所以我想以我的經驗來警醒職場上迷途的小薯，唔好中呢啲伏。
一、面試前提的人工調整同bonus，當佢無好了，我本來有一至兩個月bonus，呢間公司無，變相差唔多平手轉工，一大蝕。底薪起碼加四五成先好諗。
二、公司有三個月呢樣武器，基本上唔驚太多員工離職，因為真係好撚難搵工，所以加人工？佢拖返你一年半載。拖完？加少少囉。bonus？間唔時俾幾千你啦。你係無bargaining power的。
三、好撚難搵工。一半公司in都唔in你，有啲行業好啲，但如果你唔係叻，無公司會buyout你。會等你三個月嘅會係咩公司？你唯一選擇係裸辭。
四、三個月通知，代表的是你離職時蝕多兩個月新人工。本來你可以早兩個月賺新人工，就係因為你當時蠢咗。底薪加幅你要至少再加多5%先cover到你的損失。
五、如果你想搵份更好的工，buyout自己，代表你一年出10個月糧，實際人工再減多17%，即係呢份工你減薪跳槽了，為咗脫離地獄，當交智商稅。
六、如果你叻，新公司buyout你，buyout d錢記住係要交稅的，都至少要交一萬幾千，但啲錢你係無得袋的。唔想再計蝕幾多了。
最後、公司出得呢招，代表佢流失率都高。可憐的公司必有可恨之處，千祈唔好對呢間公司有任何期望和信任，佢會千方百計哄咗你入嚟先，就算貨不對辦，博你唔會咁快又搵到第份袋住先，咁佢就贏了。
TLDR: 咪撚做三個月通知期的工，計晒數真係有賺先好諗
做咩工你預佢炒你呢？