文凱玲透露在疫情前已經獲得男友求婚：「疫情之前男朋友已經求咗婚，幾年後終於著手籌備婚禮嘅時候，本身想一切從簡，但估唔到加拿大長大嘅Jason竟然想跟足傳統過大禮，但無從入手，好在有萬能既Wedding planner同埋過大禮公司手把手教佢點準備同點擺靚啲過大禮用品，先有咁靚嘅場面。」
照片見當日過大禮擺滿整個客廳，有八個大禮籃，鮑參翅肚齊備，更有比臉更大的心型心膠。至於金器更是誇張，有金鏈、金豬牌、耳環、龍鳳鈪等五飾金，其中有12對龍鳳鈪，不少都拳頭般大，金光閃閃，非常耀眼！文凱玲提到當日進行過大禮儀式：「當日儀式嘅時候我要先留喺房裏面，完成之後出嚟一睇，成個客廳都擺滿晒嘢！真係確實有種待嫁心情，非常驚喜，父母滿意收禮！屋企人都好開心！」在短片中更見到未婚夫Jason向文凱玲送上香吻，甜到爆！
