是咁的，你無睇錯，covid 一到埗幾個月我就中左，攤幾日食藥喉痛高燒但順利好返，小事一單。而今次就慘痛好多，literally 痾拔甩。
話說上個星期唔知食錯啲咩搞到腸胃炎同發燒，咁作為一個積極工作又對明天充滿希望嘅wfh社畜就緊係選擇射波。星期四一朝早log in 同呀姐call sick, 再食兩粒必理痛同腸胃藥搏佢一兩日好返，兼全日攤上床追返芙莉蓮同香格里拉。
星期五，朝早退曬燒，同呀姐講話我call 多半日sick, 下晝online 做野，留返少少射波quota.... 心諗小病是福，大病煲粥。仆街點知就煲燶粥。
同日下晝，臨放工提早十五分鐘閂機開大，發覺唔對路：點解有少少刺痛，仲要有粒野突出黎，但奈何我當刻實在太有自信，仲口upup是福是福，所以求其搵啲曼秀雷敦搽下算，貪佢涼涼地幾舒服。晚餐前又痾左兩次流質，情況唔多樂觀，所以Friday Night 都唔出街fing，仲真係食左蒜頭粥暖胃順便殺下菌，然後嗱嗱林食藥訓。
星期六，我一向都係訓到十一點零先醒，而我今個星期六都係㗎！諷刺嘅係，當晚我不停上床落床去廁所，隨住痾嘅次數增加，產量會減少，但隻眼嘅痛楚加劇，直到唔知幾點我決定埋數，忍住唔去，迫自己入睡。
早上十一點幾急到扎醒，一個Dash閃步，除褲坐低，我心知不妙。正常情況係各就各位就發力痾，就喺火箭臨升空之際，動物嘅本能提示我此行我必不可用力，仿似感受到一拳超人將要認真一拳轟落去嘅果一剎。同Genos 唔一樣，佢只係被輕輕彈下額頭，而我就反應唔切，狠狠地用生命力硬接。
果種痛，我嘗試形容下：唔知大家有無生過啲好大粒發紫嘅暗瘡，果啲係hi 到都會好痛，爆左會出啲好深色嘅血，處理唔好傷口會有疤果隻。喱種瘡就正正生我喺隻眼度，如廁嘅過程就等於用隻打完籃波嘅污糟手不停大力擠壓佢，咁你知果度皮膚係好幼細敏感，皮膚之間嘅強烈磨擦使痛感瞬間翻倍，隻眼好似要裂開咁，應該係話已經裂左，個痛係由爆痛標眼淚轉化成痛到個腦一遍空白，我靈魂已經飄緊返荃灣老家，而個腦淨係loop 到一句歌詞：紅眼睛幽幽的看著…
講真，我痾左一下，已經唔想再痾落去，但係個肚又一直咕嚕咕嚕，都唔知點收科。做左咁多年人，知道時間能沖淡一切，決定繼續放空，等到唔痛唔急先郁，以不變應萬變。
然而，一首詩將我由神遊帶回殘酷嘅現實，此乃是出自於<唐白虎點秋香>武狀元寫比石柳姐嘅詩句。慘！！！！我當刻大徹大悟。時間無疑能沖淡一切，但舊事嘅烙印仍在，要將它親手撫平，人先可以昂首挺胸行落去。我果斷摺起四五格廁紙濕少少水，忍著絲絲傷痛抹去淚水，重新站了起來。
人往往克服完挫折後回頭一望，至發現自身嘅強大同身邊事情係幾咁微不足道。沖廁一刻，我低頭俯瞰，觀看著馬桶內上映黃昏落日的戲碼，暗黃的天色上掛上朵朵白雲，鮮紅的落日帶著餘暉正向著我揮揮手。我蓋上廁板，頓時萬有歸於無有，心境也變得括然開朗。
如廁後洗手，我怕傷口又再裂開，加上每隻腳郁一郁，伴隨著嘅係紅眼睛帶黎嘅痛楚，我只能小碎步前進，蹣跚地行入房。星期六，家庭醫生中午就閂，趕唔切出門嘅我只好繼續躺平，幸運嘅係我發現平躺係無咁容易trigger 肚痾，加上連日黎已經痾左好多次，要痾嘅都痾曬，所以我上床訓左全日，直到晚餐時間。
愛笑的人運氣不會差，但連日的折騰已令我木無表情，加上google 話食高纖食物可改善腹瀉，我一時睇唔開食左女朋友果半隻焗蕃薯，在我這副飽受催殘的肉體上再多添幾道傷疤，我一直認為放屁無傷大雅，轉眼卻成為我全晚的夢魘。飯後短短數小時，我去左起碼半打次廁所，不停經歷早上嘅無間地獄，讓我臉上多劃幾筆猙獰。我為我嘅愚蠢付上沉重嘅代價，痛楚沒有絲毫減退，患處則更發紅腫，我的意志如同卷廁紙般一格一格的被消耗殆盡，這是我人生中第一次對馬桶產生恐懼。
為左打破喱個僵局，凌晨十二點，我決定課金，打開Doordash外賣app 購入專用嘅藥膏同防敏濕紙巾，喺$2 tips 嘅驅使下，印度籍送貨員順利將貨品半個鐘頭內送到。小弟隨即實行外敷內服，心中小宇宙再次燃起，今次必能藥到病除，誅邪！
喺加拿大兩年幾第一次大病竟然係生痔瘡
真。狗
33 回覆
45 Like
8 Dislike
生痔瘡會肚柯嫁咩？家定係屙到脫肛咋你
可能同加仔扑完嘢樓豬冇提
屌你
潮文嚟嫁？
潮文嚟嫁？
星期日打後呢？YOU DIED?
