【無定向甜甜地】一百個斷尾故(1)

世上嘅故事都未必有結局，而你嘅故事又係唔係無疾而終？

逢星期一至五，準時七點正有文出。

鍾意嘅朋友記得Like同Share俾身邊嘅朋友一齊睇～

有咩都可以留言同我講～有你哋嘅意見，我先會有進步～

下面係Penana嘅Link，想睇返之前嘅章節都可以Click入去。

Penana
https://www.penana.com/story/148320/一百個斷尾故

鍾意我呢條廢腸寫嘅故可以Like Facebook同Follow Instagram～

感激大家長久以嚟嘅支持～在座各位都係讓我光合作用嘅陽光～

Facebook專頁
https://www.facebook.com/whirlingdancer

Instagram
https://www.instagram.com/whirling666/

Penana
https://www.penana.com/user/122935/飛揚/stream

Lm

[Story 01－每朝返學]

著好條校裙～

梳好把秀髮再紮埋條高馬尾～

拎埋個袋再著埋對婆仔鞋就出門返學～

每朝早，我都確保自己整整齊齊咁上巴士。

行上樓梯都會好斯文～上到巴士上層亦都會好斯文咁行去平日坐開嘅位...坐喺一個只要返學嘅日子，就會遇見嘅大哥哥身邊。

我掃一掃條校裙...對大髀夾到實一實...雙手放喺大髀上坐好...偷偷望一眼身邊嘅大哥哥...

佢...都係好似平日咁，都係拎住部電話，好似Send緊Message...

係Send俾邊個呢？每朝都會Send？係...女朋友？

只見個大哥哥好似撳完個Send...就袋返好部電話。

唔知點解...一諗到大哥哥係Send Message俾佢女朋友，心裡總係...總係...總係有一點點刺痛...

點解呢？點解呢？會唔會係因為我...鍾意咗個大哥哥？

「吓？」阿芝拎住盒模型，「你鍾意咗個大哥哥？IT哥哥吖？」

『唔係啦！』我立即擰晒頭！『IT哥哥咁鹹濕咁...點會鍾意佢吖？！』

「嚇死...」阿芝又拎起另一盒模型睇睇，「以為你咁重口味～咁係邊個大哥哥俾我哋嘅思思姐睇中姐～」

『唔...點講好呢...』望住阿芝左揀右揀，『唔識㗎...』

「吓？」阿芝睜大對大眼仔望實我！「唔識？」

『其實係...每朝都會喺巴士遇到囉...』係囉係囉...

「嘩～咁浪漫吖～愛上一個每朝都會喺巴士上遇見嘅大哥哥～」阿芝古古惑惑咁打量住我～

『點吖？笑我吖？』咁衰㗎...

「做咩吖？咁就怕羞喇？」阿芝撞一撞我～

『咩吖？邊係怕羞吖？』我俾阿芝撞到失晒平衡。

「仲話冇～仲話冇～紅都面晒喇～」阿芝貼塊面埋嚟～

『邊有吖？』我用對手撳住自己塊面...勁熱囉...

「講一講都面紅～好鍾意人咁喎真係～」阿芝繼續揀模型～

『唔知吖！我都唔知算唔算係好鍾意...』感覺嘅嘢，好難衡量㗎嘛！

「唔知吖～唔知吖～唔知你咁多吖～」阿芝冇我咁好氣，「不過點解你會鍾意個大哥哥...睇起上嚟幾多歲㗎？」

『唔...我估...都應該有廿幾囉...應該就未過三十嘅...』我估...

