https://www.instagram.com/p/DEErhOXS_Ga/
【2024回顧倒數🇭🇰】
由今日開始,我哋會每日同大家回顧一部分2024年嘅精彩時刻,數數呢一年裡嘅點滴!一齊陪住港隊行到今年最後一日啦!
今年年頭,各位球迷最關注嘅當然係亞洲盃!其實亞洲盃開始前港隊進行咗三場熱身賽備戰,分別係:
1月1日 中國 1-2 中國香港
1月4日 中國香港 1-2 塔吉克
1月10日 沙特阿拉伯 2-0 中國香港
#HKRT #2024recap
https://www.instagram.com/p/DEFL7h0S7pb/
【2024回顧倒數🇭🇰#亞洲盃】
港隊事隔 56年重返亞洲盃係今年嘅最大亮點之一!球迷最深刻嘅瞬間,絕對係 Philip 喺亞洲盃攻入歷史性嘅第1000球!
但其實,仲有好多值得留念嘅時刻:
球員成個月喺卡塔爾努力備戰,真係做到名副其實嘅日操夜操🤣
比賽結束後嘅感人一幕,球迷依然留喺現場,依依不捨,嗰份支持真係令人動容🥹
多謝每一位球迷同職球員,攜手創造呢段美好回憶!
#HKRT #2024Recap #港隊
https://www.instagram.com/p/DEHITigycO6/
【2024回顧倒數 🇭🇰 #世界盃外圍賽】
接住落嚟就到世盃外,當中最令人難忘嘅,一定係對住亞洲強隊伊朗攻入嘅兩粒入球,而呢兩球都係由我哋嘅 debut boys @timmymhw 同 @anthonypintz 攻入!🤩
當然仲有對烏茲別克嘅時候,全場球迷坐爆旺角場,事隔一年再次扯紅旗,氣氛好到不得了。
作客土庫曼時,雖然當地冇任何直播畫面,但球迷齊聚各大社交媒體傾偈討論,畫面都真係超有愛!
#HKRT #WorldCupQualifiers #2024Recap #港隊
https://www.instagram.com/p/DEH3AVPyM4s/
【2024回顧倒數 🇭🇰 #國際足球友誼賽】
接住落嚟,當然要講到港隊嘅三場作客友誼賽啦!雖然係友誼賽,但呢次絕對唔簡單,因為呢次係港隊首次踏足大洋洲同歐洲作賽🌍 同行仲有重量級嘉賓 —— Dodo姐
大洋洲之旅,港隊喺當地踢咗兩場比賽對所羅門群島同埋斐濟,仲成功贏得一個斐濟三角賽冠軍!🏆
歐洲之行我哋10月去咗一個歐洲小國——列支敦士登,我哋不單止遇到咗唔少老朋友,仲好感動見到有300名球迷入場支持港隊,令人感受到我哋香港足球嘅熱情跨越國界!
呢次旅程唔單止係一次比賽,更係港隊歷史上嘅重要一步,為港隊積累經驗,希望嚟緊我哋會繼續衝出亞洲,迎戰更多唔同嘅國家!
#HKRT #InternationalFriendly #2024Recap #港隊
https://www.instagram.com/p/DEJtsDrS-TR/
【2024回顧倒數 🇭🇰 #國際足球友誼賽】
結束作客之旅後,港隊返到主場展開連續三場友誼賽,係六連勝嘅起點。
港隊返到主場越戰越勇,艾華頓喺三場比賽用三粒入球話俾大家知,波係咁射的。而呢段時間,隊內開始出現飛鏢大賽,祖連奴喺第一屆隊內飛鏢大賽成功封王,對菲律賓仲有特別嘉賓 @yumichung1221,而對毛里求斯就有同鄉 @karisteetan 到場支持。
三場比賽,精彩又熱血,球迷又開心,成為2024年嘅重要一頁,並為嚟緊嘅EAFF外圍賽做準備!
#HKRT #InternationalFriendly #2024Recap #港隊
https://www.instagram.com/p/DEKaVjIyV7a/
【2024回顧倒數 🇭🇰 #東亞足球錦標賽外圍賽】
壓軸當然要講到年尾舉行嘅EAFF E-1東亞足球錦標賽外圍賽啦!港隊喺小組賽先後擊敗 蒙古 同 中華台北,再喺決賽力克 關島,成功晉身決賽周🔥 !!
值得一提嘅係,港隊喺擊敗關島之後,實現咗史上首次六連勝,寫下咗香港足球嘅新篇章!🏆✨
最令人難忘嘅一刻,絕對係 @tsuiwangkit 喺對中華台北比賽中嘅頭槌絕殺!呢球關鍵入波直接幫港隊成功闖入決賽,注定會係港隊經典嘅一球 —— 不亞於 Philip 嗰粒亞洲盃第 1000球!!!
港隊今年用實力同熱血創造歷史,期待明年決賽周再創高峰!❤️
#HKRT #EAFF #2024Recap #港隊