋如果你係隔日先剃一次，建議你係剃完之後用消毒酒精洗個刀頭，到下次再用果陣用清水洗一洗就ok，如果你每日都剃，就唔使落消毒酒精，每次剃之前用清水沖下個刀頭就得

邊隻鬚後水 係咪無酒精？

唔記得啦，好耐之前，我係買剃刀果陣見到連埋剃鬚膏一齊買埋

有架 之前有個post專講safety razer同有吉列果類比較 佢地聲稱吉列唔算最潔淨

同埋你有冇順逆剃

黑點青點 睇落冇都算好
如果鬚刨剃完 摸到有滑 但睇到點

靠引你試 再上黎test下

睇唔睇到黑點應該同你本身體質有關。好似啲鬼佬咁，佢地啲鬚比較多，生到成塊面都係，佢地點剃都會有黑點係到，除非脫鬚既姐

如果你要剃得最乾淨最冇痕跡既一定係直式剃刀，但相對佢既技術門檻一定係最高，仲要經常磨刀，除非你係剃鬚愛好者或者你係傳統髮型屋到做 如果唔係都唔會用到呢種剃刀

我基本上係逆剃，因為逆剃先剃得乾淨。但如果我兩三日都冇剃鬚，生到好長，我會先順剃一輪，之後再逆剃，因為長鬚一黎就逆剃會痛，可能係個刀頭多刀片既原因

我建議真係三種都試吓，剃刀，safety razer，電鬚刨。搵到啱自己既先會剃得舒服，人地講只可以做參考

如果日日剃 你都係淨係逆剃一次 長先順+逆剃
因為見你講20秒就剃好哂

極光又lab又宣稱剃淨 用埋膏/gel先順 最多再補
同safety razer易傷
所以咁岩見到你用緊 參考下

我係日日剃，每次都係逆剃，基本上同一個位都係一刀就搞掂，除非第一刀剃唔到先要落第二刀。個程序好簡單，我係先用水整濕要要剃既位，再用水沖刀頭，跟住剃，剃完就用水沖走刀頭上剃出黎既鬚，再fing兩下就放返上去個座到，習慣咗好快，因為我用剃刀都用咗好多年。

不過注意唔好係同一個位返剃好多次，因為會剃薄啲皮膚，咁樣好易剃損，如果你發現有個位啲鬚剃極都剃唔到或者剃完都仲摸到有鬚係到，你要轉下方向剃，上下左右都試下，好快就會搵到剃果個位既方法

用膏之類既野都係一開始方便你剃，習慣咗你就唔再需要，佢自帶既潤滑條其實都夠做。同埋用咩刀都會有剃損既機會，一般唔關個工具事，係你手勢既問題，你剃多兩剃就好快上手，基本上係唔會剃傷。

不過有種帶震動既剃刀，果啲我唔建議用。我之前就係用吉列無感系列，一開始邊震邊剃好爽，但當啲刀片開始鈍，就好易傷，迫你換刀頭