正皮for文筆
係會嘅，因為痾得多搞到屎眼有傷口，加上屎又唔乾淨同長期擠壓個內壁，所以係有機會導致
真係痾左一個星期，宜家無事啦
真係痾左一個星期，宜家無事啦
呀嬌講過，個個都食藥，唔通個個都想食藥咩？我知，但當你嘅敵人係痔瘡，我諗十個有十一個病人都係想有藥食。而事實上多倫多坊間無一種痔瘡藥係口服嘅，比盡都係醫生開啲antibiotics , 止通藥或消炎藥，除非你係平時用patpat 進食就另計。
上回提及我雄心壯志買左啲膏返黎，諗住一仗功成萬骨枯，你又點估到揸膏都可以搞出個大頭佛？個牌子叫anusol, 睇名就知今次對題。拆開包裝，堅硬嘅金屬表面包裹著半透明白色油光滿滿嘅潤滑膏，隨膏附送一枝5cm 純白色塑膠圓錐筒，頭尾及斜面都有開孔。
見到以上配置，心水清嘅大家應該同當時嘅我有一樣嘅頓悟，"天將降大任於斯人也，必先苦其心志，勞其筋骨"......作為一個頂天立地嘅男子漢，估唔到我黎到加拿大真係進入新世界，終於要比硬物從後放入身體。
我驚唔驚？驚到瀨，但我痾唔出。咁點姐，唔買都買左，用唔用都係痛，人一世物一世唔係唔試下呀嗎？我將所有部件組裝完成，硬住頭皮行入廁所閂門，喺唔夠40 呎嘅廁所來回行左300步之後，我終於除左條褲掹大腳，用深蹲嘅姿勢去迎接自己成為一個大人嘅時刻。
圓錐筒觸碰到眼部皮膚一刻，我嘅自然反應驅使我眨眼，此刻陣痛提醒我必要速戰速決，我將圓錐筒果斷插入，但方向有誤，進軍2cm後就碰壁折返，幸好出入平安。是次出擊既無損兵折將，本將軍勢必再接再厲，我將角度調好，沿著兩邊峭壁進軍，不幸戰場地勢險要，怪石嶙峋，而每深入一少許都會感受傷口撕裂帶來的無比刺痛，深入敵陣果程極巨艱辛。
軍隊到達4cm里程碑，我經已痛到頂唔緊，並決定提早引爆，手指用力將膏藥從圓錐筒擠出，畢竟金屬外層太過堅硬，我往死裏擠壓以確保有足夠嘅藥膏覆蓋傷口，直到最後拔出的時候仍在施力。
圓錐筒離開了我的身體，同時也抽乾我所有氣力。活塞運動時帶來嘅痛楚令我不自覺發出「嘶嘶」的吸氣聲，Always skip leg day的我控制不住顫抖嘅雙腿，只好依牆而站，滿溢的膏藥從洞口滴在地上，我口裏呢喃，叮囑著自己：以後真係唔好睇肛交AV......
休息過後，我著返條褲，執乾淨個廁所，拖着疲倦的身軀，慢慢走進自己的房間。經過女朋友房門，佢指著我話：「咦，你個屎忽後面濕曬嘅！」頂，我唔記得抹乾淨自己，只好再次梳洗後先攤上床。
如事者，到左星期日。其實同琴日一樣，起身疾走去痾，痛完流血搽膏，再搵個無咁痛嘅姿勢躺平全日， 忍到忍唔到又再去痾，再loop......
