遺產繼承到三份一層樓點樣處置權益？(2)

估唔到喺房屋台開到1001補充多少少資料先

長輩白年歸老之後留低咗層樓俾我哋三兄弟
每人都有三份一權益，但係我移民咗外國唔會用到
兩個哥哥都住喺嗰度，但係又唔肯同我買返個三份一權益
亦都冇辦法問佢哋攞租
有冇人會買三份一權益嘅樓呢？
仲有冇其他辦法？
遺產執行人係大佬佢決定唔賣
遺囑係所有資產平均分配
跑馬地住宅一層高峰期聽過2600幾，我諗而家2000萬
遺產律師做嘢到而家超過一年現金股票已經分咗，但係層樓繼續hold住未解決
仲未去田土廳改登記

我開喺房屋台，睇吓有乜嘢方法可以處理到呢啲問題

如果喺感情台開post道德撚 話我輸晒離開咗移民香港嘅嘢就要放棄

但係大佬呀始終係物業 , 權益平啲七折甚至乎一半賣比兄弟可以。但係依度邊個可以話主動放棄層樓嘅權益？

上個post我俾人插到背脊見血，話我拋棄屋企人移民

各位大佬，我一直有供養屋企，如果我係衰人遺囑就唔會有我個名啦

唔係每個移民撚都係衰人

兩個做法 高市價3-4成收你兩個大佬既業權

你既業權我市價3折收 等你分到契先

市價買埋兩個大佬果份，之後間屋任你處置

長兄為父

正傻閪

係
人地自貼卡片等緊你上門
免費袋緊錢入你袋炸

請問下樓主咁多年交左幾多管理費同差餉，大廈有維修既話夾左幾多錢
最好有埋單據咁會好追啲

問題：分到祖屋1/3業權，但係移左民，平時享受唔到，想變現

解決方案1：你既兄弟分期買你嗰份業權
我覺得係可以傾既方案，點樣分期就你地自己傾，但係你既兄弟唔一定宜家會接受。我既睇法係佢地接唔接受都係reasonable,唔係佢地唔接受，佢地就係衰人，佢地就係想吞左你嗰份

解決方案2：維持現狀，直至同你兄弟有共識做啲乜（其他方案）
如果冇共識，我覺得維持現狀都係一個辦法。只要你個名喺到，你既權益係冇少到，將來賣樓都係有得分錢，但係都要傾啲開支要點分

解決方案3：賣樓分錢
你既兄弟應該係想繼續住。我唔認同佢地against你想變現業權既意願，你就要去against佢地想繼續住既意願。

解決方案4：賣你1/3業權俾外人
先人原意唔似想噉，同埋個價好可能要大幅折讓

解決方案5：向你既兄弟收租
如果你唔念親情，你可以話你收返市值租金既1/3，但係如果仲講親情既話，你係有得揀收唔收，或者象徵式收

解決方案6：成間屋租俾外人
你既兄弟應該係想繼續住

解決方案7：淨係你間房租俾外人
唔知你既兄弟接唔接受到

解決方案8：搬返去住
首先你唔想，所以唔會考慮

感想
你有業權，你係可以點點點，亦都可以唔點點點。我覺得最壞情況係冇共識下嘗試打破現狀，你可以唔考慮你兄弟既意願，唔考慮先人原意，但係就要食得鹹魚抵得渴。同埋如果你想達成共識，唔好淨係諗你會得到咩，諗埋佢地要付出既成本。個人唔認同用要脅手法
另外，呢個情況顯示分身家唔係每樣野平均分就係最好

利申：路人甲

你係咪覺得executor 係大晒可以任佢up分比邊個?
所以咪特登整條囑認證及遺產管理條例出黎預防你呢種垃圾係到搞風搞雨囉

咪上庭囉
大家一齊跌錢比 bar 最後賣樓無得住個個又唔係樓主

遺產執行人係你阿哥，承辦書有寫層樓你三兄弟平分，咁你地三個去傾點處理，你可要求賣分錢，唔賣就買左你業權
人不為己天誅地滅
你阿哥咩都唔理你，咁你就只有出律師信要求你阿哥處理同回覆點安排，沒得避
但出得律師信就沒親情講，到時上court只係益左律師

遺產執行人唔係大哂
到時出律師信要求阿哥處理
到時只益左律師樓

出得律師信就沒得慢架啦