單親家庭係咪多數關係良好或以上

sorry
我完全冇係呢個角度諗過
"女人要面"完全說服左我

我唔係 我同老母關係好差

同叔本華一樣 見面講野就開火

保持個距離大家唔出聲關係會好啲

單親子女接受婚姻 vs 單親子女抗拒婚姻

因為單親家庭而關係唔好（父母離異），可能對婚姻關係更加抗拒

呢度連登黎

單親唔荒正常
唔係窮就係癲
我就兩樣都有

我同我老母都唔多啱
保持距離最好

ching介唔介意講下大概咩原因導致?
係咪都係樓上大家講既原因

覺得為左仔女犠牲好多, 覺得個仔女係自己親手養大, 覺得離左婚既另一半無付出(當然未必無付出係仔女度, 不過有撫養權果個, 唔會想仔女知), 又見到其他人有另一半支持, 點會無怨氣?

而怨氣無辦法疏導, 就年年月月日日同仔女呻囉, 或者仔女有自己想法, 唔認同佢埋怨既野, 有時駁下咀, 就覺得無人體諒佢囉, 仔女唔企係佢果面囉; 當然有時真係生左舊叉燒, 舊叉燒又唔讀書又唔做野, 又滾女又或者俾人攪大個肚, 單親老豆老母都會倦, 都會唔知點教, 咁又點會關係好?

認為單親父母就會俾仔女最好, 或者識教佢唔好憎恨自己以前另一半? 真係咁識諗咁大量果個就聖人啦...你同外人嘈交, 都想朋友撐你同企你果面啦, 同自己另一半離婚, 唔通真係會教仔女唔好憎另一半? 唔係無, 好好好很少囉.

講緊係咁講，就算雙親健在都係講呢啲架啦
唔通講自己屋企幾衰咩

細路要人陪，香港父母會離婚，9成做唔到外國人咁繼續做朋友一齊湊細路，冇family day，少個家長少個人陪同關心。

然後香港父母最鍾意覺得自己付出好偉大，有情緒勒索傾向。

加埋離婚後都大機會比離婚前有經濟問題，更加令到屋企氣氛差，壓力大。

就算父/母搵過個親嘅另一半，華人觀念好難接受冇血緣關係嘅細路，又會傾向再生多個，會偏心。

結論：話感激嘅場面說話大機會過反映真實情況

好似樓上有巴打講
離左婚9成會將個價值觀強制灌輸比你
不停話對方幾衰 我方先幾可憐幾慘
咁既成長你就算冇被成功洗腦
你都唔會話想外國咁有個family day
甚至乎照顧你果個都極力反對你見返對家

但咁又會唔會"洗腦"多左
同理心下覺得我方真係正義一方
從而建立左強烈羈絆關係良好?

單親都要家長睇得開肯放手先會過得好

單親家庭長大
但同屋企人關係唔算好

屋企人會過份依賴自己
將伴侶比唔到既愛
要自己比埋 變相就會過份依賴
好多時會演變成情緒勒索
惡性循環

佢唔拎菜刀斬我都偷笑啦 仲關心我

「過份嘅關注 控制 同埋觀念嘅灌輸
種種嘅壓力」

真 好壓抑 好想大嗌