有無人入黎分享下帶父母去旅行係點?

https://www.youtube.com/watch?v=_nRHN1Eyddw&ab_channel=%E6%8B%89%E5%93%A5LaiUP
會唔會好似呢條片咁乜都唔岩食話貴呢?

帶我老豆去佢乜都唔會認真睇
10分鐘食完一餐飯
行路行到競步咁
返到酒店就攤喺度睇電視

帶父母就join 團啦，有咩唔滿意都係領隊導遊問題

「最多我下次揀另外一間旅行社」

但係咪食乜餐廳無得自己揀?始終去旅行想食好西

咁你咪好無癮,好似咩地方都吸引唔到佢咁

其實同屋企人去旅行最好就係旅行團，因為已經有晒流程唔使煩 有乜唔滿意 嘅就賴個團唔好起碼唔會上身將個風險轉嫁俾旅行社😏

梗係啦，你老豆等緊你帶佢去飛田新地

你講嘅係啱，但係有時後生鍾意食 老人家未必鍾意甚至乎有啲嘢要去好遠或者要排隊嗰陣佢哋真係未必會接受到所以玩法唔同

咁佢根本唔鐘意旅行

佢對好多嘢都無興趣
有時帶佢出去食飯
問佢好唔好食佢都答唔出
對佢嚟講食得飽就得

無嘅
我諗佢仲無癮

第一日到埗去食飯路過藥房就入去話幫同事買藥
一入就入左成半粒鐘先出黎 屌極佢都要搵
間藥房仲要開24h

咁可以唔洗 帶佢地去咁遠,得閒上下深圳 可能已經夠

咁趕住買藥佢好有責任心,我通常LAST前一日先一次過買

啱聽，成家去自由行旅行，一有咩問題自己上身。旅行團有規有距，都叫一個小型社會。小至去廁所、守時搭車、大至去景點、行程，兩老有一個唔聽話，你就慘了

個時仲係成家人第一次去旅行 臨飛前一日買都未遲
唔明佢咁急住買做乜野

同爸媽去旅行係必要做嘅事
因為佢地得我一個女，無兄弟姊妹分擔下照顧責任

上一次同佢地去旅行跟團，會係繼續照顧我，佢地上旅行社報團，不過我俾返自己個份旅費。但我係用單反影相嘅，而且影相要較iso快門等等，需要時間，不過佢地會覺得個景用手機影都得啦有咩好影，係咁催促我，叫我影1張就算啦

去歐洲一律要食飯
去日本唔食生冷嘢,唔食炸嘢,唔食油膩嘢

有時同阿媽出街食，啲餸嚟到Liu 兩Liu
佢話佢係屋企都煮到
之後將個烹飪方法講出嚟

老母係香港淨係食中菜
真係唔敢帶佢出國

你係咪我個frd
我frd同佢屋企人去又係咁，仲要唔俾佢自己出去食野，話要一家人圍埋先係食飯，唔俾唔食中餐同唔俾自己出去食。

因為唔會再返香港，所以我依家每次探我老豆我都買機票直接送佢出國見面，順便一齊旅行。
因為淨係得老豆，所以冇咁煩，淨係服侍好佢就得。

基本上每年都會同佢去１～２次，綜合左有幾點要注意：
１—成個trip時間唔好太耐，因為個trip愈長佢愈home sick就會愈多投訴。頂盡１０日就夠皮，哪怕你中間帶佢去機場送走佢，然後你再玩多陣先返都好
２—佢個體力不如你，記得唔好太chur，最好唔好有咩趕巴士趕火車既step
３—安排行程其實唔洗真係太Detail，一黎計畫要隨時改，二黎其實佢都係想同你相處下大於真係去見識，你同佢係酒店hea其實都開心
４—多數老人家對食既要求係要抵食，所以中低價放題／自助餐果種佢地係最開心（至少我老豆性格係咁）。反而高價打卡餐廳佢地通常會黑面屌你晒錢。
５—安排中餐，係，食到咁上下，俾返１，２餐中餐，或者類似中餐既野俾佢係必需既，如果唔係又會開屌。
６—安排旅遊景點果陣，記得留意步行距離同埋有冇斜路。依個好重要，佢地真係會行唔郁。
７—問佢有咩想睇／想食。佢１００％會答你是但，你同佢講你安排行程諗唔到去邊度，你幫下手諗３個地方啦就得。
８—問清楚佢想買咩手信同埋買幾多，並且明確咁同佢講大概旅程既邊日會買，得閒無事仲要經常透露俾佢聽你知道佢要買乜，買手信係佢地去旅行其中一個最大既目的，佢知道左就唔會心掛掛不停咁煩你。
９—如果係歷史文化景點，前一晚做下功課，同佢講下相關背景，佢地唔係為打卡，你唔講俾佢地聽佢地真係唔知
１０—控制情緒，佢地一定會同你講咩「香港果間乜乜仲新鮮」、「香港邊度都有乜乜乜」、「中國果個乜乜仲大仲壯觀」、唔好同佢拗，依個係佢地同你晒命講佢有幾高見識既時候，反駁係冇意義，只要讚同就得，其他唔洗理。


諗到再講

我帶老母去旅行
酒店飲食交通費
乜都唔會比佢睇
因為佢一定嫌貴

真 食好少少一日一餐幾百蚊一個人都ok la 旅行先係咁 又唔係係平時都話貴 唔通去日本日日食sukiya / 幾百yen 拉麵咩😂😂🤣