Dune: Part 2《沙丘瀚戰：第二章》討論區 28/2 上映

Jihad似乎係一定要改
呢個字近二三十年都好敏感

但係電影描述到班人係原教旨狂熱份子，信預言會跟住細路去周圍打仗廝殺，好似仲衰啲。同埋印象中好似無阿拉伯演員，我諗導演佢哋可能都唔care 好似作者話過希望日後媒體創作盡量減少入面嘅伊斯蘭元素，不過導演好似喺加强咗

啱啱睇完好正
睇到最後唔好明 點解Paul空手入白刃
就會反殺 阿肯能嘅姪子？

我迷dune不迷羅馬

用上一集時間去build up世界觀同背景係值得既, 今集既爽快感真係一流 Btw係唔係Paul既亞崔迪家族改左譯做亞特雷斯家族？

原著後半既鋪排都冇前半咁好
電影已經將小說後半寫得少寫得唔好既野改到好易入口
收貨了

始終小說唔係好似金庸個啲咁精彩

又唔洗要超級英雄片咁打到跳舞咁
但係dune埋身肉搏係無乜逼力同力量感
好似最後同貓王決鬥對持個畫面都靚又有儀式感
但係一埋身又係鏟落地kick下腳 頭撞頭 有種好累贅既感覺

更何況duel個陣paul都有一下好fancy既凌空轉身避刀
感覺Denis係有心想拍出個種wow既fighting 但就仲差d

香港冇
全部都係假imax

想飛去台北睇
好似話東莞係真imax, 3月8日上dune

個人觀感

如果Part 1係10分
Part 2我會畀8.5分

大部分讚Part 2嘅，都不外乎讚今集「爽」咗，其實我就係唔鍾意佢變「爽」

Part 1好睇嘅地方，就係嗰種慢吞吞滲畀觀眾嘅節奏，我知以下比喻唔恰當，但你姑且就當王家衛作品去理解，畀人嫌悶嫌慢嫌睇唔明，其實真係正常，「點解梳個頭都影咁耐」，我唔識解釋畀你聽，受嘅就受，唔受我又唔會認為你有咩問題，只係可惜未能一齊感受箇中樂趣

Part 1喺我眼中其實已足夠「商業」，大量靚人絕境，又有大規格戰鬥場面，至於「唔商業」嘅慢吞吞部分，我覺得將觀眾理應被電影醞釀嘅情緒「操弄」得非常精準，嗰啲不斷閃現嘅「異象」，以及錯綜複雜嘅人物關係，係需要時間消化、思考、沉澱，甚至有時間被刻意誘導去「諗多咗諗錯咗」，個效果、個戲味，先出到嚟

Part 2呢，幾乎冇晒，Part 1如果全程係以1波行車，間中好吝嗇擢一嘢上2波，咁今次就係全程以起碼4波嘅速度，係咁去係咁去係咁去…… 觀眾就算仲有思考位未解通，謎團都係上集留落嚟未解

普羅觀眾而言，今集一定睇得「舒服」咗，順住個故事「食」劇情就得，冇乜要停一停諗一諗嘅地方，但對我而言，就會覺得比較之下係平庸咗，好多原先應該更有耐性講述嘅角色，今集都「高效率」講完，抹殺晒應有嘅醞釀同高光時刻

個人希望導演喺Part 2有咁嘅改變，係出於原著小說篇幅太長，唔推快啲分分鐘變電影版Hunter X Hunter，而唔係「怕咗」上集嗌悶嗰啲「非知音」

Part 3會點繼續講埋個故事，仍然令我非常期待，畢竟今集只係比上集差(個人觀感)，唔代表佢係糞作，再講，Part 2嘅內容資訊量，用番Part 1嘅耐性去詮釋，冇5個鐘都起碼4個半鐘，大眾就算心理接受，膀胱都頂唔順

想透徹了解故事，唯有睇番原著小說，我買咗兩年都未開，當年睇完Part 1唔捨得開，今次動力大咗好多

慘
咁求其搵間近屋企既睇算

是摩

依家連殺黑人都無畫面唔比睇，左膠太過分

有第三集啦 早排韓國首映男主當眾講到出口有part3

姐妹會女間諜埋身調查完菲德羅薩之後話佢性能力麻麻我笑咗諗起千王之王2000

係咁既意思咩?
句對白類似he is sexually vulnerable
唔係解佢抵抗唔到性誘惑咩

我英文差只能睇字幕，記得話佢性方面麻麻

合約應該一早簽左
但宣佈開唔開第三集就要睇票房

Paul已成救世主點解Jessica仲要捧佢阿妹上位 有冇人明呢一點

我都係想睇文戲多
本來個故仔就係呢度吸引

個個話上集眼訓呀嘛
今集咪飛曬啲文戲囉

都留晒伏尾擺明有啦