「廿幾吖...」阿芝諗一諗，「我當佢廿五啦...唔老咩？」

『咁如果佢廿五嘅話...個樣又唔老...又唔係肥佬！』最緊要唔肥！唔似得我哋個IT哥哥咁！肥到乜咁！又肥又鹹濕咁！唔得囉！

「個樣唔老即係過咗三十都得啦～」阿芝又古古惑惑咁打量住我～

『我OK㗎～我OK㗎～』我偷偷笑～

「睇樣嘅～」阿芝鄙視咁擰擰頭～

『唔睇樣睇咩吖？』係咁㗎啦～

「外協～」阿芝冇我咁好氣，「咁你有冇跟蹤人睇吓人哋喺邊返工吖？」

『痴線我邊有咁變態吖？！』我拍一拍阿芝手臂！『不過我諗都應該係我哋學校附近嘅...因為當我行到返學校，佢都仲向前行緊...』

「嘩你仲話你唔變態？」阿芝捽捽自己手臂，「同跟蹤人有咩分別？」

『唔同囉！咁啱都係行同一條路咋嘛！』真係咁啱姐！

「係喇係喇咁啱喇～」阿芝又冇我咁好氣，「不過呢...咁大年紀嘅男人...會係咩感覺呢？」

『穩重！有安全感！』呢樣我一答就答得出口啦！

由第一日遇到佢...坐喺佢身邊...就俾到我好有安全感嘅感覺！

「安全感吖...」阿芝諗一諗，「聯想唔到...」

『你點會聯想到吖～』我鄙視住阿芝，『你冷血嘅～』

「咩冷血吖？」阿芝皺晒眉咁打量住我！

『五年中學生活吖～』我又拎啲模型睇睇，『都未聽過你話有鍾意人嘅～』

「咁冇個睇得上吖嘛...」阿芝勁無奈...

『咁多男仔鍾意你，一個都睇唔上？』你話仲唔係冷血？

「真係冇囉...」

『咁又係吖～你淨係鍾意模型㗎咋嘛～』

「模型幾好吖～幾型吖～」

『隻隻都差唔多...』

「都唔同！嗱呢隻係MGEX Strike Free！」

『咪同呢隻一樣...』

「唔同！呢隻係RG Freedom！」

『吓？有咩份別吖？呢兩隻同呢隻咪又係差唔多...』

「呢隻初號機唔係高達嚟㗎！係EVA！唔得喇！要教你砌模型先得喇！」

『吓？唔好掛...』

不過講開跟蹤人咁變態...我反而係想做...另一樣變態嘢...

今朝我都係同平日一樣，好斯文咁上到巴士上層，行去坐喺大哥哥身邊。

等到佢又Send完Message，袋返好部電話之後...靜靜咁坐咗一陣...又一陣...然後合埋對眼...

我就扮晒瞓覺咁盅吓...盅吓...盅多幾吓...就瞓喺大哥哥膊頭上...

我扮晒瞓著咁...瞓喺大哥哥膊頭上...但心跳得勁快！唔知會唔會俾佢發現！

呢種心跳嘅感覺...總係會為我全身帶嚟衝擊！

好緊張呢...唔知佢會唔會反感呢？會唔會推開我呢？但我又好想可以繼續瞓喺佢膊頭上...可以聞到...成熟嘅男人味...

我係唔係真係好變態吖？點解我會做啲咁變態嘅嘢㗎？

一直扮瞓咁瞓喺大哥哥膊頭上...直到差唔多落車...

我就扮晒瞓醒...又扮晒冇嘢咁撥撥前陰...掃掃兩邊髮鬢...然後扮晒好自然咁起身落車...

其實我心跳到爆炸！要跳出嚟咁！

緊張死喇！點解我可以咁唔知羞...走去瞓人哋膊頭㗎？！

好彩而家先嚟面紅姐！頭先冇！唔係俾佢見到我咁樣衰...以後仲點面對？

不過呢份擔心，好快就俾另一份擔心淹沒...

兩日假期後，當我一如平日返學，好斯文咁上到巴士上層...

望住我每日坐開嘅位置...旁邊冇人...

兩個位都係空...

大哥哥呢？

第一日自己一個坐...身邊冇咗大哥哥...

第二日...我帶住期待又擔心嘅心情行到上巴士上層...

都係唔見...大哥哥唔見咗...

我會唔會以後都再...見唔到佢㗎喇？

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～

三句預告

[Story 02－回憶節奏]

放工返到嚟屋企樓下，已經係凌晨嘅十二點幾。

我又再次拖住疲乏嘅身軀，行到入嚟七仔。

吖 屌你真係斷尾㗎喎

已經將[Story 01－每朝返學] ENDING Upload上Penana

小新

走冰

影影

一定唔係飛揚

兜口兜面同你講咗㗎啦

lm