搵心理輔導到底有冇用？

未必啊 佢照收consultation fee

社工免費wor

好睇人，對我黎講有用，我都改變左好多，但我都唔係第一個就得，我都斷斷續續試過幾個「人」先搵到一個夾自己嘅（試過學校免費果d唔知係咪唔想接咁多case比較hea就覺得無乜用），始終呢樣野唔係數學咁有晒公式答案，都好睇個輔導係用咩角度去睇你嘅事情，同選擇用咩手法工具去幫你，加上即使一樣嘅角度手法，又可以因為每個輔導自己嘅講野技巧/說話方式態度唔一樣，都會唔同，同埋你自己又願意開放自己講幾多，我覺得都會有唔同效果

可以先試試網上形式嘅治療方法先，免費得嚟有自學+專業人士去傾 好過洗咗錢又覺得唔啱就放棄搵方法

見好多留言都有好多誤解，如果你做research唔建議係呢度做指標

請參考：https://eclinic.hk/e_clinic/

好睇你搵唔到個夾自己同埋有冇料既
市面上的確有啲冇料既
即使係由正統途徑train出嚟既（見你識講心理學家唔係心理醫生都知你做過下功課）都係9流流
又武斷又高高在上懶巴閉
見著依啲一定要果斷走人 咪浪費金錢浪費時間

係有料既就真係有方法引導返你出嚟
但有料又未必夾到自己
夾唔到既 你自己唔會聽佢講 變相都係冇用

一開始可以搵下網上self-help野睇吓有冇用先

見過三個co, CP係 唔會比solution 你幫你解決問題，所以如果你係想搵解決方法，CP係幫唔到你。CP 純粹引導你思考，用心理學上岩既方式諗野。

睇你想要啲乜 心理輔導就真係心理輔導
通常話冇用嗰啲直頭想人哋畀埋實際生活建議 咁梗係冇

見下社工試水溫先

所以你選擇唔信心理醫生，信連登仔鳩噏？
真係有料嘅，見面時會係你講多過佢講

啱呀
咁大學要摺曬啲輔導學位做荷官啦

因為我有frd都係咁講
我先再上網問下同做下research
咁我當然知呢啲又係人夾人

咁呢個cp唔專業

用iPhone 一樣，一定係用家問題

多數要食藥再加心理輔導先好得快啲

人夾人，你不如響到講下你情況出嚟，還掂冇人認得你，大家睇下點幫你

真心好睇人
我講緊個輔導同你自己
我個時係好彩一搵就中到個夾嘅
要睇幾耐就真係睇自己
個個case 都唔同

我有個朋友都試過，會有啲exercise要佢做，有啲沙盤推演/role play既野，跟住慢慢搵到焦慮抑鬱表徵既源頭（好多時都係原生家庭問題），再同自己和解。

唔包你一定「好返」，但確實係一個好大既relief。同埋睇中西醫都要夾人，一個唔work就搵另一個，有一個專業既人幫手解決問題一定比自己晚晚等天光好。

放低個諗法係 "我去搵輔導解決問題"
輔導係 "扶你去跨越個問題"
甚至有時個問題根本唔係問題

講真呀, 解決方法你地自己諗唔到咩
肯定好大部份都諗過, 而且一定work, 但自己偏偏唔肯去做
輔導就係陪你去睇點解推唔郁自己去做
or
你因為經驗而冇辦法宏觀去搵處理方法
輔導就會提你: 仲有呢條路可以揀, 咁你自己會揀邊條?

結論係, 有冇用, 都係睇人, 包括睇你自己, 同埋睇下個輔導員同你夾唔夾
D咩比舊錢出去飲飲食食仲開心.... 如果講到個問題咁嚴重, 你仲要選擇逃避呀???
所以去試下無妨, 比2-3節去試一個人 (因為第1節通常攞料多, 好難同你做到D乜)
如果唔岩, 就試第二個人, 比幾次機會自己
最後發現真係唔適合, 咁再諗其他辦法啦