高CP值 日牌衣著討論區 (8) 買完衫係時候襯下穿搭等新年靚靚仔仔

但件袍真係值得買嘅單品

有其他相
https://www.instagram.com/reel/C3RZWd4SaOf/

Visvim我年年俾好多智商稅
但佢d野靚料又好易襯
可以keep到好多好多年
又覺得值得俾
Fdmtl d boro有時太花我氣場壓唔住變左衫著人
雖然都係買下買下又一件
但都可能等到50先敢上身

Kapital就不嬲係我心目中係平靚正代表之一
早排秋季日日著佢件刺子面牛仔褸
靚到痴線

我見淘仔啲鋪有埋牛仔褲

喺香港呢個穿衣文化包容性唔高嘅地方嚟講，我都算少少痴線。我唔單止會著boro道袍出街，甚至sou sou呢類包含更傳統元素嘅浴衣款式我都會著出街。

個人愚見，巴打您青靚白淨其實唔係問題，年紀大小、有無鬚、有無佬味都唔係必要元素，最緊要整體效果無太大違和感同夠膽著出街。舉個例，假如您方便留日系髮型，中長髮或丸子頭，就算青靚白淨五官精緻，都可以襯到。巴打玩得衫，點都唔會樣衰毒，因為柒到呢個點就50歲留鬚都嚇死路人。老實講，膽真係行先。行第一步個feel多少似好多學生哥grad din第一次著西裝，會唔自在，覺得周圍啲人用放大鏡睇自己。

仿西裝褸嗰款幾有新意

第二件定番外套嘅boro主題係近年最啱我心水嘅一季，洗水用色同破壞等各樣元素都有花工夫，但又唔會有刻意造作嘅突兀感。呢季件道袍我就有買，一見鍾情。
最後嗰條牛仔褲我都有買，又係靚，不過我就覺得自己著得唔靚。

For sure我係鍾意FDMTL呢個brand，每季都好有期待，但唔係每季嘅用色、洗水同破壞效果都啱心水。我覺得效果夠自然非常非常緊要。

有時啲美國牌子玩patchwork，效果會好不倫不類，即使有啲日本牌子常玩洗水或者boro，如Blue Blue Japan / Evisu等，效果有時都幾突兀造作。平靚正代表，如巴打所講，非FDMTL / Kapital莫屬。淨係2023下半年，都應該買咗差唔多30個Kapital items，以單一牌子計，歷年最誇張

我依邊包容度好高
可能真係未夠膽
Boro極其量都係敢著類似visvim嗰類古布百家布上身
Fdmtl嗰種花既程度都仲係拎上手好靚
著上我身就唔靚咁既感覺

我以前都著的

30

我最意外唔係買咗咁多件，反而係竟然唔係著開Kapital風嘅另一半都中哂Kapital毒

巴打有料

我全年所有brand 加埋先可能有30件單品！

30件Kapital算得上乜吖
30件LP就話啫

其實買咁多係因為舊年下半年去咗幾次日本玩，喺東京、大阪、京都以至北海道行專門店，每次總會搵到啲已上架一段時間，而又喺其他分店搵唔到嘅心水items。佢哋又鍾意將唔同款摺好撈埋其他款疊起，要逐件揭，好有尋寶feel。加上本身無乜Kapital風嘅衣飾，所以不知不覺買多咗少少。撇除靚唔靚呢啲主觀因素，我對啲重手工多細節嘅mij產品真係無乜抵抗力。

除咗有舖必巡，仲開始儲埋每間分店exclusive嘅圓形紀念印刷品，希望將來有機會集齊。近排都幾想去岡山朝聖，但我深信要另一半肯花時間陪我專登走轉岡山係極具難度

好似係22定23 出過長身褸, 睇黎要去二手店望下有無

北海道果間冇乜嘢睇都買到
有料

同東京京都比，札幌店裝修擺設算無乜特色，但可能少人專程喺北海道shopping，所以都買到舊款last piece。相反新出嘅hot items都係買唔到。嗰次喺札幌行街，都有啲意外收獲。除咗Kapital，竟然買到幾件Chrome Hearts。平時喺東京大阪，想搵件silver jewellery都唔易。

大阪去一轉岡山好快ja wor

上次揸兩個半鐘車去淡路睇馬騮都嫌耐，揸多起碼半粒鐘去岡山無cutie嘢睇，應該好難雖然佢都鍾意Kapital，但我真係唔認為佢會想去

日本渣車是享受
見到道之站就落去睇下嘢食下雪糕
間唔中又有啲路牌寫啲冇做功課嘅乜乜展望台/乜乜絕景嘅停車場
好多驚喜的

日本揸兩三粒鐘車，旅途期間景色多變又有觀賞價值，真係享受嚟。換轉喺香港揸兩三粒鐘喺廣東省內有咁遠揸咁遠，都無靚景值得細看

我都希望可以搵次時間夠充裕，俾我喺日本慢活，而且事前可以做足少少功課睇吓日本啲SA PA天書，喺值得停車嘅SA PA睇吓景影吓相。