小兄妹日睡6小時恐怖行程表曝光

我反而覺得討論範圍唔應該係在於成長方法
係龍係蛇 最終都係睇人醒唔醒目
讀唔讀到書都好 醒目嘅其實總係會跑出

通常有呢個經濟能力又想佢冇壓力都會直資happy school/ischool
再唔掂就掉佢去外國

唔緊要，咁大投資到十幾歲個陣一jump就投資失敗了

呢句野十足似中共口交部話中國人民好幸福咁

One piece直情話比你知血統大過你努力

睇家長
何詩蓓都local school 要考DSE

書係要讀
但我就唔會迫到佢日睡6 小時
呢個基本上係虐兒
父母都要接受小朋友資質普通

老實講、父母自己有本事就迫自己
自己撈得掂，做乜要搵小朋友嚟搞
到時幫佢搵uncle auntie 介紹工都得啦

呢啲只會成為書呆子
真係上到位要識同老闆/ 客打好關係
呢啲soft skills係要父母言傳身教比小朋友
點樣同老闆/ 客溝通，陪人打golf 打網球 踢波
死做爛做最多咪做到manager…然後就停止升職了

直資同Ischool 唔會完全無壓力
但小朋友唔洗「吃無用的苦」
學習可更有效同靈活
公文呢啲操得多會變讀死書

家長安排子朋友既時間表呢一點我無任何意見
問題主要出係:
1. 是否安排太多不必要課程
2. 沒有安排休閒時間
3. 沒有足夠休息時間

安排小朋友時間表重點係要培養佢地既作息規律
另外就係發崛佢地既興趣, 潛力
以及為一D真正重要跟一世既野重點學習打底

中學學嘢純粹係個老師塞比你食，你係唔會有心機去反思自己點解失分（可能讀間廢中身邊啲人太弱令我無危機感），反而我係retake DSE仲高分過喺學校讀。到入到大學就覺得讀書嗰種自由好爽，想走堂就走堂，還掂都係食自己

人地逼佢溫嘅溫咁耐就係無撚有，自己推動自己去溫嗰啲就另計。但係呢個case好明顯係個家長chur鳩自己仔女，所以個方法都係無撚用

天下間, 邊有咁多學神學霸
大陸果度, 佢地好多唔係自律, 而係熟得早
而且學校係好現實, 普通班, 重點班, 精英班, 火箭班
成績決定你既座位, 決定老師關注程度

中考考唔過, 就要去報專校, 或者入廠打螺絲, 復讀環境只會更差
就算過到中考, 仲有高考等住你, 差一分都可以差幾千排名
就算高考完, 報大學, 報專業, 都要競爭
就算入到想入既大學同專業, 大部分本科生都唔值錢, 要讀碩讀博, 又要爭位

雖然學歷並不代表所有野, 但普遍社會現狀就係學歷高, 機會就多
專業揀得啱, 出黎工作不用愁, 幾年後就買車買樓不在少數

仲有, 係大陸根本就唔需要父母管控, 學校就已經管到死死
早晚自習, 升學率高既學校, 去到8-9點, 甚至11點先放學生走人既都有唔少

寄望於子女天生自律係學神學霸, 咁我不如買六合彩, 中一億咁就唔使煩

你有冇睇過大陸班學生嘅訪問？佢哋全部都係自動波由6點開始溫書溫到夜晚11點，去到中學，一係夠聽父母話、一係就開啟咗自chur mode先捱到落去。但去到大學、甚至乎畢業出嚟做嘢，我覺得自律型嗰班先跑得最遠。

唔夠自律嘅人（好似我大陸班親戚咁，學校父母迫都迫唔到），一早被刷走讀中專。

NONONO, 你講緊係完全兩樣野
你係將大陸學神學霸同自律link 埋一齊, 講到插手介入反而破壞左佢地既學習節奏
再講到國際學校果D鼓勵教育, 外向教育, 快樂教育
令佢地社父屬性點滿

我就同你講, 只有極少數既人天生自律, 更多既係有外部誘因導致
其中包括家庭原因, 社會現狀, 甚至人際關係
我重點講既, 就係社會現狀, 想有更好機會, 入場券就係學習成績

仲有, 我唔知你講既自動波係乜, 但我講既晚自習, 係學校本身既安排黎
仲有就係, 你係咪連大陸既學習模式係點都唔知
佢地大學一樣咁chur, 大把人要本碩博連讀
讀完出黎28歲既大有人在
自律? 更多係你唔讀到去博士, 根本連同人爭既資格都無

普遍人都唔會自律, 但你會咁做, 一定係有不得不做既原因

係呀
但好似好多人都唔明咁

小朋友自學，不斷做題；同被父母迫海量做題，係兩件事。

前者係自己想學而努力做，學習嘅過程雖痛苦但自願。後者係被迫學，學習嘅過程唔只痛苦，心入面好多怨恨，如果父母係過程表現兇好兇惡，只會令佢更討厭學習。到大個識反抗嘅時候……

啲人話細個想父母迫，但呢啲心理上成日怪責別人嘅人，到時可能又話細個父母好仆街etc。

係要自己感受過自己推動自己去學野先會明痛苦又快樂嘅感覺

普遍家長學生諗法，唔識就操卷。我會問翻佢地，咩叫操卷，咩叫識，要點操先有用。但係普遍都係唔識答，然後就會跌入咗一個學生家長僵硬嘅關係

咁操法唔係無好處，如果本身資質唔太好個下限會提高好多。文中兩兄妹咁操落去，家中又有資源既，無論咩資質都好易入到勁既大學。入左勁既大學，出到來至少中產，往上走又更易。有

其實家長有心跟，就會知道小朋友弱項，再專攻弱項就可以了⋯⋯唔洗浪費時間做啲識嘅嘢。

係
所以真係完全放養先會搞成咁

小學嗰啲好多轉堂都已經做完
中學就搵定source朝早返去抄