喉嚨覺得有野銀住卡住

各位有冇類似症狀？

依個情況由11月尾開始，嗰陣咁啱有蕁麻疹去睇醫生話可能係喉嚨都敏感搞到喉嚨腫左。

隨住時間過去我蕁麻疹好左好多，但係喉嚨有卡住感覺依然每隔3幾日又發作咁，有時連續兩日無事，有時成個禮拜都銀住唔舒服，再去睇醫生，醫生話可能胃酸倒流，開咗啲抑制胃酸、化胃氣藥都係無改善。

喉嚨卡住銀住嘅感覺係無飲食都會出現，飲水時會唔想吞落去咁，因為會feel到吞嗰下似壓住喉嚨，但食飯時又唔會感覺喉嚨有銀有卡嘅任何不適。

唔知自己發生咗咩事，搞左2、3個月啦😭

梅咳氣？我以前壓力大有焦慮症試過 擔心 緊張會有喉嚨異物感

我嗰陣焦慮症擔心最嚴重嗰排又係有風癩 壓力會引起皮膚問題

竟然有同路人我都係呢幾個月開始，咳完幾日好唔夠2日又咳番，睇醫生都係咁，以前未試過咁

我之前情況都好似你咁，感覺有異物卡住喉嚨，飲水食野都好難落去個胃。

之後睇醫生，叫我入院照胃鏡。發現食道潰瘍。

你呢家拖左3個月，照照胃鏡會好d

喉球症？愈諗得多個症狀會愈明顯

本身風癩8月出到依家都間唔中出，但就無咳無胃任何唔舒服，淨係喉嚨嗰part好困擾

但係我無咳喎

工作或生活有冇壓力大 緊張 擔心啲野 不安

咁你嗰陣，胃有冇唔舒服？係咪只有喉嚨依part唔舒服？

睇過病徵似似哋

自己覺得無太大壓力同情緒問題
風癩都變咗做慢性蕁麻疹，學習共存
係出緊風癩又無神神多左喉嚨呢個問題，搞到好煩

通常這類問題是壓力引起否則無端端不會咁
不過如果你話冇就應該冇問題嘅

應該係 我之前武肺完有喉球 過一排自己好返

現時最大壓力可能就係喉嚨唔舒服嘅困擾掛

唔諗佢好快冇事
之前有一排又係成日喉嚨唔舒服以為有嘢卡住，想咳佢咳出嚟，後尾唔記得咗之後就好快好返

我有焦慮症都係咁 喉嚨有異物感 好難吞嘢 覺得會哽親

扁桃腺石？

蕁麻疹有冇食藥？
小弟早幾年又係蕁麻疹，維持咗大半年，最後係連續食咗半年抗敏感藥先完全好返，最嚴重嗰排都係喉嚨頂住頂住，食住藥會好好多。

胃酸倒流係其中一個原因

最嚴重嗰排有食藥，之後無咁嚴重就停咗，但依家就算冇出風癩都會喉嚨頂住左。
好似琴日咁，全日都冇身痕冇出風癩都喉嚨頂住成日。

唔見有任何胃部唔舒服 都無反胃酸

睇過喉嚨 唔見扁桃腺有野

嚴重時有冇覺得喉嚨銀住痛？