陪個仔讀書真係好辛苦

細個反而最鍾意背默
諗返我小學都係好多功課又會比心機做哂佢，到咗中學就wfc lu

訓練奴工由細做起…
童年過得愈唔開心，抗壓能力就愈差
學童自殺率勁高
家長兩夫妻都要返全職先夠錢養起成頭家 唔似以前男主外女主內…
家長放工放假都要湊仔 勁大壓力
真係搵鬼人生仔…

其實忍唔到手唔幫
搞到十點仲未做完功課，篇作文仲未諗好
快快手幫佢作幾句，大家早啲訓好過

小學我最用心做既係聖經功課油顏色

因為d功課深左

完

我老婆同仔女做功課做到12點，之後我同佢溫默書溫到1點，好彩佢記性好，如果唔係有排唔駛瞓。
多以兩個真係要搵個好既功課班，唔好浪費時間睇youtube打機。

棄養囉講經

所以係學校逼你怪獸？
我有冇解讀錯

其實400字我講緊平時課堂啲作文 （不過唔重要
我查返自己當年考試要求係最少650字（連標點符號）
不過大學嗰陣750字max 1題就肯定冇記錯
其實我讀過本地大學同英國大學
發覺英國嗰邊係唔prefer寫咁多字..寫少過min req都可以攞好高分..
個系統唔識分開正文同footnote計字數，個prof完全唔知+wfc你寫幾多字..

根本精簡先係反映能力

anyway 寫200咁都合理嘅..

你個女無刷首抽慘 d

梗有人蠢 d , 或者唔鐘意讀書, 呢 d 無得賴邊個責任, 咁老師 9 成都大到你, 其他學生無問題

777, 超哥都覺得自己係奇材啦 乜鳩真正

其實係循環黎 個個都跟功課 香港讀書係行精英制，為左分出最top10%,學校試卷就愈出愈難，愈教愈深

功課班就係抄功課班
班學生玩到時間一到
啲補習老師就會比答案抄

學校都係按本子辦事，係大環境逼。

香港讀書生態就係咁

學生以分數為依歸 大人以人工分過下

而人工同讀書，又有直接關係

想離開呢個圈，唯有離開香港

係咩？
外國學歷愈低人工愈高

唔係。但起碼外國做藍領唔太會俾人睇低。

人地真係做到，人工高與低唔係人生全部

香港都係架，睇你肯唔肯去做架啫

另一方面，我覺得亞洲嘅發達國家都係咁，日本韓國新加坡，讀書文化好強。無可奈何之下，都係要跟個大環境
樓上話人怪獸家長果啲，唔通個仔唔做功課，每日由得佢欠、唔理，咁又係好家長？況且最後都係會收到老師投訴
跟住可能會怪人唔識教到個仔自律，但小朋友真係好古惑，唔係話講下就會改變
但家長要調節心態係真，好多時家長付出咗好多努力，但小朋友考得唔好，家長就會怪自己/小朋友。只能老土啲講，盡咗力就算

sor有少少長，但係有時真係好想知好似你呢啲又要生又要怨既父母究竟諗緊乜，當初決定生佢既時候究竟expect啲咩？未生既時候你唔知佢第日係要讀書要做功課？唔知道讀書本來就係辛苦架咩？你個女冇得選擇出咗世去受呢啲苦，放學仲要好似返學咁，仲要比你話，佢心情一定比你更加崩潰。你作為父母作為做呢個選擇既人，令到自己同個女都咁辛苦，憑咩將個責任推返比個女。根本當初做生育呢個決定既時候都係草率了事心存僥倖，想滿足自己既慾望又唔諗下自己係咪真係偉大到接受到做人父母既責任同埋養育仔女時會遇到既所有可能性包括痛苦，唔諗下你呢個決定係會令到多一個生命陪你受苦。你係咪覺得船到橋頭自然直，覺得仔女到時到候就會自然成人？你唔係要考試同要做功課嗰個人已經覺得崩潰，何況你個女？佢先係冇得揀而又要受呢啲苦既人。

你可能會話咁你真係有壓力想呻下，但係所有嘢都係你揀，就算個決定令你好痛苦都好，個責任都係喺你到而唔係你個女，係你做決定既時候諗得唔周到而得出黎既結果，你個女只係呢個決定既受害者，就算你要呻都唔應該對住個女講。

不過點都好，你個女已經出咗世，都希望你同佢都可以開開心心，我講呢啲都只係希望你可以反省下，或者有生育念頭既人可以諗清楚。如果真係好大壓力就搵人傾下/見therapist/社工，雖然問題喺你到，但係明白你都有感受，所以都要照顧好自己，對自己同對個女都好啲。

英文點同中文 逐個詞語計嘅話，英文少啲字就中文表達到更多
同埋大學essay啲要求點同會考作文
會考一篇議論文，無返800字咁上下，做唔齊講論點、提出例子做論據，再論證埋論據點支持論點
只要行文結構緊密、遣詞造句清通，多字數都唔代表累贅
如果拎AL啲文科計，特別中史，一題essay題就算用輕文言手法去答，閒閒地都要過千字一題

btw我都做過大學TA，本地大學essay都care過唔過到Turnitin多過寫咗幾多字下話唔會因為寫多咗字高分架喎

咁你就比錢佢去補習啦，又有人教
講真個句，你都未必識教

要對住你 你老豆老母辛苦d

我最比心機溫嘅考試都可能係聖經
因為背哂就拎100分，好簡單

陰功得過唔識冇人教，要等你返黎教。。。