[本地足球] 2023/24 港超聯、亞冠及香港隊討論區 (186)

光頭唔係理文主力咩？

龍年第一場主場賽事
晉峰送你主場、作客球衣
只要你到球會counter
出示會員證
就會得到一次扭蛋機會
除咗球衣重有特別奬
名額有限 先到先得🧧
星期日青衣運動場見😉
#主場限定
#會員限定

特別獎係樂天女孩原味？

特別獎係哈sir 原味底褲(已雞)

哈蛇原味眼淚紙

咪話長糧囉
晉銘嚟到 都居然仲有正選

似係何sir眼淚多啲

「綠戰士」上場火力全開，以6比0大勝香港U23，為聯賽下半程征途開好局，其中季中加盟的盧卡斯及比迪高，近3場包辦10個入球，可見球隊攻力有明顯提升。大埔去年10月曾在高級組銀牌賽與北區交手，主帥李志堅「堅Sir」認為兩隊今次於聯賽再碰頭，戰況會非常不同，強調會嚴陣以待：「北區雖然今季新升班，但陣中球員好多已累積唔少超聯經驗，我會視佢哋為同級對手。」利馬仍有傷在身上陣成疑，至於中場陳曉鋒則已離隊。

均業北區近況不俗，對上5場賽事僅曾1負，但經過農曆新年假期，相隔3周再次比賽，加上面對實力分子大埔，主教練梁志榮提醒球員切勿鬆懈：「大埔整體實力有好大提升，尤其盧卡斯埋門能力，畀前幾季好咗好多，比迪高又係一位技術型球員，我哋一定要盡快攞番比賽感覺同節奏。」踏入龍年第一擊，「細榮」希望球隊繼續進步之餘，球員亦能保持身體健康，今場作客目標有分落袋。值得一提，新援卡爾特納能夠候命。

港超聯 新界打吡！大埔迎戰均業北區
https://hk.on.cc/hk/bkn/cnt/sport/20240216/bkn-20240216190529685-0216_00882_001.html

文文零封啦

安蛇要約高水平球隊
亞洲盃見到有成果
但係代價係刷唔到排名
睇下安蛇肯唔肯揾番巴基 斯里蘭卡谷返個排名啦
同埋中国隊居然高排名過塔吉克 證明排名真係反映唔到真正實力

我寧願用杜度推上去防中

想睇吓卡爾特納點幫到北區

2024年2月17日
大埔運動場將會有件大事發生

你放路由器？

會有咩事

你埔散班？

冠忠南區已超過兩星期沒有正式比賽，主教練楊正光認為問題不大：「今季已經試過幾次踢吓又停吓，賽程咁安排都冇辦法，球員要努力適應。」又指對手有幾位主力停賽，有機會採用更進取嘅戰術：「之前對住東方，巴科爾都令球隊好頭痛，但佢嚟緊要停賽，對佢哋進攻一定有影響，而且今場係主場出擊，我哋應該要踢得積極啲。」好消息是古安奴已經復操，能夠候命。

南區本季各項賽事已跟東方交手3次，未嘗一勝，史提芬彭利拿認為今場為「6分波」，但相信如果全隊履行部署，絕對有能力全取3分：「雖然東方早排先踢完場決賽，狀態好唔錯，但我哋依兩個禮拜都為今場做好多準備，希望大家返到主場踢得好啲，攞齊3分。」

東方上周於「高級組銀牌賽」決賽飲恨不敵傑志，主教練盧比度（Chino）承認球隊士氣難免有影響，但強調球員已收拾心情，準備迎接連場聯賽征途。東方今場受傷、停問題困擾，上場領紅的巴科爾及高素巴耶夫，以及累積黃牌數的丹尼爾都要停賽，Chino表示要以殘陣迎戰強敵南區，比賽只會更加困難：「球員知道作客南區會好難踢，3位球員停賽情況下，我哋預咗要捱打，希望年輕球員可以擔大旗。」

