記住啊，揀錯路，就算跑得再快都係白費！
先嚟講下，HKIE有二十一個行業等你揀，唔止建築咁簡單。你可以揀航空、生物醫學、電子、物料等等，樣樣都有。呢篇文會以屋宇裝備(Building Services)為主，其他嘅就唔涉獵太多住啦。
要成為香港工程師學會會員(MHKIE)，有幾樣嘢你必須要有：
1. 至少25歲。
2. 一個HKIE認可嘅工學士學位。
3. 至少四年嘅工程經驗，具體要幾耐就睇你揀嘅行業。
4. 過到HKIE嘅專業評核。（包括筆試同埋面試）
其中一個重點係，你揀大學讀嘅工程科必須要HKIE認可，學位認可HKIE網站會有長期更新，要留意！
P.S. 特別係外國讀書或者喺香港讀Top-up degree嘅朋友，要特別留神！
註冊工程師嘅路可以有三條路行：
1. Formal Training Route (Engineering Graduate Training Scheme 'A'): 兩年嘅訓練，另加兩年 主管工程項目經驗。
2. General Experience Route: 五年相關工程經驗，再加一年主管工程項目經驗。
3. Mature Route: 如果你35歲或以上先決定試吓考註冊工程師，就行呢條。
好多新畢業嘅朋友會揀第一條路，即係行Scheme 'A'。我哋嚟睇下Scheme A要做啲咩：
Scheme A訓練至少兩年，呢兩年必須係喺HKIE認可嘅公司 on job training，訓練期間並且不能轉工。
＊只有HKIE認可嘅公司可以提供 scheme A ，其他公司就行唔到formal training route
如果揀咗屋宇裝備(Building Services)，訓練大致分咗四大項：
1. 了解公司運作/訓練計劃。
2. 學習BS系統嘅知識、設計同工程經驗。
3. 學技術、商業同管理。
4. 持續進修(CPD)。
最重要係第二同三，HKIE認可嘅公司會培訓畢業生 成為註冊工程師，公司會安排一個 香港工程師學會會員 成為你嘅訓練導師，指導你嘅日常工作。
做註冊工程師唔單之要熟悉系統背後原理、設計方法、系統選擇，仲要清楚有工地實際安裝、施工、維修嘅方法同埋程序，可以話係文武雙全。所以話一個註冊工程師一啲都唔毒。
有咗知識，就要學點管工程項目。每間公司都唔同，所以你會學到唔同嘅管理經驗。
喺屋宇裝備界，可以揀嘅公司類型大致有六種：
1. 業主/發展商: 負責管理已興建物業做維修加建嘅工作，同埋幫手主導要求新項目BS系統嘅設計、進度、質素。
- 大公司包括：政府、太古、新世界、信和......
2. 顧問公司: 負責管理項目任何關於系統設計嘅事。包括系統設計、選材、安裝設計、系統同建築物配合等事務。
- 大公司包括：Ove Arup & Partners、啲大公司，例如Ove Arup & Partners、JRP、Meinhardt、AECOM......
3. 總承建商: 負責管理BS系統施工進度、BS承建商施工期同位置配合、仲有同結構(structure)、建築(builder)方面嘅工程配合。
- 大公司，例如Gammon、協興、Paul Y、中國建築......
4. BS專業承建商: 根據顧問公司嘅設計起實際工地完成施工、滿足main contractor嘅工程進度、處理物資運送、暫存同最後嘅系統測試、完工後短期維修保養。
- 大公司，例如ATAL、REC、FSE、BYME......
5. 物業管理公司: 負責公司管理嘅物業當中系統嘅維修保養、例行檢查。有時候係業主自已做番，有時候係外判指定公司。
- 大公司，例如太古、新昌、啟勝......
6. 供應商: 負責供應機器，產品銷售，有時候仲會承建商角色安裝埋系統起項目建築物入面。
- 大公司，例如Johnson Controls、Jardine......
行Scheme A之前，要諗清楚想去邊類公司，因為唔同公司學到嘅野都唔同。Scheme A訓練又要返工，又要埋頭苦幹完成CPD同寫log book（好似日記咁記錄做過既野)，唔係易做嘅。
記住啊，想做 註冊工程師，唔止要有技術同知識，最緊要仲要有心！撐住啊，各位工程師！
）
小勁，師兄做到管理層了？
