鄉郊村落特別容易產生特別故事一來係鄉村愈來愈少 城市人對佢有各種未知嘅想像
二來就係城鄉本身嘅習俗差異 令鄉村再蒙上多層同都市恐懼唔同嘅特別氣息
今次事件係2018年 2ch一個叫「不可解體驗、謎一樣故事～enigma～Part106？」嘅綜合PO入面785樓網友分享嘅一個故事
以下綠色字係原PO 785樓嘅發言
※敬請各位回覆時切勿quote正文
#785
有件事一直都好在意 想搵人聽下所以入嚟呢個PO
首先講聲唔好意思可能會有少少長
件事係發生喺近四十年前
喺我好細個嗰陣 媽咪離婚後帶我由一個算係唔錯嘅地方都市去佢鄉下嘅山入面嘅村落度住
喺嗰度住嘅人個個都互相識
冇超市嗰啲得一個個體戶嘅商店仔 係一個山間嘅小地方嚟嗰度同我差唔多大嘅有兩個男仔同一個女仔 我就好快咁同叫「阿晴」嘅女仔熟咗
嗰兩個男人好曳會蝦人所以我會避開佢哋
但我會成日都同阿晴一齊去河邊或者田邊玩有一日 阿晴話一齊去山入面摘野莓食
我就因為驚會有野豬、熊、蛇之類
同埋驚如果跌落水潭或者瀑布點算好 重有就係聽講公公婆婆夜晚講故仔嗰陣講過天狗妖怪嗰啲故事所以有啲唔想去
不過阿晴喺度長大對呢啲嘢慣晒
講去一陣就返所以唔怕咁樣冇讓步 所以最後都係跟咗佢去我都只有最初唔多情願 但喺山嘅入口附近又見到有人
同埋一路行阿晴又教我啲樹同菇嘅種類 又話咗啲所以摘到山菜同捉到澤蟹嘅好地方畀我知傾得好開心
好快我就專心行山途中又見到有好大嚿石旁邊有個細細地嘅祠仔 行過嗰陣我又學阿晴咁雙手合十
連續呢有啲非日常嘅感覺嘅刺激感我都重好記得摘野莓嘅地方都好快就去到
可能只係同阿晴傾得好開心所以覺得好快到都唔定
總之我哋就好開心咁摘野莓塞滿個口
又紅又有光澤咁成粒寶石咁
喺斜坡度摘完野莓落嚟嗰陣 阿晴跣親擦傷咗膝頭同手臂
呢個時候我見到佢流血（其實只係擦損少少）同埋諗起自己答應過公公婆婆但都擅自上山玩所以突然驚起上嚟
我同阿晴講不如都係快啲返去阿晴話呢啲只係好小事
再行入啲有度地方重多野莓可以摘到話要去 但可能因為我喊所以最後都係一齊落返山返到屋企同婆婆一齊沖涼嗰陣 我慣口咁將自己上山玩嘅嘢講咗出嚟（我慣咗每日都會同婆婆講呢日發生過啲咩事）
我以為會俾人鬧 估唔到婆婆又會聽我講晒
然後佢諗咗一陣嘢 佢教咗我一句受傷會快啲好返嘅咒語畀我
係一種未聽過好奇異嘅口吻 意思係「衰嘢走晒 返返去本來嘅地方」咁樣
婆婆話要用肚臍下面用力從心底咁唸出嚟先有效 不過就話個咒語係殺手鐧嚟所以唔可以隨便用我跟住唸咗好幾次記起咗 然後再教埋唸嗰陣嘅動作
同時婆婆再同我講唔可以再入去山度玩 如果有咩事嘅話大家都會好傷心
第二日 我就即刻走去搵阿晴諗住用呢個咒語幫佢
我伸出手喺阿晴尋日受傷嘅地方上面轉下轉下 將阿晴個樣留喺視線範圍度但又唔望住佢咁（婆婆話做嗰陣望住頸就得）然後就唸咒
我好努力咁為受傷嘅阿晴畀心機咁唸咒搞到有少少出汗
完咗後我望返阿晴個樣見佢皺住眉有啲不滿咁嘅樣望住我
但好快又笑返咁同我講多謝 佢見我成額汗咁笑晒
之後都有好幾次有再叫我上山玩 但我都冇答應一齊去
因為我見過媽咪離婚嗰陣好傷心嘅樣 我唔想如果有咩事嘅話媽咪就又會咁樣
喺嗰條村度住咗一排 後來我又同媽咪搬走咗
阿晴都好唔開心 我就因為要講bye-bye所以大喊
我應承佢會再返嚟玩 到時再一齊去摘野莓
喺離開村嘅最後嗰日 我喺車度見到阿晴喺山邊
我對住阿晴大大咁揮手
但阿晴好似見唔到咁我以為好快又會見返阿晴 但搬屋後 媽咪再婚 公公急病入院所以婆婆都搬嚟我哋呢邊 然後媽咪大肚
公公過身 媽咪生得 婆婆有病然後過身 再搬去第二度等等... 好多嘢發生 最後一次都冇返去嗰條村度直到我讀大學一個人搬出嚟住
喺大學度有民俗學嘅課程 我諗返起喺婆婆度學嘅咒語 所以我同教授提起
教授都好有興趣咁記得句咒語同啲動作 話會試下查下搵唔搵到咩料
「婆婆嘅殺手鐧」可以令教授咁有興趣所以唔知點解覺得好開心
幾個星期後 教授搵我
佢話將查完嘅嘢話我知
。咒語所用嘅說話係XX地方嘅方言同聚落地域嘅方言（兩個都係方言好重嘅地域嚟）混埋一齊講嘅古語咁
。內容係「我知道你嘅真身 唔好接近我 唔好打我主意 返去你應該去嘅地方 再接近嘅話豁埋親屬性命我都要將你詛咒（消滅？）」大概咁
。真係用於療傷？講真？係好濃烈嘅方言而且有用到幾認真嘅咒人說話...受傷用？真係？
教授咁講
我有啲混亂
我都係喺婆婆度咁樣聽返嚟 我一直以為只係「痛痛飛走晒～」嘅誇張版咁嘅嘢...而且我有對好多人用過（唔只阿晴 搬去新地方識嘅新朋友同細佬受傷嗰陣都有用過）
我問教授乜唔係民間信仰嘅小咒語嚟咩？係用嚟詛咒人嘅？
教授話 詛咒呢啲嘢冇咁易做到 所用嘅說話一來好難 普通人冇咁易好正確咁記到 就算記到都好 都唔會有人認真咁去用 所以唔使擔心咁多
雖然佢咁講但我都冇安心到
點解婆婆會教我對住朋友講啲咁嘅咒語我好在意
公公婆婆又去得好快 喺細佬出世後開始媽咪身體又好差咁 （當時）重細嘅細佬如果記得咗句咒語又點算好等等有好多疑問 所以當晚我打畀媽咪
未完 待續
