黃大仙算命實測 避免嘥錢啊大家…（下）

上回講到黃姓師傅麻麻地，未睇上個post可以睇返循例講返句，信則有，唔信都可以提下身邊想去嘅親戚朋友

黃大仙算命實測 避免嘥錢啊大家…（上）
https://lih.kg/3629801
- 分享自 LIHKG 討論區

推薦師傅：

莫迪天
黃大仙廟140號舖（上層）

莫師傅好有禮貌基本上咩都識咁濟。
我去問流年，收費無記錯係$980，佢差唔多同我講左一個鐘，唔同範疇都會詳細講，仲會教埋你點催旺/化解，例如可以喺屋企某個方位擺某啲嘢。

而且佢唔係齋up，佢會叫你拎住個龜殼，用紙巾自己抹乾淨，之後放三個銅幣入去「oh」，「oh」嗰陣個心諗住自己個問題/對象個樣，覺得ready就倒嗰三個銅幣出黎，之後莫師傅就會mark低嗰啲銅錢嘅正反/方位，每條問題都要「oh」幾次，然後佢再解答

完左呢part之後，佢會拎疊牌出黎叫你抽幾張，係易經牌，呢一part就會有再詳細啲講解你嘅情況。

當講唒之後，莫師傅會教你化解嘅方法，例如佢話我今年會多損傷，佢就建議我喺屋企嘅東南方擺一個老鼠嘅公仔或者擺設（除左米奇老鼠），7-8月期間最好唔好出外旅遊，仲有其他對應唔同問題嘅方法，不能盡錄

成個過程莫師傅都好有耐性咁解答同慢慢算，雖然未來嘅嘢都係未發生，所以準唔準仍然係未知。但係衰啲講句，做左咁多step講足成個鐘， 比佢老點都好過比黃XX兩父子呃

——————————-
前一兩年仲試過幾檔，不過9up到連名都唔記得，淨係記得個檔位

1. 地下層一入 左手邊第一間檔 （60歲倒，兩夫婦黎）
嗰次個男人好熱情笑唒咁yarp我埋去，最後我揀左睇八字。聽左成程佢都講到我條命好好咁，無風無浪所有野都好正面，聽完之後當堂以為自己聽日就發達但係細心諗自己經歷過/經歷緊嘅並唔係咁

如果各位巴打絲打好想聽人讚自己，好需要正能量嘅話，非常建議你比錢佢，服務係讚足你30分鐘
聽完再面對現實啦


2. 上層樓梯口轉左，最左邊嘅第二間
係一個好和藹可親嘅女人，呢間我係同朋友去解籤，比左$30 定唔知$50，聽中學老師解文言文咁用左10分鐘聽左個古代故仔，完全relate唔到自己，建議自己上黃大仙官方解籤網睇仲好


大致上係咁，見到啲話可以多國語言嘅就避免去啦，多數都係做遊客生意

三哥點睇？

中華樓都ok，睇開

莫迪天一定係神棍，廟街睇過，
同你一樣叫我搖野，抽牌，佢係一直套料，無撚料到，
睇完佢仲行左好耐衰運，性格講錯晒，
諗返睇流年搞多做乜尻，
睇幾耐時間都無用

邊個係三哥？

喺邊度

係咩咁佢套你料，你有無答佢

姓陳個位

黃晉虎都出晒名架啦
仲晒錢

咪一路搖一路抽，條神棍問你發生咩事一路套料囉，嘥時間

屌，真係唔使再吹噓莫迪天，害撚死人

我咪話左我未知準唔準純粹講個流程俾大家知

都話唔準，
真打手，仲踩低其他舖識多國語言做遊客生意，抬高呢條姓莫神棍，
尻up返babycondom啦

你都幾好笑，如果我係打手我係咪應該話莫迪天好準呀？我淨係話佢好有耐性，請問你上面邊隻字見到我話佢好準？我用顯微鏡都睇唔到喎

我邊隻字有話你話佢準？
我話佢唔準，做咩講返轉頭？
話你踩低其他舖識多國語言做遊客生意，抬高呢條姓莫神棍，
唔好嬲啦打手，繼續扮冇知，知道踩親你條尾