有冇人好討厭「時間」呢個概念？

唔係講緊時間觀念準唔準時嗰啲 要我準時唔係唔得

我係講緊整個時間觀念不斷限制人類活動

不斷令到人類因為時間而唔開心 例如因為年齡等等

返大陸啱你

咁我寧願去非洲

係工時太長

咁你想點 時間靜止？

因為時間係不斷向前，而我哋就係不斷老去呢個事實令我好惆悵

如果可以用科技令大腦超加速運算
訓係部機度個人會好似去左令一個空間咁
係入面過既時間比真實時間慢好撚強咁就好啦

所以你可以無收工時間

無時間人類直頭唔會出現
不如問點解生存咁多煩惱好過

有咗時間概念，令到人類行動有咗限制
例如係某某個時間 晝夜就要完成某啲事

老去係真 但係用咗數字去代表就會有好多限制
例如過咗30歲就要點點點 60歲代表着老人

其實可以唔係咁樣 所謂有幾年輕係自己諗
你話自己後生 身體都會跟住後生
成日覺得自己老 身體都會加速衰老

我都想…

冇錯係
以前我返Office 我就係阻人收工嗰啲

而家我返創意產業 我鍾意返就返收就收不知幾爽

有人類先有時間概念

而唔係有時間先有人類

呢個唔係時間嘅問題，係衰老嘅問題

每個人嘅衰老速度都唔同

但係就比「時間」呢樣嘢強行統一化

約你出街聽日 時間無限

自欺欺人 死咗咪時間靜止囉

我唔知你信唔信靈魂呢樣嘢

但係我話俾你聽靈魂係唔會感受到時間

唔係講緊身體上衰老

而係愈大就愈感覺到離別嘅滋味

呢個係你點諗啫
有啲人冇30要點點點, 60要點點點 , 完全唔受影響

離別又如何？

就算冇咗時間觀念 離別一樣會發生

有諗過 但又未至於好討厭

世界本來就會運行 人類將依樣嘢稱為「時間」
再將時間統一化 以 UTC/GMT表示
「時間」令我哋生活更加有系統
因為有「時間」 我哋可以清楚表達幾時見

同時 我都覺「時間」會限制咗我哋
令我哋一定要特定時間做某一定嘢

正正係因為有咗「時間」依個概念
所以可以同其他人比較
e.g. 年紀 作息時間 食飯時間 工作時間