可以講多少少呢個真係深切體會
之前去到外國同班同學講香港點唔好點唔好
佢哋會好驚訝,點解我有咁負面嘅情緒
反正我都喺度生活點解唔好好感受呢度嘅好係都要搵負面嘅嘢屌
度度都有好有唔好㗎啦
大個去多咗唔同地方生活過更加覺得香港就算退步咗就算政府好多19嘢比起世界好多地方都真係算係咁
不過連登特別時事台最鍾意咩都屌
好似成個世界得香港係最差
乜嘢不吃不喝20幾年更加係媒體為咗吸引眼球嘅嘩眾取寵標題
條數根本就唔係咁計
你去邊個地方啲人買樓full pay㗎?
到到都做按揭㗎啦
你依一刻覺得貴慢慢供供下10年之後通脹你就覺得供嘅錢越來越少
好似你而家睇啲收成期都覺得佢哋點解供幾千蚊咁爽
但係廿幾30年前班收成期買樓對佢哋嚟講每個月供幾千都好貴
身邊嘅圈子更加體會到
你叻嘅做醫生做Ibank broker 物理治療職業治療
普通資質嘅去做老師護士
體力好肯捱嘅去做地盤
古古惑惑嘅可以做保險做sale下嘢做美容
根本香港大把方法搵錢
30歲前情侶夾份買樓真係唔係啲咩天方夜譚嘅事大把人都做到
不過連登嗰班憤青又會拎市區地鐵上蓋盤嚟做例子話20k⼀呎我去英國深山住城堡唔好?
呢度唔值呢度唔值樓爆呀
總之佢哋自己發現就講到成個世界冇希望
搞到而家啲未有獨立思考嘅零零後都好emo