講少少前提，因為我兩隻貓一齊住，一男一女，佢哋又開始發情，原本睇開個醫生唔接手術，個診所排期又要成年，醫生就叫我去外面搵第二間幫女仔做左絕育先。咁我就上網搵評論，又打電話約book，就搵到呢間有期做絕育，網上評價都唔錯嘅醫院做絕育。
我帶我隻貓女做絕育手術，問左楊醫生洗唔洗做完手術要複診或者拆線，佢話唔洗。但係過左一個月多，個傷口合得差唔多嘅時候，好明顯收線個位條線係突左岀黎。又影左相wts問，就話要返黎畀醫生再睇。
點知一睇先知，個傷口根本唔正常，佢收線收得唔好，成條線係傷口外面，好彩冇發炎乍！但係入面都係仲有啲結焦未清到，有機會要再做手術。wtf???
即係個醫生做得唔好，仲要再畀佢做收線，又再多個大嘅傷口。我就真係唔係好想。我見完醫生再諗諗吓都真係唔想再畀佢做手術，我就要求再見多次醫生問清楚，又話唔洗一定做手術，話而家再幫佢清多次傷口先。即係我唔再問就由得佢？
到最後開左抗生素同埋消毒藥，再觀察兩星期睇吓使唔使再複診。
所以奉勸大家一句，真係寧願等耐啲都唔好去一間冇睇開嘅醫院，唔好太相信網上面嘅好評。