連日黎，我無一刻係唔餓嘅，不過我都迫自己唔食野，寧願餓扁個胃都唔想痾，所以短短兩三日我輕左4公斤。面對喱個唔食得又唔痾得嘅on9 combo，好難先會好得返，所以我叫左女女幫我買水果比我食之外，再買多樣野 - 肛門塞劑。
事關，我回想返每次開大，我感受嘅痛楚唔止源自到粒瘡突出黎嘅部份，其實最痛係喺門口再深多5cm, 姐係話外露果part只係冰山一角；淨係搽膏咁膚淺係唔夠嘅，個藥效應該要「由外而內再到返外」，肛門塞劑就perfect 慈。
食完個梨洗完手，決定開箱。佢每粒藥5cm 長，用錫紙真空獨立包裝，24粒連埋，一抽出黎成排機關槍子彈咁，心諗今晚又要生靈塗炭。我上網睇教學，仆街今次仲痴線，建議用法個起首姿勢係四腳爬爬咁趴喺床，再用黃狗射尿嘅方式遞起一隻腳，然後將粒藥塞入5cm...
我屌，我連行路坐低放屁都痛，仲要爬起身做瑜珈。我抱住橫死掂死嘅心態，除完褲，就跪喺張床度，慢慢遞高埋隻腳。咦唔痛喎，心諗今次fit 啦，咁然後呢。。。
係囉？然後呢？！我到底要點樣放粒藥入去呢？上網個method 係expect有第二個人幫手嘅。吓！我女朋友的確係好好，連日黎行出行入，又幫我煮飯同煲菊花茶比我以形補形，但都無理由問佢：「可唔可以拮我屎眼」咁過份掛！
我諗左陣，都係問唔出口。我拆開包裝，果然，粒藥全白色，子彈形狀，媲美工人番梘嘅硬度。我再三確認方向，就開始表演三腳獸玩「零零柒，入子彈」嘅遊戲。
子彈掂到槍管果一刻嘅刺痛令我再次腳震。我用手指忍痛將子彈向前推入去，點知一下頂中傷口，我「嗚呀」大叫出黎，手指一鬆跌埋粒藥，間房瞬間就變咗做凶案現場，我要喺張床搵返粒染血嘅彈頭。
CUT!!!!!執返再黎過，好彩嘅係我揸耐左粒藥，佢開始溶，我迅雷不及掩耳將子彈對準槍管，手指上下抖動咁塞入去，成功上膛。準備訓返低之際，粒彈露返一半出黎。我快快手撳住槍管，再不停往入推，直到我第一節手指入曬槍管，最後feel到「卜」一下，我可以確定，特務零零柒成功擊退壞蛋。
我再一次累攤喺床，氣都未抖夠。隻眼就開始feel 到一絲一絲痛，陰住陰住痛，然後就愈來愈痛，又要痛到裂開。因為粒藥卡住喺個好窄嘅內壁入面但未溶，死死壓住個傷口，無論我點轉姿勢都避唔到。痛楚持續五分鐘，我又一次痛到「嘶嘶」聲吸氣，我只好光住屁股，諗住歌詞分散注意力：我最初面紅，現在三眼通紅。。。
十五分鐘過後，我真係完全唔痛啦，順利坐到起身，我就知今次有轉機！當日下晝，活動好充實，我cosplay 一部無情嘅榨汁機，食完水果去廁所整果汁再用藥無限loop, 全日就係咁來回地獄又折返人間，直到晚上訓教。
到左今日星期一，我一覺訓到大天光。起身同呀姐請多一日病假，然後就襯sandy lunch 時間叫佢偷雞車我去睇家庭醫生。醫生話我喱個combo 真係無藥食，腸胃炎頭兩日就好返，痔瘡又買啱藥，淨係話我唔洗戒口，食返多啲肉；臨走寫左張醫生紙叫我去照xray 睇下條腸 in case 係咪其他古怪病。我即日去附近照埋，然後就返左屋企攤。全日淨係痾果陣痛，其他時間都無feel嚕。
