好奇其實信用卡還最低還款額係唔係真係會還得完

成日聽人話最低還款額好撚痴線
咁我用hsbc既計數機計下
例如50萬卡數，每月息率係2.65%
個計數機就話如果還最低付款額，要38.3年先還得完，總共還180萬

但我計落，即係每個月還3937蚊，如果真係還依個數，咁應該連利息都比唔撚完
不過佢既然係銀行既計數機應該冇錯，又點解會還得完？
50萬月息2.65%，即係下一個月就51萬3000，咁唔係代表你還唔到13000，都唔會還得起咩

你就咁除開每個月還四千梗係還唔晒
邊撚係咁計嫁 開頭還得多 愈還愈少嫁嘛

所以我諗唔明
用返上面個例子，50萬卡數
咁你最低還款額最起碼要1萬3咁先cover到利息
但你用銀行d分期plan，隨時只係分48期/60期，每期都仲可以比得少d
咁點解d人唔用分期plan，寧願最低還款額?
最低還款額低過你每月分期plan，我就明係糖衣毒藥
但依d case係最低還款額都仲要高過你分期

到底係點計?

呢條似係marketing問題多啲 唔關條數事

還min pay就係因為分到盡60個月都唔夠錢比
你自己篤下分60個月一個月還幾多
差一萬幾千就係一萬幾千，有就有，無就無

我好奇睇返以前大額少少既信用卡單
有個月要交52,166，而最低還款額係739
咁理論上應該係冇可能還完架wo

還min pay唔係都會扣tu咩
唔會還得完架，到時唔侵你玩call loan就仆街

我估佢係用咗呢個計算機去計, 按plan還款38.3年還清, 唔存在還唔完問題.
供樓30年上限, 信用卡畀你用38年還都真係用盡一個人生既可工作年期...
https://www.hsbc.com.hk/zh-hk/credit-cards/tools/repayment-calculator/

但問題係如果就咁計，咁咪越還越多?
用返我上面張單做例子，(52166-739)*1.0265=52789
我既理解最低還款額係好甘，但未至於越還越多
最低還款額恐怖既地方正正係應該銀行係你應付到既情況下令到你比原來還多好多期，如果越還越多(假設你冇新簽帳)，咁d人寧願破產咁就條數都收唔返

min pay係俾你續命 唞氣
唔係叫還錢

所以我係真係想問下其實係點計
條數就咁計就唔會還得完
但係銀行d計數機應該唔會錯架wo，哪怕你係20年、30年都係叫還到

第一期個min pay 係平啲

息隨本減

即係好似^型咁?
一開始好少，之後越黎越多，然後又少返?

明明只係小學雞利率野
但我都係點計都計唔到銀行計數機計出黎既結果
有冇巴絲打真係可以分享下係點計

細個差幾萬蚊卡數 一個月還min pay 1000 蚊左右
還左成年發現條數無減過
最後撳個分期 計哂成個還款期都係比幾千蚊息

無人預你min pay還得哂舊數
長期還得min pay最終都係老破架啦

https://www.moneyhero.com.hk/blog/zh/%E9%81%B2%E4%BA%A4%E5%8D%A1%E6%95%B8-%E9%80%BE%E6%9C%9F%E8%B2%BB%E7%94%A8-%E4%BF%A1%E7%94%A8%E5%8D%A1%E5%88%A9%E7%8E%87%E6%AF%94%E8%BC%83-%E6%BA%96%E6%99%82%E9%82%84%E6%AC%BE%E6%94%BB%E7%95%A5

最低還款額（Min pay）
每月接到月結單時，相信大家都會看到「最低還款額」的數字，即使你的當期結欠有幾千元或幾萬元，「最低還款額」還是低很多，一般只是200多元。有些朋友簽卡時可能未有周詳的財務考量，以至每月收到月結單時無力償還全筆到期欠款。為免遲交卡數，他們便選擇只付「最低還款額」。

其實這個做法帶來的利息負擔大得驚人，欠款未完全如期清還，銀行/ 金融機構一般會對剩餘欠款及新簽帳的項目施以超過30厘的計息，失去「免息還款期」之餘，欠款會隨利息不斷滾大，持卡人便要用更多精力及時間去完全清數，無力償還者甚或面對破產危機。

容許筆者以一個實質例子說明「最低還款額」帶來的額外利息開支有多厲害。

假設持卡人總結欠HK$20,000、該信用卡的月息為2.5% （實際年利率為35%），還款期間沒有新增簽帳、亦沒有年費及其他費用。若持卡人每月只付「最低還款額」，他需要約26年才能完全清還欠款，而所涉的利息超過原先結欠的2倍（總支出HK$67,536，利息佔HK$47,536）；若持卡人每月還款HK$849，他仍需要3年才能完全清還結欠，而所涉的利息約為原先結欠的53%（總支出HK$30,565，利息佔HK$10,565）。

但我想學術討論
到底係點計出黎

就係依個問題
銀行既計數機又好，依個網寫既又好
都係寫到最終可以還得哂
但用小學雞數學計出黎，又唔會還得哂

識唔識架
你肯還MINPAY銀做水魚佢會唔俾你做?










利申 做過幾年水魚

個問題我用完個計數機都唔見你個三千九既結論點黎
之前差十萬卡數個陣講緊都係還三千蚊
五十萬應該最低還款應該點都有萬五

如果好似你咁計
你諗下供樓, 假設供500萬, 年利率6%, 供30年
如果好似你咁計, 每年要500萬*6% = 30萬息
但係實際供樓, 每月只係供3皮, 一年只係還36萬
咁計一年還得6皮本金，30年只係還得180萬本喎??
點解嘅?
因為唔係就咁計囉

實際上銀行會同你計loan amortization
即係每期還本同息嘅比例會唔同, 目的係令每期供款數字均一化
https://www.calculator.net/amortization-calculator.html

所以我就係想知道佢係點樣計到你每個月要還幾多

終於有好學術既分享
但係我又多口問一句
我用你個網計下，50萬，35.42%年息，還38年4個月
總數係678萬
但係銀行個網「只係」180萬
咁到底係銀行個計數機係比靚左條數你睇，定係計法又係唔同?