睇完《上流寄生族》覺得完全唔合理

唔明點解咁多人吹奏

1.嗰家有錢人尤其個老婆咁易呃,求其整個加密貨幣騙局呃一波走佬都得啦。整假學歷證書假公司卡片都整過啦,搞個龐氏騙局根本唔係冇可能仲有機會拉埋其他有錢人入會大賺一筆

2.話咩窮人因為窮所以冇計劃所以窮所以冇計劃所以窮
咁你前邊入侵有錢人屋企又咁有plan又咁順？

成套戲最大問題係
明明前半段窮撚一家嘅行動力同策劃能力都係專業級
到後半段就無端端智商急降
唔好講咩marvel 仲唔合理啦
一套戲最重要就係要做到意料之外情理之中
一係你就寫到窮撚一家前半段係炒晒車但死好彩入到有錢人屋企
一係後半就唔好寫到班窮撚無端端變弱智
當觀眾on9嘅咩

我最撚憎智力急降
前面d橋我完全諗唔到既野你可以做到
後面弱智都知會出事既野你竟然諗唔到？

咪係囉
證書偽造到卡片偽造到
連食物敏感都利用到
反而到後邊係咁犯低級錯誤睇到我屌出聲

ching你知唔知咩叫黑色幽默? 你係咪第一次睇呢類戲

姐係呢... 我地睇呢類作品係唔會質疑佢個編劇合理性 而係個荒謬性就係重點
如果呢套戲係定位做劇情片 懸疑片 咁你既質疑係合理既...(人物動機 性格 能力需要一致 有說服力)

本身套戲大部份情節都係荒謬 (窮人有超符常人眼界 行動力 上流社會觸角 窮人逐步replace有錢人計劃 大宅地下室有個廢老住係到 一連串巧合etc.) 你觀察到套戲最大荒謬 仲要問某d次要既荒謬劇情點解會發生?

不要你試下自己估下 點解個編劇後段要寫到佢地會失敗 到底係想表達咩 影射現實窮人有咩特質?

如樓上所講黑色幽默
裏頭所存在嘅荒謬先係精緒
去到後段直頭係reckless 我反而覺得好合理

就係因為佢哋所謂嘅計劃其實就只有執行到嘅就執行
所以到先會失敗

唔係唔接受黑色幽默同荒謬

但前半段比較似高智商犯罪片，後面反差太大

有甜頭就放縱 然後情緒影響
有幾難明
窮人咪係有小聰明咪叻一下咁大把

即係開司果類人

後半我諗係因為原管家老公出現

始終一條人命會亂左唔知點處理好正常


不如話最後老豆我冇記錯仲係大屋秘密房內
乜有咁多食物同水咩
就算半夜出黎偷都好易敗露

前面係劇情
後面係搞笑

我都同意，如果成家人咁醒晨早脱左貧

第一 冇人吹奏
第二 大部分戲都唔合理 你只要明佢表達乜就ok

啱啱都想講給開司一罐啤酒

樓主可能睇Twin Peaks 會問點解FBI靠掟石仔黎查案

搵公證行驗驗佢好無？

人物動機 性格 能力需要一致 有說服力

呢幾個條件就算荒誕劇都要有啦。
做唔到唔等於唔需要。

不過人人睇戲唔同，
呢套戲個老竇，老母唔係因為窮做壞事，而係因為佢地本質係壞人。

唔認同
呢套正正講出，有錢人容易做到「好人」，窮人比較容易為錢做壞事。

套戲下半先最好睇，不過要講上部分同下部分連接得合唔合理，我會話佢帶出到個深度，我可以接受某啲唔合理位

問題係
你所講嘅荒謬情節
其實都唔係咁荒謬
因為喺現實窮人用手段呃有錢人仲要得米呢啲事時有發生
反而好多時候現實比戲劇更荒謬
如果你寫到卓別林或者gta 咁就真係黑色幽默啦

管家夫妻咪係對比
管家夫妻一樣窮，老公仲欠債
但佢地冇傷害人，冇陰人，有錢人去旅行，
管家兩公婆係聽音樂跳舞，唔會玩到變垃圾岡。

主角一家同管家夫婦其實一樣都係想小偷小賺，佢地都唔係想搞大茶飯。
最後搞到咁都唔係主角一家嘅目的
多數窮人就只係想貪小便宜，而互相鬥爭

你諗清楚，管家夫妻只係想偷生。
但老竇老母係用計陰人，害人。

呢套嘢純粹係睇個闊太
其他可以不理

兩邊嘅目的都係想「寄生」
主角一家嘅「害人」，就係窮人爭工作機會，反映社會現實
同個人嘅本質係點無關，成功上位後，都可以做「好人」

咪就係講緊同樣係窮人嘅管家夫妻冇陰人

主角一家做嘅壞事就係搶咗人地份工
套戲就係講啲窮人只係想貪少少，而唔係想做啲大奸大惡呃大錢嘅事
所以管家同主角都係貪有錢人個小小野