到左夜晚，我食完飯洗埋碗又有便意，再次坐返喺個馬桶上面，就諗：喱幾日發生過嘅野都幾特別，不如寫低佢啦。
於是，我打開Notes, 然後就開始寫：
「喺加拿大兩年幾第一次大….」
上回提及我雄心壯志買左啲膏返黎，諗住一仗功成萬骨枯，你又點估到揸膏都可以搞出個大頭佛？個牌子叫anusol, 睇名就知今次對題。拆開包裝，堅硬嘅金屬表面包裹著半透明白色油光滿滿嘅潤滑膏，隨膏附送一枝5cm 純白色塑膠圓錐筒，頭尾及斜面都有開孔。
見到以上配置，心水清嘅大家應該同當時嘅我有一樣嘅頓悟，"天將降大任於斯人也，必先苦其心志，勞其筋骨"......作為一個頂天立地嘅男子漢，估唔到我黎到加拿大真係進入新世界，終於要比硬物從後放入身體。
我驚唔驚？驚到瀨，但我痾唔出。咁點姐，唔買都買左，用唔用都係痛，人一世物一世唔係唔試下呀嗎？我將所有部件組裝完成，硬住頭皮行入廁所閂門，喺唔夠40 呎嘅廁所來回行左300步之後，我終於除左條褲掹大腳，用深蹲嘅姿勢去迎接自己成為一個大人嘅時刻。
圓錐筒觸碰到眼部皮膚一刻，我嘅自然反應驅使我眨眼，此刻陣痛提醒我必要速戰速決，我將圓錐筒果斷插入，但方向有誤，進軍2cm後就碰壁折返，幸好出入平安。是次出擊既無損兵折將，本將軍勢必再接再厲，我將角度調好，沿著兩邊峭壁進軍，不幸戰場地勢險要，怪石嶙峋，而每深入一少許都會感受傷口撕裂帶來的無比刺痛，深入敵陣果程極巨艱辛。
軍隊到達4cm里程碑，我經已痛到頂唔緊，並決定提早引爆，手指用力將膏藥從圓錐筒擠出，畢竟金屬外層太過堅硬，我往死裏擠壓以確保有足夠嘅藥膏覆蓋傷口，直到最後拔出的時候仍在施力。
圓錐筒離開了我的身體，同時也抽乾我所有氣力。活塞運動時帶來嘅痛楚令我不自覺發出「嘶嘶」的吸氣聲，Always skip leg day的我控制不住顫抖嘅雙腿，只好依牆而站，滿溢的膏藥從洞口滴在地上，我口裏呢喃，叮囑著自己：以後真係唔好睇肛交AV......
休息過後，我著返條褲，執乾淨個廁所，拖着疲倦的身軀，慢慢走進自己的房間。經過女朋友房門，佢指著我話：「咦，你個屎忽後面濕曬嘅！」頂，我唔記得抹乾淨自己，只好再次梳洗後先攤上床。
如事者，到左星期日。其實同琴日一樣，起身疾走去痾，痛完流血搽膏，再搵個無咁痛嘅姿勢躺平全日， 忍到忍唔到又再去痾，再loop......
連日黎，我無一刻係唔餓嘅，不過我都迫自己唔食野，寧願餓扁個胃都唔想痾，所以短短兩三日我輕左4公斤。面對喱個唔食得又唔痾得嘅on9 combo，好難先會好得返，所以我叫左女女幫我買水果比我食之外，再買多樣野 - 肛門塞劑。
事關，我回想返每次開大，我感受嘅痛楚唔止源自到粒瘡突出黎嘅部份，其實最痛係喺門口再深多5cm, 姐係話外露果part只係冰山一角；淨係搽膏咁膚淺係唔夠嘅，個藥效應該要「由外而內再到返外」，肛門塞劑就perfect 慈。
食完個梨洗完手，決定開箱。佢每粒藥5cm 長，用錫紙真空獨立包裝，24粒連埋，一抽出黎成排機關槍子彈咁，心諗今晚又要生靈塗炭。我上網睇教學，仆街今次仲痴線，建議用法個起首姿勢係四腳爬爬咁趴喺床，再用黃狗射尿嘅方式遞起一隻腳，然後將粒藥塞入5cm...
