有無人試過發夢嗰陣死咗 個人係會即刻彈起身？

話說琴晚發咗個夢，夢入面我應該係做警察去查案
利申：現實職業係普通文員

然後我同另一個人（應該係我伙記）突然撞到個犯
咁啱我對手就揸住啲嘢（好似係簿同筆，當時好似同人落緊口供？）所以拎唔到把槍出嚟

但對方都係有槍，同埋已經對住我個頭
正當我見到我伙記拎佢自己把槍出嚟嗰吓，個人就突然chok醒咗

我諗我應該已經比個犯爆頭打死咗

唔知點解成日見人分享啲夢都係可以開超能力，又可以控制自如我就直接比人打死，連take2都無

有時會諗，其實發呢種夢，會唔會係某個人死之前嘅記憶

彈起身個下，有冇為意嘴角有血

我發夢見到死左係黑曬乜都睇唔到

同埋我發夢可以控制自己飛，多數走佬先用同成日飛都九樓咁高再飛落黎好有離心力，仲有可以合一合隻眼可以轉場景，多數發惡夢先會咁做

試過又係夢到自己被人開槍打爆頭 好記得係左入右出 起身個頭痛左震

現實：一齊跟緊野點知做錯左比上頭指住你黎屌，你同事幫你拖完

無

但有一次試過發夢，好似係有個好重要嘅人要離開，我拉住佢唔比佢走

最後起身發現自己真係喊咗出嚟但又無傷心嘅感覺

我現實中係未發生過類似嘅情景

通常會黑幾耐？我多數都係即醒
同發夢嗰陣自由落體一樣

係要咁
求神拜佛唔好醒唔切 係夢入面死左

場景係舊時定現代
會唔會係前世既記憶

反而無諗係人地記憶
成日覺得夢境係平行時空
係另一個時空嘅自己

早排試過發夢入面唔知係逃獄定係被通緝，走咗去山上面類似豪宅天台定係屋苑平台角落嘅地方呢埋，然後就醒左

第二日諗返轉頭咁樣避，其實應該仲辛苦過被捉到，生理同心理上都係。

然後又諗下，點解夢入面唔著草呢？

話時話，個夢好真實，醒果刻要回一回神先知原來係發夢。

我又無留意但我發嘅夢多數都係我未去過嘅地方

坐架未見過嘅火車（現代火車，唔係蒸汽火車）
去啲廢墟，荒廢咗嘅車站，又舊又殘嘅樓（入面有人住）

有一次仲去咗個好靚嘅廣場車站，應該係英式嗰種，我仲坐係巴士上層望住
好靚嘅西式城鎮（坐住係屋頂望）
好靚嘅西式大屋（有得入去參觀）

以前睇過某個連登發夢post先知，原來有人會發到中國舊時代場景嘅夢

可能係夢境比自己嘅提示

唔係好明，即係點？

Inception?

學吓解夢佬咁講發夢咁比人捉可能現實中有類似嘅情境，可能係趕deadline/有壓力之類

醒返就可以好似你咁，諗吓點解會發個咁嘅夢同埋諗下有咩其他解決方法

我試過係夢入面同啲女屌閪，點知一射精果下就醒左
條底褲真係有好多精

嘴角冇血應該唔係困喺Matrix世界，似係 Dr strange 個世界多啲

我成日都係咁
一死咗就彈醒

有次發夢自己同另外九個人係監倉，要玩唔知咩遊戲，遊戲規則不記得了，總之要死兩個。開始前各自返自己倉，我心諗就算今次過關下次咪又係比人撚，於是上吊自殺
跟住我彈左起身，心諗自己做咩咁冇膽十個死得兩個都唔玩的時候，突然發現手上有條繩，今次諗都冇諗又死多次
然後終於彈醒左

係夢黑左都好幾分鐘，好清靜，但之後好似札醒左，都係試過兩次，另一次死果下無黑到，轉左第二個夢

試過發夢夢見我平時行開條天橋，有個好靚嘅女仔係下面係咁叫我落去陪佢，跟著突然之間有條電梯比我落，但係我諗一諗呢啲位平時係冇路，腦海有把聲突然間叫我快啲走，然後條電梯就消失，條女都變咗樣，係咁尖叫叫我快啲落去，之後個人就窄醒咗