讀緊倫敦大學國際課程，簡介+你問我答

倫敦大學國際課程 University of London International Programme, 通常簡稱london u 或者 UOL

係香港可以跟space 或者 speed讀；自修都得，但死亡率高，唔建議咁做

通常關於london u 都有三個方面既問題：
第一係認受性，第二係同LSE有無關係，第三係難唔難讀
以下簡單講下

認受性

認受性，具體講即係「多唔多人識」或「多唔多人覺得呢間學校係勁野」。

先講下官方資料，SPACE 個四個商科courses全部過哂資歷認證，都係QF level 5，同本地學士睇齊，政府工方面無問題，仲可以申請grant loan。

你可能會問
「喂law course無qf，即係law course唔夠料？」
錯。UOL 既law course 雖無資歷認證，但係香港法律界d老前輩大部分都有UOL law degree係手/出身，因為六七十年代hku law school未夠班 ，所以呢個degree絕對夠料，詳情請google若缺齋；而且你讀完仲可以考pcll，"Completion of the University of London International Programmes LL.B. confers partial exemption from the P.C.LL. admission requirements."

至於「多唔多人識」，香港方面呢個就要睇咩階層，咩公司啦。香港最出名讀uol就係翁靜晶，當年讀完law degree考埋牌做律師。外資，金融銀行界別，大公司都會知，本地細公司，ngo就難講啦（通常你d親戚都唔會知）。外國攤開黎講就好出名啦，連巴基斯坦都有學生reg courses，新加坡每年都有二千幾人新reg courses，全球黎講uol 出名過本地八大 / 同hku ust差唔多出名。

至於「多唔多人覺得呢間學校係勁野」，其實最後都係睇你咩hon，但係出名難就真既。記得上年上d英文course，個鬼佬叫我地介紹自己，有人話自己poly，個鬼佬吹左兩句就無再問。跟住我話讀london u，佢就即刻話"wow, its a really tough one"，跟住又話自己當年都有讀過law course，但太難要分好多年先grad到。

總括黎講，london u認受性係無可置疑，但校名不是一切，最重要都係你最後個hon。

係咪好難grad

同LSE既關係

大家見到space個四個商科courses時候都會見到lse materials, lse主理考試，連d notes都有大大個LSE logo。

問：「咁UOL同LSE有無關係呢？」
有。直接d講，lse係uol其中一間會員學校，uol仲有其他會員例如ucl, king's college等等london based既名牌大學。但係UOL本身只係一個大學聯盟既組織，唔係一間學校黎，只係負責統籌各間學校既行政工作。換句話講，即係LSE係負責學術（academic），UOL係負責行政（administration），類似英超聯同曼聯車路士既關係。

international programme就係UOL自己開設既課程，而值錢之處就在於課程内容，筆記，考試都係各間名牌大學就住每個course度身設計同負責既，學術水準同本部學生睇齊。

問：「咁我讀左international programme係咪lse學生呢？」
絕對唔係。呢個LSE方面講得好清楚，原因係international programme d友成績太參差，廢時有d third hon甚至無hon既人都可以篤下鼻哥就話自己lse畢業，係quality control既措施黎。

但係係國際課程攞到first hon/ second up去lse讀master就大膽講句幾乎收硬，爭在英文會唔會真係太水皮；而lse master就真係好夠照啦。

係咪好難grad

好難高分grad

難讀

先講下assessment，大部分courses都係筆試，成績佔100%，70分就first hon，40分pass。好處係自己努力就得，唔使做濕9 project/fyp，mid term test，人為error大幅減少；壞處係要好好研究考試䇿略，一錯左個分就跟成世。

問：「係咪真係好難讀？」
難，但比alevel容易。作為alevel過來人，考london u個考試係可以接受既，低alevel難度半級，因為更難既科目都只係一份卷，三個鐘，唔似alevel兩份卷，六個鐘。雖然容易過alevel，但都要俾時間專心温唔可以hea，當然無alevel咁崩潰。

國際課程最大既問題係師資絕對比唔上本部教授，但考就考翻同一樣既野，學生要更加自律先可以追到進度。
雖然咁樣好似難為學生，但諗深層其實保障大家個學位係物有所值，試諗下如果成年走堂，考試9答都有first hon既，呢個degree要黎都哂氣。所以就係要set高個難度先訓練到優質學生（至少係專注力高既），保障個校譽。

利申下 末代alevel 入左ust 但係無心向學得third hon，依家第一年考完uol exam有3個distinction，1個merit

開個post有幾錢？

開個post有幾錢？

無錢 sad

master course 點睇

雞校有乜好討論
UOL既學生成日都想同London G5沾邊
其實咩咪又係agent之寶

你讀緊邊科咁？

master course 點睇

咩course

你讀緊邊科咁？

商科

雞校有乜好討論
UOL既學生成日都想同London G5沾邊
其實咩咪又係agent之寶

何謂agent之寶

雞校有乜好討論
UOL既學生成日都想同London G5沾邊
其實咩咪又係agent之寶

何謂agent之寶

應該係啲agent報黎要個大學名號
幾錢學費 自從開左鋪 日子太清閒想讀返書

雞校有乜好討論
UOL既學生成日都想同London G5沾邊
其實咩咪又係agent之寶

何謂agent之寶

應該係啲agent報黎要個大學名號
幾錢學費 自從開左鋪 日子太清閒想讀返書

london u註冊+考試（4個courses) 港紙萬幾
space/speed補習費 自己睇吧 費時俾人話space打手