公立醫院照超聲波問題

想請教有冇人知如果喺公立醫院照腹部超聲波, 係咪會照埋腎臟？ 因為我年中有2個預約都係照超聲波, 但只係相隔2個星期, 一個係泌尿系統, 另一個係喺婦產科日間醫療中心照腹部 (gynae abdomen assessment), 如果係會照埋, 好似重覆咗。

預約紙應該有電話，不知打去問下？

打去醫院叫姑娘幫你問

分系統黎照
泌尿系統就照腎，腎管，膀胱
婦科就照卵巢子宮輸卵管
肝膽胰就剩係照肝膽胰咁樣

婦科日間病房
即係婦產科醫生同你照
應該唔會睇腎臟

泌尿系統就照腎+膀胱

多謝巴打解答,照你所講即係無重覆照。

多謝巴打解答點解我會問係我見出面有d體檢中心, 話照腹部超聲波係包埋腎同子宮卵巢, 但我唔太清楚公立係點情況,其實公立醫院照聲波, 乜唔係專職醫療的職員照？

因為公立醫院唔係做體檢囉
你睇果樣就只係會做果樣
超聲波緊係醫生同你照 佢一邊照一邊會影幾張相 mark低啲嘢
電腦掃描果d先係專職醫療

入院仲好出返嚟把鬼

多謝巴打回覆你嘅意思係無論照乜嘢器官, 公立醫院都會搵醫生幫病人照？我其實之前在公立醫院照過兩次超聲波, 一次係婦科, 另一次係照腎血管,我記得婦科係醫生照, 但腎嗰次我都就唔肯定。

照超聲波醫生照

照電腦掃描就係啲專職醫療照，但醫生睇報告

明白, 多謝巴打回覆

唔係 除左婦科
超聲波係radiographer 照

唔會
照A真係淨係照A

照A嘅時候掃到B見到可疑 會寫落報告話有懷疑
會安排你下次做B

你嘅意思係公立醫院照超聲波一般係放射師照, 咁超聲波報告係放射師出？

如果近期既檢查係重疊既話 除非你情況好大轉變 如果唔係醫生唔會開

近期係指6個月內

係radiologist照唔係radiographer
radiologist係放射科醫生，本身係醫生來
報告當然都係佢出

radiographer係放射師，即係poly五寶之一嘅放射學，負責照ct,x光呢啲

首先好多謝各位巴打的回覆但我覺得有啲奇怪, 好似喺公立醫院究竟係放射科醫生定係放射師負責幫病人照超聲波都有唔同講法, 我諗唔同科會有唔同做法？ 或者甚至唔同醫院做法都唔同？

有d地方係pher照，醫生只係endorse（pwh)

視乎醫院

有d醫院好似會有醫生照，pher做助手。
有d 醫院係pher 照，醫生endorse，如果pher 照果d地方，佢地通常讀曬CU ultrasound master。

如果你係病房bedside ultrasound 多數都係醫生做。
如果你係去radiology 照 ultrasound 有機會係pher 照

多謝巴打回覆我想請教醫生endorse係咪即係個放射報告都係醫生簽名, pher照完超聲波, 將d片同特別發現記低, 醫生覆睇一次就出report? 咁個report會唔會寫明係pher照呢？

放射師做埋超聲波的
不過report係gist出

印象中就有出sonographer 名

不過簽名一定係醫生。
視乎醫院，其實未必會有相存檔。

醫生睇過冇乜問題就簽名，其實都係信個radiographer 。因為ultrasound 係好operators dependent。
經驗淺的sonographer 可能會睇緊少少。好老經驗果d，尤其是直頭嚮poly教書果班，基本上一見到個名都endorse得。

再次多謝巴打回覆,想請教多件事,以你所知, 咁搵出面d體檢中心照超聲波, 會唔會都有機會係pher 幫病人照, 然後醫生endorse, 因為我見有d千幾蚊就有交易, 好似幾平。