慢慢讀上去開始識咗啲師兄學識咗買波買馬，未夠18歲已經係咁叫啲師兄幫手喺馬會買
本來都係幾百蚊幾百蚊咁玩慢慢開始學識咗越嚟越多嘢
機舖悟空機一個月玩兩三千已經係常態
試過最誇張一日贏6000幾。不過其實陸陸續續都輸返出去。雖然你哋睇幾千蚊好似冇乜嘢但其實對於一個中三中四嘅學生嚟講係一筆好大嘅數
一個偶然嘅機會我認識咗外圍網站
嗰時主要啲網站可以買波買馬，唔使經一手，本來都好正常。有一日我無聊打開咗嗰啲電子賭博，玩嗰啲電子廿一點
陸陸續續都輸咗一部份錢，開始見到有啲真人越玩越大
嗰陣疫情唔使上實體課，我就去返工，一出糧就攞去玩。陸陸續續計埋借錢已經輸咗200,000。嗰陣要讀副學士，屋企人俾錢我交學費我都攞咗去賭。到絕境嘅時候每個月講緊要還$6000嗰陣我18歲。
好好彩上年手痕成班friend買 NBA總冠軍，我嗰陣完全冇睇NBA 見到金塊八倍賠率幾好買咗$100
就係呢$100改變咗我好多,金塊最後真係冠軍咗.我攞返$800繼續去到百家樂廿一點.嗰陣真係我人生最好彩嘅時候基本上買乜贏乜咁滯.慢慢由800上咗5000再上10,000再上幾萬.喺兩個禮拜內我總共贏咗超過500,000.我還晒所有錢之外另外仲有300,000.講緊我18 歲，嗰陣幾乎完全停唔到，一日可以望住部手機八個鐘，全程就係賭錢.我最誇張試過一鋪60,000嘅21點.我完全可以喺嗰陣時全身而退
可惜人就係貪念我還晒所有錢之後，我用兩個禮拜就已經輸返晒所有錢
而家諗返都有啲戇鳩
仲要再借返財務，最後我一次過睇返成件事，其實有好多次機會我真係可以全身而退
但係我一次都冇。我知你哋會屌，不過冇所謂，我已經戒咗一兩個月，每個月都還緊一筆固定嘅錢。喺呢度奉勸大家一句，真係唔好賭，一上癮就返唔到轉頭。仲有咩想知我會盡量答，如果答到嘅話。