早前代表港隊出戰省港盃的東方中堅鐘樂安（Leon），就形容代表隊的比賽氣氛與球會賽有極大差別，令他累積了寶貴經驗。Leon也提到踢省港盃期間，酒店室友正是南區前鋒艾華，並透過那次相處機會更加了解對方：「場外艾華好好人，場內佢係速度好高嘅球員，喺香港累積咗豐富比賽經驗，對付佢要額外小心，我哋依家返到各自球會，相信雙方為贏呢場波都會戰意十足，希望可以全取3分。」

【兩隊預計正選陣容】

冠忠南區

門將：25.伍瑋謙
後衞：8.李嘉耀 12.杜馬思 5.古安奴 16.翟廷峯
中場：33.冨樫凌央 6.基斯 11.佐佐木周
前鋒：18.艾華 7.史提芬彭利拿 90.積遜

東方

門將：1.葉鴻輝
後衞：2.賀爾 4.鐘樂安 27.馬高斯 30.黃梓浩
中場：8.巴拉克 16.梁振邦 23.馬希偉
前鋒：11.黃皓雋 10.孫銘謙 31.吳宇曦

港超聯 冠忠南區遇東方大激鬥
https://hk.on.cc/hk/bkn/cnt/sport/20240216/bkn-20240216191536796-0216_00882_001.html

幸福賓周們

流浪早前簽入了上形洋介，總監李輝立（Philip）指他與另一新兵奧利斯，同樣已趕及註冊，又直言對這名日本射手抱一定期望：「之前兩個前鋒試用完發覺唔適合，暫時睇過上形洋介練波一、兩日，佢係有質素，偏向技術型，近幾年又喺J3入過咁多波，數據冇得呃人。」作為龍年首場賽事，Philip希望球隊可以踢出好表現，並把握傑志球員或出現疲態下，爭取創造奇蹟。

今季各項賽事已攻入9球的前鋒劉智樂，早前為港隊出戰省港盃次回合，他指自己目前狀態不俗，亦沒有傷病，有信心面對「藍鳥」能夠延續好表現：「今季試過和同贏傑志，相信只要做好部署，一人走多步，今場一定會好精彩，自己就想入波幫球隊贏波。」提到新加盟的前線拍檔上形洋介，「樂仔」則對他讚不絕口：「依個新前鋒好好夾，唔擔心會融合唔到，意識技術射術都唔錯。」

傑志早前在「高級組銀牌」決賽激鬥120分鐘才險勝東方，順利衞冕，但暫代主教練金東進（Kim）認為發揮未如理想，今場對流浪需要盡快調整，希望能踢出亞洲盃前的勇態，目標全取3分。惟Kim承認球員體能或成今場最大隱憂：「啱啱踢足120分鐘，今場會有啲輪換，同埋我哋嚟緊要經歷9日3戰，點樣保留球員體力好重要。」陣容方面，上場領紅的艾里奧需要坐波監，費蘭度則因傷肯定缺陣。

門將保羅養傷近3個月後，上場銀牌決賽終於復出，他坦言狀態仍有待提升，但指自己表現尚算可以，對幫助球隊成功衞冕感到開心。對比之前3次交手，流浪如今加入了多名新球員，保羅相信今場比賽會截然不同，又強調要小心對手的反擊：「要提防伊巴謙，佢速度好快，同埋唔好咁輕易畀人放到過頭波。」

【兩隊預計正選陣容】

標準流浪

門將：1.盧兆崎
後衞：4.金旻奎 3.崔佑在 23.林堂真 19.姚浩明
中場：10.林嘉緯 16.林衍廷 44.神田夢實
前鋒：21.伊巴謙 18.上形洋介 7.劉智樂

傑志

門將：86.保羅
後衞：2.羅梓駿 18.周緣德 26.羅素 33.拉美治
中場：16.陳俊樂 4.查理史葛 17.米基爾
前鋒：90.祖連奴 89.恩查 7.明加索夫

港超聯 旺角場激戰！標準流浪硬撼傑志
https://hk.on.cc/hk/bkn/cnt/sport/20240216/bkn-20240216192540087-0216_00882_001.html

傑志拉美治打右閘？

牙廷力威鏟草，均業北區2:0全身而退

巴西安尼亞 盧卡斯 及其好友比迪高屌打葉卓文啦

「樂仔」則對他讚不絕口：「依個新前鋒好好夾，唔擔心會融合唔到，意識技術射術都唔錯。」

夾腸？