貪瞋癡熄滅，讓佛陀解脫，自在無礙。只要跟住呢條路，我哋亦可以體證佢嗰份清涼
一、正見
咩係正見？認識苦，了解緣起，放下錯誤嘅見解。
有位朋友，佢爸爸入咗醫院，打電話俾佢，話有啲唔舒服。我朋友敷衍兩句，就話唔得閒收咗線。冇幾耐，佢爸爸就過身，朋友趕去到醫院，望住過身嘅爸爸，淨係可以放聲咁喊⋯世事無常，珍惜眼前人。
除咗常見，仲有「我見」，人類有種習慣，將身體或者心識，睇成我自己，或者屬於我。呢種執取，容易引起死後有、死後無，兩種邊見⋯
二，正思惟
身體(kaya)、語言(vaca)、意志(manas)，係三種業 (karma) 。
意志上，我哋可以修習，遠離貪婪、瞋恨、加害之心，轉而培養慈愛、包容，進而審視：is this thought a fact?
三、正語
言語，可以傷害他人，亦可以造就對方。佛陀鼓勵我哋，講真實、善意、建設性、不離間嘅說話，同埋學習互相傾聽。有時睇到某啲行為，我哋會好嬲，甚至dehumanise對方，但修習正語嘅話，我哋就會先了解對方，減少責罵。
四、正業
「離殺盜婬」：愛護生命，唔好殘害、剎剹，唔佔有他人財產，遠離邪淫，例如強姦、婚外情…
講開又講：出家人化緣行乞，係唔會揀飲擇食嘅 —只要動物唔係為佢而殺。所以戒律就冇話要食素喇，但食少啲肉，又有冇得諗呢？
五、正命
在家眾從事正當職業，維持生計，唔做偷呃拐騙嘅事。出家人按照戒律，取用衣服、飲食、臥具。
