單親家庭嘅巴絲可唔可以畀啲意見我

點解一定要跟你個套？
點解你唔接受你父母唔再鍾意對方呢個事實？

當你覺得而家有新伴侶個方係衰人，
如果你而家跟個個父/母搵到另一半，佢係咪又變左衰人？

成熟d 就接受到現實嫁啦
執著只有自己痛苦

反而覺得冇話唔可以執著
真係唔想見嘅何苦強迫
時機成熟咪先再見囉

咁仲簡單喎
成件事有你諗到咁差咩?
我旁觀既
覺得有個人陪佢唔好咩? (assume 新伴侶唔係壞人)

其實你接受唔到邊個位?

立定遺囑所有身家歸我，咁我咪接受囉

其實有冇諗過反而係需要了解下你親人新嘅伴侶
如果你怕你嘅親人遇到衰人或者怕佢被人呃，咁你接觸下佢認識下，起碼叫幫下眼睇下嗰個咩人，等對家知道你嘅存在同埋你 care 你嘅親人
同埋講真，一個人嘅人品性格，未必同佢係邊度人有關，個個地方都有好人壞人
他朝如果有一日你親人話再婚，你對嗰個乜都唔知，你只會更反感更難接受
touchwood嗰個人有問題，你親人有咩損失，你可能都會後悔自己冇早啲知道
明白你可能有啲難接受，冇嘅，自己慢慢諗通

點解唔肯接受你嘅唔接受
如果話佢聽你唔接受佢成為你嘅親人，但會尊重佢新另一半嘅存在會容易啲明？
佢地要知到大家都係獨立嘅個體，既然有新嘅另一半就展開新嘅人生
我心態係「你永遠係我親老豆/老母，但呢一個人係喺你人生入面，而唔係我嘅人生入面，所以我認為唔需要夾硬同你嘅另一半建立任何關係，有緣就會認識。」

P. S. 過來人

晒時間諗家人做乜 諗自己好過啦
讀書搵工儲錢搵另一半移民

呢位巴打非常完美示範左
咩叫set up boundary
非常好
值得學習

你接受唔到家人咁快有新歡，或者接受唔到嗰位係大陸人，唔緊要嘅，做咩要逼自己即刻接受嗰位新歡嘅地位，亦都冇必要咁做
你咪當好似普通 social 咁，識個朋友或者識一個人咁，冇必要一開始就接受或者承認新歡嘅地位同建立比較 close 嘅關係
先調整心態，當認識下嗰個咩人先，同埋先放下對人嘅成見或者敵意，保持禮貌先

不用勉強自己，顧返自己感受
大學各自有自己生活係最好