入到大堂，佢外至內觀感都已經俾人覺得佢好高格調。
間房係兩張雙人床，重有埋海景浴室同大化粧間。
房除左好靚之外重真係好大間，尤其以日本酒店房嚟講。
一對french doors後面既化粧間重有燈大鏡重有凳坐。我老婆話間房似香港啲人結婚租嚟玩接新娘嗰啲酒店，唔明點解佢只算係三星酒店。
出到露台又係冇得彈。 撞啱落完雨月亮出嚟，海景重可以加埋月色靚景。
酒店除左有三個海景溫泉之外重有三個游泳池。
其中一個係喺天檯既無敵海境暖水泳池，重可以直接睇到日出。
最正係由更衣室去天檯暖水泳池係由室內落水唔使經室外唔使怕凍親，冬天都唔怕可以上去邊游邊enjoy海景，而個天臺泳池入面都係溫泉水。
係咪好多地方封咗