三歲嘅時候父母離婚之後就冇見過阿媽，老竇從來都唔係一個負責任嘅人，食煙飲酒賭博叫雞乜都齊，好細個嗰陣仲會帶啲女人返嚟，喺呢個環境大我冇學壞已經算好好，本來一直安然無恙，直至到五年前佢返大陸揼骨識咗個女人之後一切就變咗…
個女人大概35歲有兩個仔，本來只係情侶關係，阿爸weekend嗰陣會上去搵吓佢，點知近呢半年越嚟越過分，成日嚟我哋屋企過夜都算，仲開始越嚟越野蠻同威脅到我，例如佢嗰兩個便宜仔會對我好冇禮貌，除咗講聲hi之外，基本上連望都唔會望我，都幾肯定係佢老母特登教到咁，最近仲提出左好過分嘅要求，想將我間房張床換大少少，咁佢哋過嚟嘅時候就可以三個一齊訓我就去做廳長，佢哋三個又會成日收工一齊去食飯唔叫我，買珍珠奶茶嗰陣又會唔買埋我嗰份
點知最近個大陸女人同我攤牌，話講到明唔鍾意我，佢而家希望可以同老竇組織家庭之後落嚟香港但係以後嘅生活唔想有我喺度，佢話佢明白咁樣做我係會好難過但佢都冇辦法，佢話一口價俾我60萬叫我半年之後消失，佢仲話已經同老竇商量過，佢話如果我接受就OK….
我聽到嗰陣真係呆撚咗…一開始係好撚心酸唔明白點解呢啲事會發生喺我身上，但係後來一諗到老竇竟然對呢啲條件都冇乜反應，我真係睇淡晒左，其實我先係多餘嗰個…係我阻住人哋…
哈哈人生真係好可悲我係零，我係一個不被需要嘅存在