我屌，我連行路坐低放屁都痛，仲要爬起身做瑜珈。我抱住橫死掂死嘅心態，除完褲，就跪喺張床度，慢慢遞高埋隻腳。咦唔痛喎，心諗今次fit 啦，咁然後呢。。。
係囉？然後呢？！我到底要點樣放粒藥入去呢？上網個method 係expect有第二個人幫手嘅。吓！我女朋友的確係好好，連日黎行出行入，又幫我煮飯同煲菊花茶比我以形補形，但都無理由問佢：「可唔可以拮我屎眼」咁過份掛！
我諗左陣，都係問唔出口。我拆開包裝，果然，粒藥全白色，子彈形狀，媲美工人番梘嘅硬度。我再三確認方向，就開始表演三腳獸玩「零零柒，入子彈」嘅遊戲。
子彈掂到槍管果一刻嘅刺痛令我再次腳震。我用手指忍痛將子彈向前推入去，點知一下頂中傷口，我「嗚呀」大叫出黎，手指一鬆跌埋粒藥，間房瞬間就變咗做凶案現場，我要喺張床搵返粒染血嘅彈頭。
CUT!!!!!執返再黎過，好彩嘅係我揸耐左粒藥，佢開始溶，我迅雷不及掩耳將子彈對準槍管，手指上下抖動咁塞入去，成功上膛。準備訓返低之際，粒彈露返一半出黎。我快快手撳住槍管，再不停往入推，直到我第一節手指入曬槍管，最後feel到「卜」一下，我可以確定，特務零零柒成功擊退壞蛋。
我再一次累攤喺床，氣都未抖夠。隻眼就開始feel 到一絲一絲痛，陰住陰住痛，然後就愈來愈痛，又要痛到裂開。因為粒藥卡住喺個好窄嘅內壁入面但未溶，死死壓住個傷口，無論我點轉姿勢都避唔到。痛楚持續五分鐘，我又一次痛到「嘶嘶」聲吸氣，我只好光住屁股，諗住歌詞分散注意力：我最初面紅，現在三眼通紅。。。
十五分鐘過後，我真係完全唔痛啦，順利坐到起身，我就知今次有轉機！當日下晝，活動好充實，我cosplay 一部無情嘅榨汁機，食完水果去廁所整果汁再用藥無限loop, 全日就係咁來回地獄又折返人間，直到晚上訓教。
到左今日星期一，我一覺訓到大天光。起身同呀姐請多一日病假，然後就襯sandy lunch 時間叫佢偷雞車我去睇家庭醫生。醫生話我喱個combo 真係無藥食，腸胃炎頭兩日就好返，痔瘡又買啱藥，淨係話我唔洗戒口，食返多啲肉；臨走寫左張醫生紙叫我去照xray 睇下條腸 in case 係咪其他古怪病。我即日去附近照埋，然後就返左屋企攤。全日淨係痾果陣痛，其他時間都無feel嚕。
到左夜晚，我食完飯洗埋碗又有便意，再次坐返喺個馬桶上面，就諗：喱幾日發生過嘅野都幾特別，不如寫低佢啦。
於是，我打開Notes, 然後就開始寫：
「喺加拿大兩年幾第一次大….」
係，但寫嘅野全部都有發生，我仲影左啲相比醫生睇
不過有啲核突所以唔出圖啦。
不過有啲核突所以唔出圖啦。洗唔洗著紙尿片皮
sorry大笑咗 樓主文筆好好
無用，但有我都唔敢用，我係咁痾水，個pat pat 一定痴立立。
好有潮文嘅味道
去到加拿大都唔一定要開拍彩虹國物語嘅….
講開又開，我下半部唔小心出左女女個名
講開又開，我下半部唔小心出左女女個名
啲人話日本嗰隻用水洗眼其實幾好
前幾年去試過真係返唔到轉頭
返嚟香港即刻裝咗
前幾年去試過真係返唔到轉頭
返嚟香港即刻裝咗真係自己作? 幾好文彩
寫得幾盞鬼
你指馬桶？之前試過係幾正，會出暖水同有得教馬力，無傷口果陣用真係比枝水柱射到高潮
但我租緊屋就唔搞咁多野。假以時日我有自己地方，會考慮。
但我租緊屋就唔搞咁多野。假以時日我有自己地方，會考慮。樓主好污糟啊
黎到異地有啲懷念以前陣MK 味，惟有自己落筆懷緬下
係呀，對上一次寫咁多野係DSE,...
我將我咁多年谷住谷住嘅墨水爆曬出黎
我將我咁多年谷住谷住嘅墨水爆曬出黎
車
姐係你本身就有痔瘡，係肚屙屙爆左粒痔瘡。 唔係肚屙搞到生痔瘡
姐係你本身就有痔瘡，係肚屙屙爆左粒痔瘡。 唔係肚屙搞到生痔瘡
唔排除都有咁嘅可能，不過平時我一日痾兩次無痛好順，所以一開始無咁諗。
纖維量多的食物：平時對腸胃健康有益的高纖蔬菜、糙米等，在腹瀉時反而容易讓症狀更嚴重，所以富含纖維的生菜、蔬菜、水果、乾果、堅果、麥片、豆子、全麥麵包等都要避免食用。
你做乜咁虐待自己屎眼
下次萬一又發作，可以試下敷冰，會冇咁痛
唔好用紙巾，用暖水洗會冇咁傷菊花
痔瘡除非割架啫，如果唔係間唔中都會發下
屙屎要櫈仔棟高腳，唔好坐太耐
利申：過來人
唔好用紙巾，用暖水洗會冇咁傷菊花
痔瘡除非割架啫，如果唔係間唔中都會發下
屙屎要櫈仔棟高腳，唔好坐太耐
利申：過來人